Ужо шмат гадоў, як АК БПС адмовіўся ад усякага супрацоўніцтва ня толькі з каланіяльным рэжымам, але і з ягонай апазіцыяй. Аднак, у сувязі з апошнімі падзеямі і працягам ціску супраць нас з боку сілавых структур, мы вырашылі агучыць нашую пазіцыю.
Беларускі народ ведае нашую арганізацыю па барацьбе з вулічным расейскім фашызмам РНЕ, НБП, па вырашальнай ролі ў часе легендарнага Курапацкага Чыну, па удзелу ў Памаранчавай рэвалюцыі і адкрыцці Беларускага Нацыянальнага Дэмакратычнага Цэнтру ў Кіеве. Народ сам вызначыў нашую арганізацыю, назваўшы «Беларускай Партыяй Свабоды». Прэса афіцыйнай апазіцыі цудоўна гэта ведае, аднак адмыслова зневажае, каб блакаваць наш уплыў.
Пасля выбуху ў Мінску ў ноч з 3 на 4 ліпеня 2008 г. быў затрыманы кіраўнік АК БПС С.Высоцкі. Ён з’яўляецца адзіным публічным палітыкам, прыцягнутым па гэтай справе. Улады самі прадэманстравалі, каго яны баяцца. Пытанне, натуральна, не ў «арганізацыі выбуху і падрыхтоўцы нападу на прэзідэнта», а ў рэальнай палітычнай актыўнасці нашай арганізацыі.
Мы заклікаем беларускае грамадства і ўсе здаровыя дэмакратычныя сілы адмовіцца ад усялякага ўдзелу ў лялечных гульнях рэжыму, азначаных як «парламенцкія выбары».
У падобнай грамадскай атмасферы, на фоне брыдкіх правакацый свабодныя выбары немагчымыя ў прынцыпе. Нарастае палітыка этнацыду, выводзіцца ўсё беларускае з праграм ВНУ і школ, закулісна здаюцца расейскім уласнікам асноўныя прадпрыемствы Беларусі, вядуцца перамовы аб размяшчэнні ў нашай краіне расейскай атамнай зброі і прыняцці акупацыйнага «канстытуцыйнага акту». Гэтыя выбары могуць быць скарыстаныя для легалізацыі рэжыму і рэалізацыі гэтых брудных каланіяльных планаў.
Не выбары, а цьвёрдая палітычная барацьба супраць тыраніі!
Не подлыя гульні, а нацыянальная воля і грамадскі супраціў акупацыі!
21.08.2008 Кіраўнік прэс-службы: АК БПС З.Зданевіч.
GSM: 6523295 e-mail: b.p.svaboda@gmail.com
God bless You!
Старонка БПС— BPS-Minsk.narod.ru
Паўстань БЕЛАРУСЬ!!!