nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

Запісы

Яны папярэджваюць: лёс Беларусі вызначыць лёс Еўропы

19 мая, 2017 | 9 каментарыяў

Папярэджвалі 2

 

 

 

Пра тое, што напісана ў загалоўку, мы кажам даўно. Але сёньня гэтая ісьціна адкрываецца ўсё большай колькасьці іншых людзей. Найбольш прыстойныя зь іх пачынаюць казаць заяўленае ўсё больш голасна і настойліва. Іх словы – крытэр ня толькі іх розуму, прыстойнасьці, празорлівасьці, а і нашай даўняшняй правасьці (гл., напрыклад, тут: https://nashaziamlia.org/2015/08/05/7801/). Выстаўляем ніжэй падборку матэрыялаў, якія падмацоўваюць адзначанае.

Рэдакцыя.

 

 

 

Першым, каму даем слова, зьяўляецца вядомы ўкраінскі соцыяпсіхолаг, публіцыст, футуролаг (які, дарэчы, мае беларускія карані) Аляксей Арэстовіч. Ён адзін зь нямногіх, хто адкрыта і адназначна заяўляе тое, пра што многія, ведаючы, нават сёньня з-за страху ці “паліткарэктнасьці” працягваюць маўчаць.

Матэрыял, які падаем ніжэй, узяты адсюль: https://www.obozrevatel.com/abroad/02346-istoricheskij-vyibor-lukashenko-opredelit-sudbu-evropyi-arestovich.htm

 

Папярэджвалі 3 j“ГІСТАРЫЧНЫ ВЫБАР ЛУКАШЭНКІ ВЫЗНАЧЫЦЬ ЛЁС ЕЎРОПЫ”

02 лютага 2017 г.

Гістарычны выбар прэзідэнта Беларусі Аляксандра Лукашэнкі вызначыць лёс Усходняй і ўсёй астатняй Еўропы, усёй еўразійскай прасторы [мы ня верым у правільнасьць гэтага выбару Лу-кам – адкрытым агентам Масквы, але дзякуй, сп.Аляксей. – Рэд.].

Пра гэта ў сваім Facebook напісаў ваенны аналітык Аляксей Арэстовіч.

“Вялікае княства Літоўскае (Беларусь), зьяўляецца абсалютным чэмпіёнам сярод усіх краін, зь якімі ваявала Масковія. Больш ні да каго Крэмль ня меў такой сакральнай нянавісьці й жаданьня растаптаць усё ў зародку, як да альтэрнатыўнай Русі, нават да Каўказа, – піша эксьперт [яшчэ раз – дзякуй. – Рэд.]..

Амаль два дзесяцігоддзі Лукашэнка “віляў”, так і ня даўшы Крамлю акупаваць Беларусь вайсковым шляхам або паглынуць яе да канца сацыяльна-эканамічна – тлумачыць Арэстовіч – але цяпер, калі супрацьстаяньне Крамля з Захадам перайшло практычна ў адкрытую фазу, магчымасьці для манеўру з боку Беларусі крытычна зьнізіліся.

“Захад супрацьпаставіў расейскай экспансіі Ўсходні вал у Польшчы, Прыбалтыцы, Румыніі, Баўгарыі. З Крамлём на сьмерць ваюе Украіна. Вызначаюцца Фінляндыя і Швецыя. І на ўсім гэтым сьвяце жыцьця дапусьціць ваганьні афіцыйнага Менска ў бок Еўропы-НАТА-Польшчы-Прыбалтыкі-Украіны Крэмль ня можа ні пры якіх абставінах. Ні пры якіх…”, – адзначае аналітык.

Паводле яго слоў, Лукашэнка усё ж застаўся верны сабе ў пытаньнях правядзеньня незалежнай палітыкі [гэта ружовыя мары. – Рэд.].

І, ужо вельмі падазрона гэтая лінія падобная на прынцыповы каштоўнасны выбар… Мне хочацца верыць, што перад абліччам Гісторыі, ён [Лу-ка] зробіць правільны выбар і стане тым, кім ён мае ўсе шанцы стаць – Айцом Беларусі, які выратаваў яе ў страшныя часы страшнага выбару ва ўмовах страшнай пагрозы”, – дадаў Арэстовіч [мы таксама хацелі б на такое спадзявацца, але ведаем: гэта – ружовыя мары… – Рэд.].

(канец тэкста)

 

Падаем меркаваньне былога амбасадара Украіны ў Беларусь сп. Рамана Бяссьмертнага (узята адсюль: https://charter97.org/be/news/2017/4/9/246294/)

 

Папярэджвалі 4 j“ЛУКАШЭНКА З ПУЦІНЫМ ВЯДУЦЬ КРАІНУ ДА ВАЙНЫ”

9.04.2017 г.

Палітычная сітуацыя ў Беларусі сёньня патрабуе рашучых дзеяньняў. Намаганьнямі Крамля і «зіц-прэзідэнта» Лукашэнкі Беларусь ператвараецца ў свайго роду копію Украіны пры Януковічы [ужо 20 гадоў, як ператворана… – Рэд.].

Калі прасачыць метады дзеяньня крамлёўскіх тэхнолагаў, то бачна, што Украіна прайшла тыя ж этапы. І нядаўнія нафтагазавыя «перамовы» – частка гэтых метадаў.

Беларусы павінны сёньня дакладна вызначыцца і зразумець: Лукашэнка і Пуцін вядуць краіну да вайны. І беларускаму народу трэба аб’яднацца і дзейнічаць разумна і рашуча, каб гэтага не дапусьціць.

Народныя пратэсты паказалі, што беларусы хочуць быць еўрапейцамі, а іх гвалтам вяртаюць у «рускі сьвет». Тое, што адбылося ў гадавіну сьвяткаваньня Дня Волі – яшчэ адна ілюстрацыя гэтага. І жорсткасьць у здушэньні мірнай дэманстрацыі, і прысутнасьць расейскіх вайскоўцаў, якія нібыта «прыбылі на вучэньні» паказваюць, што рэжым Лукашэнкі напалоханы. Яго дзеяньні 25 і 26 сакавіка ў Менску – выразны паказчык страху перад беларускім народам.

З-за страху перад народам ён можа пайсьці на самыя нелагічныя дзеяньні. Ня ведаю, што думае бліжэйшае асяроддзе Лукашэнкі й не разумею яго. Але я на асабістым досьведзе ведаю, што адбываецца, калі ніхто не спыняе гэты ідыятызм «першай асобы». Час спыняць маразматычныя дзеяньні Лукашэнкі ў дачыненьні да беларускага народу. Любым коштам, як заўгодна…

Я б заклікаў той «істэблішмэнт», які яшчэ ёсьць у Беларусі, выступаць на баку народу, які пратэстуе.

Таксама хачу сказаць, што ў беларускай сітуацыі вельмі важна даносіць да людзей альтэрнатыўную інфармацыю. Я быў у вашай краіне і ведаю – тое, што транслюецца са «скрыні» 24 гадзіны ў суткі, проста можа давесьці да вар’яцтва. Слухаць паранаідальнае пракрамлёўскае вяшчаньне афіцыйных СМІ практычна немагчыма, гэта пярэчыць нармальнай сутнасьці чалавека.

Як можна наогул дазваляць выліваць увесь гэты ідыятызм на галаву нармальнаму шэраговаму беларусу, які хоча быць еўрапейцам? Гэта я кажу як чалавек, які перакананы, што беларус па сваёй сутнасьці ў значна большай ступені еўрапеец, чым украінец [дзякуй, спадар Раман. – Рэд.]. Неабходна ўсё зрабіць, каб спыніць гэтую прапаганду.

Еўропе неабходна максімальна жорстка дзейнічаць у дачыненьні да Лукашэнкі. І ня менш жорстка – у дачыненьні да Пуціна.

(канец тэкста)

 

А вось інтэрвю прэзідэнта Летувы Далі Грыбаўскайтэ выданьню Foreign Policy (ЗША) ў перакладзе на нашу мову (узята адсюль: http://foreignpolicy.com/2017/03/24/russia-lithuania-nato-grybauskaite-putin-trump-interview; зьвярніце ўвагу на галоўную памылку “Еўропы” – ігнараваньне “беларускай праблемы”; нязначна скарочана).

 

Папярэджвалі 5 j“РАСЕЯ – ПАГРОЗА ЎСЁЙ ЕЎРОПЕ”

Foreign Policy: Вы прасілі, каб была сталая дыслакацыя войскаў ЗША ў Летуве?

Даля Грыбаўскайтэ: Так, амерыканскія войскі ў Еўропе па-ранейшаму знаходзяцца ў асноўным у Нямеччыне і Заходняй Еўропе, у той час як пагроза ў цяперашні час на ўсходзе – у Польшчы і краінах Балтыі [а куды падзеліся Україна, Беларусь? – Рэд.]. Адсюль наша рэкамендацыя, каб войскі ЗША былі тут на сталай аснове.

Мы таксама павінны мець супрацьпаветраную абарону. Вы ня можаце абараніць сваю тэрыторыю або войскі на зямлі, калі ў вас няма супрацьпаветранай абароны.

 

FP: Наколькі вялікая сёньня пагроза з боку Расеі для Летувы?

DG: Расея ўяўляе пагрозу ня толькі для Летувы, але і для ўсяго рэгіёну і ўсёй Еўропы. Мы бачым, як Расея паводзіць сябе ў Калінінградзе – расейскім анклаве на нашай мяжы. Там яны разгарнулі ракеты, здольныя несьці ядзерныя зарады, якія могуць дасягаць еўрапейскія сталіцы. Гаворка больш ня ідзе толькі аб Балтыйскім рэгіёне.

 

FP: Ці вы турбуецеся што да «маленькіх зялёных чалавечкаў» – верагодных расейскіх салдат – якія могуць прыйсьці сюды, як яны зрабілі ва Украіне?

DG: Гэта можа быць зроблена па-рознаму. Адзін са спосабаў – гэта “Захад 2017” – буйныя расейскія вайсковыя вучэньні ў Беларусі, якія мы чакаем на восень. Запусьціць так званых «зялёных чалавечкаў» на нашу тэрыторыю будзе вельмі цяжка, таму што яны не гавораць па-летувіску, і мы ня маем шмат рускамоўных людзей.

 

FP: Вас турбуе, што Расея можа захапіць Сувалкскі калідор [60-мільны ўчастак тэрыторыі на летувіска-польскай мяжы] і праз гэта зрабіць цяжкім для НАТА накіраваць дадатковыя войскі ў Прыбалтыку ва ўмовах крызісу?

DG: Так, яны маглі б абмежаваць доступ. Менавіта таму мы просім сталай прысутнасьці на нашай тэрыторыі [войскаў НАТА], і мы таксама павінны мець магчымасьці для супрацьпаветранай абароны.

 

FP: А што кажуць ЗША?

DG: Мы павольна знаходзім паразуменьне. У 2010 годзе мы пачалі абмяркоўваць з НАТА планы для абароны краін Балтыі. Мы, нарэшце, атрымалі іх, але яны не зьяўляюцца дастатковымі для такіх агрэсіўных паводзін з боку нашага суседа.

Нам патрэбныя войскі на нашай тэрыторыі. Летась на Варшаўскім саміце мы дамовіліся, што Польшча, Летува, Латвія і Эстонія атрымаюць па адным батальёне, і мы іх атрымалі. Адзін ужо тут пад кіраўніцтвам Германіі. Але будуць удзельнічаць сем краін.

 

FP: Ці лічыце вы, што Захад выканае артыкул 5 дамовы НАТА аб калектыўнай абароне?

DG: Я думаю, што артыкул 5 ужо на нашай тэрыторыі – члены батальёна абавязаны бараніць нашу краіну. Прынамсі, сем краін НАТА.

 

FP: Як вы ставіцеся да поглядаў прэзідэнта Дональда Трампа па НАТА?

DG: Я думаю, што пэўны крытыцызм прэзідэнта мае пад сабой грунт, асабліва што да выдаткаў на абарону. Усе члены НАТА павінны больш інвеставаць [у абарону]. У Летуве ў гэтым годзе мы трацім 1,8% ВУП [на гэта] і ў наступным годзе будзе 2,1%. Гэтая крытыка з боку прэзідэнта Трампа апраўданая.

 

FP: Як вы думаеце, якім будзе наступны крок прэзідэнта Расеі Ўладзіміра Пуціна?

DG: Ніхто ня ведае, але ясна, што ён будзе выкарыстоўваць любую прастору, пакінутую яму, каб справакаваць нас. Ён будзе ісьці так далёка, як мы будзем яму дазваляць. Ён адчувае велізарны ціск унутры [Расеі], і ён мае патрэбу ў зьнешніх ворагах. Мы бачым, як перыядычна ён знаходзіць сабе новых ворагаў у тым ці іншым рэгіёне. Еўропа зьяўляецца адным з рэгіёнаў, куды ён хацеў бы экспартаваць нестабільнасьць.

 

FP: Вы маеце на ўвазе яго ўмяшальніцтва ў выбары ў Францыі?

DG: Ён паўсюдна падтрымлівае ўльтра-правыя і ультра-левыя палітычныя сілы. Мы таксама паўсюль бачым кібер-, інфармацыйныя і прапагандысцкія атакі.

 

FP: Ці гэтыя напады павялічыліся пасьля ўварваньня ў Крым?

DG: Ах, так. Пасьля Крыму інвестыцыі ў прапаганду і інфармацыйную вайну былі рэзка павялічаны Крамлём. На нашай тэрыторыі мы ўжо знаходзімся ў сітуацыі нетрадыцыйнай вайны з-за [сталых] кібератак, ТБ-прапаганды й інфармацыйных нападаў з боку Расеі. Мы бачым гэта ўвесь час. Яны насаджаюць непраўдзівыя навіны, спрабуюць “інвеставаць” у некаторых палітыкаў. Гэта іх стандартныя паводзіны па ўсім сьвеце.

 

FP: Як вы супрацьстаіце гэтаму?

DG: Тры месяцы мы блакавалі трансьляцыю некаторых [расейскіх] тэлеканалаў, якія былі вельмі агрэсіўнымі. Мы спрабуем разбураць прапагандысцкія міфы на нашай тэрыторыі. Напрыклад, у час прыбыцця батальёна [НАТА] пад кіраўніцтвам Нямеччыны, была створана чутка, што нямецкі салдат згвалціў летувіскую дзяўчыну. Мы адразу ж адрэагавалі, заявіўшы, што гэта хлусьня. Мы праверылі імя і аказалася, што не было такога чалавека.

 

FP: Вы лічыце, што можаце разьлічваць на ЗША?

DG: Мы верым, што наша партнёрства са Злучанымі Штатамі – незалежна ад таго, якая там будзе адміністрацыя – зьяўляецца моцным.

 

FP: А што зараз адбываецца ва Украіне?

DG: Мы імкнемся аказваць ім, колькі можам, гуманітарную, вайсковую і палітычную дапамогу.

 

FP: Як вы думаеце, урад Украіны зможа выжыць?

DG: Я ня думаю пра ўрады. Мяне турбуе будучыня краіны і яе народу. Наша мэта ў тым, каб падтрымаць Украіну і выцягнуць яе з карупцыі, вызваліць ад залежнасьці ад Расеі, дапамагчы украінцам быць больш еўрапейскімі. Яны маюць вайну на сваёй тэрыторыі, і мы мусім быць цярплівымі зь імі.

 

FP: Ці лічыце вы, што санкцыі дзейнічаюць?

DG: Санкцыі былі ўведзены пасьля Крыму, і я ня думаю, што ў нас ёсьць падставы адмяніць санкцыі.

 

FP: Ці будуць еўрапейцы згодныя з вамі?

DG: Пабачым. Гэта ня проста. У розных краінах існуюць розныя меркаваньні. Але Расея заўсёды дае новыя прыклады сваіх паводзін.

 

FP: Вы маеце на ўвазе Сірыю?

DG: Так, але цяпер яны таксама пагражаюць [таксама] і Лівіі. Адбываецца канцэнтрацыя [расейскіх] вайскоўцаў у Егіпце паблізу ад мяжы зь Лівіяй.

 

FP: Ці можна сказаць, што Пуцін мае стратэгію?

DG: Ён імправізуе са сваёй стратэгіяй. Калі прастора [тэрыторыя] адкрытая, ён уваходзіць на яе. Ён хуткі ў сваіх рашэньнях.

 

FP: Ці хоча ён аднавіць былы СС?

DG: Ён настальгуе [па ім]. Ён хацеў бы мець больш уплыву і дэстабілізаваць больш краін.

 

FP: Уключаючы вашую?

DG: Мы яго бліжэйшыя суседзі [пра Беларусь зноў забыта… – Рэд.]. Ён нападае ня толькі на нас, але і на Нямеччыну, і на вашую краіну з кібер-нападамі й крадзяжамі інфармацыі. Уявіце, калі Расея можа паўплываць на ваша публічнае абмеркаваньне, наколькі вялікі яе ўплыў на меншыя суседнія краіны.

Бясьпека Амерыкі знаходзіцца ў краінах Балтыі. Калі вы спыніце яго тут, ён ня будзе пагрозай для вас. З сёньняшнімі тэхналогіямі тэрыторыя ня так важная. Важна выкрыць яго метады і хлусьню. Пуцін вучыцца, як зрабіць [гібрыдныя атакі] на нашай тэрыторыі, а затым экспартаваць гэтыя веды ў іншыя краіны.

Мы павінны ведаць, на што пуцінская Расея здольная – што цяпер яны могуць дасягнуць нават Злучаныя Штаты. Нават для нас гэта было нечаканасьцю. Мы думалі, што яны будуць ведаць, што нельга так далёка заходзіць са сваімі спробамі паўплываць на сусьветную палітыку.

 

FP: Пуцін накіраваў свае войскі ў Сірыю і нічога не адбылося.

DG: Мы дазволілі яму зрабіць гэта і Лівія можа быць наступнай. Калі Расея ўвойдзе, будзе яшчэ большая плынь імігрантаў у Еўропу. Ён выкарыстоўвае іміграцыю ў якасьці прылады, каб дэстабілізаваць адзінства Еўразьвязу. Гэта цынічна і брутальна.

 

FP: Што для вас найважней?

DG: Каб ЗША не выходзілі з глабальнай палітыкі. Калі ЗША закрыюцца на сваім уласным кантыненце, застанецца занадта шмат вольнага месца для Расеі

(канец інтэрвю)

 

Пра магчымасьць нападу ў бліжэйшыя месяцы-гады расейскай імперыі на Беларусь сёньня таксама шмат папярэджвае былы дарадца Пуціна Андрэй Іларыёнаў.

Гл., напрыклад, тут:

https://www.youtube.com/watch?v=zJ8QCbLETqU (17:30 – 18:50);

–  https://www.youtube.com/watch?v=wRQZ_qfzZ8Q  (па гэтым адрасе Іларыёнаў даваў інтэрвю знакамітаму расейскаму журналісту Сашу Сотніку, але цяпер відэа стала “недаступна”; там сп. Іларыёнаў казаў пра Расею як імперыю);

https://www.youtube.com/watch?v=PwN5I-Xpa7A (цяпер уваход абмежаваны; там сп. Іларыёнаў таксама казаў пра Расею як імперыю );

https://www.youtube.com/watch?v=irl-KgfaCNI (дубль гэтага інтэрвю тут: https://www.youtube.com/watch?v=mENcFmPrJT4) – (12:50-17:00).

Каб пазьбегчы зьнікненьня і тых відэа, якія засталіся, перавядзем у тэкставую форму важную для нас частку апошняга зь іх.

 

Папярэджвалі 6 jЖурналістка: Вы нагадалі пра важную для Расеі тэрыторыю – Беларусь. [Пра тое,] што там можна набыць сьвежых цудоўных грамадзян. Вы сапраўды думаеце, што мы можам туды свае шчупальцы прасунуць?

Андрэй Іларыёнаў: Я проста ня бачу лепшага падарунка для патэнцыйных [расейскіх] выбаршчыкаў 2018 года, чым “Беларусьнаш!”.

Мы ж праверылі. “Крымнаш” працуе. Там нас 83-86%. Дык у Беларусі там напэўна пад 90% зашкаліць [грубая памылка Іларыёнава. – Рэд.].

 

Ж: Пачакайце, Лу-ка ж жывы-здаровы…

АІ: Ну, дык і Януковіч жывы-здаровы. Што з таго?

Зразумела, што пры жывым Лукашэнку гэта было б цяжка зрабіць. Але ж бываюць усялякія выпадкі ў жыцьці…

У Беларусі наўрад ці будуць адгрызаць кавалак Віцебскай ці Магілёскай вобласьцяў. Там лепш [узяць] усё. Бо беларускія грамадзяне на самай справе добра ставяцца да расейцаў. Гэта факт жыцьця [грубая памылка Іларыёнава. – Рэд.].

І мы бачым, што расейская прапаганда зьмяніла сваё стаўленьне да Беларусі. Мы ж бачым гэтыя перадачы, якія пайшлі апошнім часам.

Зьвярніце ўвагу таксама на створаныя “У кантакце” групы падтрымкі Віцебскай народнай рэспублікі, Магілёўскай, Гомельскай, Менскай, Гродзенскай, Брэсцкай народных рэспублік. І, во сюрпрыз: усе яны створаны ў адзін і той жа дзень – 2 лютага 2017 г.! Як вы думаеце, што такое здарылася з прыхільнікамі Народных рэспублік на тэрыторыі цяпершняй Беларусі?

Праблема Беларусі ў тым, што за яе няма каму заступіцца. За Прыбалтыйскія рэспублікі ёсьць каму заступіцца – яны сябры НАТА. Украіна і Грузія заявілі пра сваё жаданьне ісьці на Захад. У дачыненьні да Беларусі нічога такога няма. Там дзейнічаюць нават санкцыі супраць Лу-кі й многіх прадстаўнікоў яго кіраўніцтва.

Іншая праблема Беларусі ў тым, што яна зьяўляецца жорстка вертыкалізаванай палітычнай структурай. А ў такіх структурах часовая няздольнасьць першай асобы аддаваць распараджэньні-каманды ці проста браць слухаўку імгненна паралізуе ўсю сістэму.

Калі, напрыклад, Лу-ка поўдзе ў лес за грыбамі і зь ім 24 гадзіны ніхто ня зможа зьвязацца, то чые загады будзе выконваць міністар абароны, міністар унутраных спраў, кіраўнік КГБ (у іх КГБ ёсьць), прэм’ер-міністар, парламент і г.д.? Уся сістэма настроена на тое, што найвышэйшай і адзінай уладай у рэспубліцы валодае Лу-ка. Пакуль ён ня зьявіцца, усе будуць чакаць. А пакуль ён ня зьявіцца, у залежнасьці ад сітуацыі…  [могуць быць наступствы].

(канец інтэрвю)

 

У заключэньні  выстаўляем матэрыял знакамітага чачэнскага сайта (узята адсюль: http://kavkazcenter.com/russ/content/2017/05/12/114772/russkaya-ugroza–kreml-gotovit-armiyu-s-glubinoj-vtorzheniya-do-500-km-na-zapad.shtml)

 

Папярэджвалі 7 jКРЭМЛЬ РЫХТУЮ АРМІЮ ДА ЎВАРВАНЬНЯ НА ЗАХАД НА ГЛЫБІНЮ ДА 500 КМ

У верасьні Расея правядзе ў Беларусі вайсковыя вучэньні “Захад 2017”, куды можа прыцягнуць каля 100 тысяч салдат. Пра гэта паведамляе LIGA.net ў матэрыяле, прысьвечаным трохгоддзю руска-ўкраінскай вайны – “Вайна 2017”.

Для Еўропы абвастрэньне дачыненьняў з Расеяй, падобна, толькі пачынаецца. У 2015 годзе Пуцін вырашыў вывесьці краіну з дамовы аб абмежаваньні ўзбраеньняў у Еўропе (ДОВСЕ). З таго ж году рэжым пачаў стварэньне на сваёй заходняй мяжы трох новых дывізій – па 10 тыс салдат у кожнай.

Аднак рэальныя лічбы, кажуць адмыслоўцы, будуць у разы большыя. Фактычна гэта сілы хуткага рэагаваньня, здольныя ў самыя кароткія тэрміны зьдзяйсьняць наступальныя дзеяньні.

Па даных суразмоўцаў сярод сілавікоў, групоўка, якая ствараецца, будзе цалкам разгорнутая, пераўзброеная і гатовая да ўварваньня ў суседнія краіны да 2020 году. Мяркуючы па складзе вайсковых аб’яднаньняў і створанай інфраструктуры для іх, глыбіня ўварваньня плануецца ў межах 500 км.

Акрамя краін Балтыі ці Беларусі, напрамкаў удару ў бок Украіны можа быць некалькі: чарнігаўскі, харкаўска-сумскі, данецкі. Удар з Крыма таксама верагодны. Мэта ваеннага наступу – не акупацыя, а разгром асноўных сіл ВСУ і прымус Украіны да капітуляцыі, то бок да міру на ўмовах агрэсара.

Выданьне The Wall Street Journal піша, што падчас расейскіх вучэньняў “Захад 2017” ў верасьні можа разгарэцца новы крызіс каля межаў краін Балтыі.

Сама Расея заяўляе, што ў вучэньнях возьмуць удзел 3.000 салдат. Але менавіта такая лічба дазваляе Маскве не апавяшчаць НАТА пра дэталі.

Аднак былы вярхоўны галоўнакамандуючы Аб’яднаных узброеных сіл НАТА ў Еўропе Філіп Брыдлаў лічыць, што Расея хлусіць і ў вайсковых манеўрах будуць задзейнічаны каля 100 тысяч салдат. Вайскоўцы НАТА кажуць, што гэта будуць самыя маштабныя вайсковыя вучэньні Расеі каля заходніх межаў.

Адначасна з расейскімі манеўрамі ў Швецыі адбудуцца абарончыя вайсковыя вучэньні, у якіх будуць прымаць удзел краіны НАТА, уключаючы ЗША.

У Службе бясьпекі Украіны папярэджваюць, што ўсе суседзі Расеі, акрамя Кітая, ня могуць адчуваць сябе ў бясьпецы – нават тыя краіны, якія сёньня Масква публічна называе сяброўскімі.

“Расея ня толькі стварае і падтрымлівае канфлікты. Яна выкарыстоўвае іх для сталай дэстабілізацыі сітуацыі, робіць усё, каб не даваць сваім суседзям будаваць дэмакратычныя інстытуты і разьвіваць эканоміку”, – кажа прадстаўнік СБУ Аляксандр Ткачук.

Характэрна, што ўсе суседзі Расеі, уключаючы краіны маскоўскага вайсковага блоку АДКБ, праігнаравалі традыцыйны мілітарысцкі парад 9 траўня ў Маскве. Прыехаў толькі прэзідэнт Малдовы, які не хавае сваіх шчыльных сувязяў з Крамлём. Астатнія ў лепшым выпадку даслалі эмісараў.

На парад да Пуціна не прыехалі нават Аляксандр Лукашэнка і Нурсултан Назарбаеў. Пагроза, якая зыходзіць ад Расеі, адпужвае нават бліжэйшых саюзьнікаў, якія пасьля анэксіі Крыма і руска-ўкраінскай вайны на Данбасе больш ня бачаць у Маскве надзейнага партнёра. Нават АДКБ, якая планавалася Масквой як альтэрнатыва НАТА, страціла сур’ёзную персьпектыву і ператварылася ў блок для краін дыктатарскага толку.

Міністэрства абароны Расеі абвясьціла пра намеры паслаць у 2017 годзе ў Беларусь 4162 вагоны вайсковай тэхнікі. Гэта ў 33 разы больш, чым у 2015 годзе і ў 83 разы больш, чым ў 2016 годзе.

Мясцовыя СМІ расцэньваюць падрыхтоўку да вайсковых вучэньняў “Захад 2017” як падрыхтоўку да фактычнай акупацыі Беларусі. “Дэ-факта Беларусь ужо акупаваная Расеяй”, – заявіў латвійскаму выданню Delfi палітолаг Віціс Юрконіс [што ты нясеш, “палітолаг”? і што ты зрабіў за 25 гадоў, каб так не было? – Рэд.].

Міністар абароны Эстоніі Маргус Тсахкна лічыць, што вайсковыя вучэньні Расеі “Захад 2017” – гэта фактычна пачатак акупацыі Беларусі. Ён спаслаўся на выведданыя Эстоніі ды іншых краін Альянсу, якія сьведчаць аб намерах РФ не выводзіць сваіх салдат з Беларусі пасьля завяршэньня вучэньняў [! – Рэд.].

“Для расейскіх вайскоўцаў, якія накіроўваюцца ў Беларусь, гэта квіток у адзін канец”, – адзначыў кіраўнік Мінабароны Эстоніі.

Пры гэтым сам Лукашэнка, насуперак пазіцыі Масквы, паспрабаваў падстрахавацца, запрасіўшы назіральнікаў НАТА ў краіну на вучэньні “Захад 2017”.

Кажуць, што ў Расеі гэты крок выклікаў гнеў і абурэньне”.

(канец тэкста)

=

P.S.

Вядома, інфармацыя ня зь лепшых. Але не бывае нічога такога негатыўнага, каб ня мела ў сабе зародак пазітыўнага.

У даным выпадку пазітыўным зьяўляецца тое, што пасьля дзесяцігоддзя замоўчваньня (!!!) ня толькі “беларускай” праблемы, а і ўвогуле існаваньня Беларусі й беларуска-літвінскага народу, нарэшце хоць нехта ў міжнароднай палітыцы пачынае ўзгадваць пра нас. Гэта можа рабіцца альбо толькі кантэкстна (як пані Грыбаўскайтэ), альбо наўпрост (як спадары Іларыёнаў, Бяссьмертны). Апошняе, натуральна, лепш. Але яшчэ важней, што зьявіліся і такія (як спадар Арэстовіч), хто ўзвысіўся ў сваім асэнсаваньні “беларускай” праблемы нават да выдзяленьня філасофскага зьместу гістарычных падзей, якія адбываюцца і будуць адбывацца вакол Вялікалітвы-Беларусі і якія будуць мець вырашальнае значэньне ня толькі для лёсу нашага народу, а і для лёсу ўсёй Еўропы.

Апошняе, як на нашу беларускую сьціпласьць і нашу сёньняшнюю бяду, ужо вельмі няблага…

9 каментарыяў

  1. Павел Біч кажа:

    Я спачатку хацеў паудзельнічаць ў абмеркаванні паднятых праблемаў, але грубы напад на латвійскага палітолага фразай “што ты нясешь “палітолаг” і і што ты зрабіў за 25 гадоў, каб так не было” спыніў мае намеренне. Зноў старая песня што ўсе вакол вінаватые што мы сядзім ў глыбокай яме.

    • Рэдакцыя кажа:

      Цяпер назіраецца тэндэнцыя (ёй з падачы ліберастычнай часткі “беларускай” “апазіцыі” пачалі шырока карыстацца і замежнікі, якія раптам зноў заўважылі існаваньне Беларусі й беларускага народу пасьля 10 гадоў татальнага замочваньня), калі ўсіх “дохлых сабак” вешаюць на беларускі народ. Прычына элементарная і відавочная – беларускі народ не заб’е ў адказ, ня дасьць у пысу, нават не агрызьнецца (за яго нешта такое павінна рабіць нацыянальная эліта).
      Вы, сп. Біч, самі публічна прызналіся, што вы – узорны прыклад ахвяры такога псеўда-паліталагічнага кантэнту.
      Пасьля таго, як вы яшчэ самі сабе ў гэтым прызнаецеся, зьвярніце ўвагу на наступныя факты:
      – ніводны народ, які апынаецца ў “яміне”, аналагічнай цяперашняй, лукашысцкай, вырытай у РБ, самастойна зь яе ня здольны выкарыскацца, калі яму нехта не падасьць руку; гістарычныя прыклады адзначанага шматлікія і выключэньняў ня маюць (многія і са значна больш плыткіх ямін самастойна выкараскацца не маглі);
      – беларускі народ паклаў на сваё вызваленьне ад расейскага імперыялізму столькі ахвяр, што мала які народ можа зь ім раўняцца ў гэтым факце – нават 40-мільённай Польшча, якой у свой час дапамагаў увесь Захад, нават у абсалютных лічбах мы ахвяравалі больш за палякаў (таму мы на палякаў можам глядзець звысака, але ніяк не наадварот…);
      – верагодна, толькі чачэнцы ахвяравалі на сваю свабоду ня менш за нас;
      – адсутнасьць дапамогі (паўтарымся: поўная адсутнасьць дапамогі!) беларускаму народу ў цяжкія часы з Захаду, не жаданьне працягнуць яму руку, каб дапамагчы вылезьці з расейскай імперскай яміны – крытэр маральнай гніласьці Захаду, паказчык яго саўдзелу ў злачыннай палітыцы расейскай імперыякратыі (палякі, напрыклад, яшчэ і гнюсна карыстаюцца нашай праблемай);
      – калі нейкі беларус не разумее адзначанага і пачынае падцяўкваць заходнім “палітолагам”, якія абвінавачваюць беларусаў у тым, што яны не змаглі зрынуць прамаскоўскі рэжым, то пра такога беларуса самае мяккае, што можна сказаць, дык гэта тое, што ён да беларускай нацыянальнай эліты не належыць… Належаць толькі тыя, хто пры ўсіх абставінах будуць бараніць аб’ектыўныя (справядлівыя) інтарэсы беларускага народу на яго ўласнай зямлі.

  2. Licvin кажа:

    ”‘’Еўропа, блін, ніяк не можа зразумець, што ”ВКЛБеларусь” мае сакральны сэнс. Мы — пераходны модуль паміж Расіяй і Еўропай. Калі пераходны модуль паміж цывілізацыямі адсутнічае — узнікаюць І і ІІ сусветныя войны.”Імперскі сіндром”. 2011 год

  3. Павел Біч кажа:

    З Літвінам згодзен. Гэта, дарэчы, і любімая думка Пазьняка – як толькі між Расеяй і Нямеччынай прападае перагародка кшталту Польшчы, то легка вспіхівае вайна з-за несуўмешчальнасці еўропейскасці і рускасці. Што да думкі Рэдакцыі што большасць народаў не атрымліваюць свабоды без дапамогі з боку Іншых, то з гэтым не згодзен. На 90% стан ў якім аказваецца той ці іншы народ залежыць ад яго самаго. Ты сп. Літвін, у нас лічышся за пісьменніка, для якіх псіхалогія на першым месцы (твае запаздалые экскурсы ў эканоміку (алігархат) паказалі насколькі ты бездапаможны ў гэтай сферы). Так покажы што да развалу РП прывела пануючая там каталіцкая шляхта з яе звышпыхлівасцью і звышкрыўдлівасцью. Гэты псіхалагічны тып дагэтуль пануе у нас ў апазіцыі і прывеў да яе разгрому.. Узоры гэтага тыпа у меня перад вочыма. Гэта і Пазьняк, і Высоцкі, і Астроўскі і Шушкевіч…. У іх усе вінаватые акрамя іх саміх.

    • Яўген Мурашка кажа:

      Пан, Біч.
      Калі ужо перайшлі на персаналіі, дык мушу сказаць і я.
      Першым у Вашым спісе, ідзе пан Пазьняк. З яго і пачну. Безумоўна, узначальваючы такую моцную арганізацыю ( у пачатку 90-х), як БНФ, ён нічога не зарбіў, каб працягваць курс на Адраджэньне. Зрабілі (фракцыя БНФ у ВС) незначны унёсак у прыняцьце Дэкларацыі аб незалежнасьці і дасюль гэтым спкулююць. І не іх у гэтым заслуга. Бо у той час іх падтрымалі камуністы, якія імкнуліся захаваць сваі пазіцыі, за гэтай Дэкларацыяй.. Ну што, зачынілі абкамы, гаркамы, райкамы КПБ, дык яны спакойна перайшлі у прафсаюзы, Саветы, сталі дырэктарамі прадпрыемстваў. Я казаў пану Пазьняку, што патрэбна забіць кол, на КПБ, забарніўшы камуністам займаць кіруючыя пасады.Ён мне адказаў – Мурашка, у Вас каша у галаве, мы дамагліся галоўнага – незалежнасьці. Я у адказ – Ну і што мне з ёй цяпер рабіць пан Пазьняк, калі я застўся залежным ад тых жа камуністаў (толькі без партыйных квіткоў.?
      Ну а пан Шушкевіч, таксама, займаючы вышэйшую пасаду, дазволіў адхіліць сябе ад улады, за скрыню цвікоў. Я б на яго месцы, звярнуўся бы да народа і змёў бы гэта смецьце і не было б ніякага Лукашэнкі.
      Калі казаць пра Пана С.Высоцкага, дык што ён здольны зрабіць, калі яму перакрываюць усюды кісларод, усялякія – саньнікавы. лябедзькі, статкевічы, якія гандлююць лёсам Беларусі на перакрыжаваньняз Эўропы і Расеі.
      Асобна скажу пра Пана А.Астроўскага. Пан Алесь 34 гады выкладаў студэнтам на беларускай мове, упэўнены, што гэта было не марная згуба часу.. Ён згубіў (забілі) бацьку, канцоў дасюль няма!!??. Ён нікога не прадаў, нікому не здрадзіў, ён застаецца узорам беларускай нацыянальнай эліты. Сёньня, цяжкіх умовах, ён працягвае сваю плённую працу на карысьць Бацькаўшчыны, нізкі паклон яму за гэта.
      Ну а Вы, пан Біч, сышлі бы куды небудзь, на Хартыю ці Ніву.
      Ці запішыцеся у БПС (самаабарона) Пана С.Высоцкага.

    • Рэдакцыя кажа:

      Біч: “На 90% стан ў якім аказваецца той ці іншы народ залежыць ад яго самаго”.
      – – – – –
      Тое, што ў Антарктыдзе не растуць лясы на 90% залежыць ад іх саміх…

  4. Павел Біч кажа:

    Шаноўны пан Мурашка, я цяпер пасля відавочнай паразы апазіцыі і беларускага адраджэння пачаў цікавіцца псіхалогіяй пануючых у нас класаў.. Лукашыстаў я адразу выкідваю з разгляду. Я іх называю белымі рашкамі, гэта значыць да шчэнту асіміляванымі людзмі, інакш кажучы, здраднікамі свайго народа і краіны. А вось з апазіцыяй спрабую разабрацца. Па- першае, апазіцыя якая атрымала паразу ніяк не можа лічыцца элітай нацыі. А між тым і вы і сп. Астроўскі себе за яе выдаеце.. Ну чем не старая шляхэтская пыха якая прывела да згубы і ВКЛ і РП? Але палякі і летувісы адрадзіліся хаця таксама пра іх пісалі што яны да смешнага пыхлівые, гэта значыць нездольные да кампрамісаў. (я і сам такі, за што пакутваю паламанай карьерай).. Я змагаюся за літвінства. Пішу каментары на фб. можаце пачытаць, можа вам нешта і спадабаецца. Наша ідэя, пакуль наш народ будзе звацца б.рускім, ён ад расеі не атарвёцца, не ўстане з каленяў. Даказваю гэта мінуючы гістарычные аргументы.Сярод новага пакалення, якім цяпер па 50-60 гадоў нават не бачу каго б можна былоб назваць элітай. Мужные людзі ёсць, але мужнасць не заменяе Розум. .

  5. BusVit кажа:

    Прабачьцее што на расейскай мове, Паважанае Спадарства.
    Послушайте, что думает человек (50-60) о стране и опоз. Вы думаете 200 фактич. оккупации прошли незаметно??? Вы думаете фактическая потеря элиты и не один раз прошли незаметно??? Вы думаете БНФ и Позьняк мало зделали??? и в чем-то виноваты??? так же как и Шушкевич и Милинкевич и Санников и другие. И да же не важно кто из них под контролем спецслужб. Вы думаете последствия 2-х последних мировых войн уже прошли? когда лучшие и самые активные либо погибли либо уехали из страны???? Наш народ да и люди не обладают таким национализмом агрессивным как поляки, литовцы, часть украинцев. Потому что 200 лет фактической оккупации и особенно СССР у большинства белорусов или литвинов (неважно как называть) вытравили всю историческую память о ВКЛ. (Тутэйшыми стали) и РОССССиянами. 7-10 лет адраджэння в 20-е годы дали больше чем уже 26 лет независимости. Многие до сих хотят в состав РФ (думают, что без РФ мы не выживем).
    Вы бы лучше всякие там Мурашки и Бичи и другие перестали спрачацца и взгляды на прошлое свои высказывать, абраджаць друг друга, а думали как поменять ситуацию, как объединиться за страну, как избежать ошибок прошлого. Вот тогда будет поддержка и от людей и от поляков и от литовцев и от европы. И ОТ МЕНЯ. Я ТОЖЕ ОПП, И родную мову ведаю.

  6. Павел Біч кажа:

    Тав BusVit выдаў нам чаргогвую порцыю хлусні і банальшчыны. Якшто шмат гадовае председательства калгаса завалівае гаспадарку, ці будуць слухаць яго апраўдання на надворьеі пр. умовы. Натуральна яго уволяць і выберуць председателем Іншага. Таму спасылкі на тое што і Пазьняк і Шушкевіч … шмат працавалі тут не апраўданне. Відаць кепска працавалі якшто за чвэрць стагоддзя давелі краіну да такога стану. Яшчэ адна хлусня што мы такія асаблівые і таму нас душылі болей чым іншых народаў Расеі. Шмат народаў душылі значна сільнее чым нас. – тых жа чеченцаў, крым. татараў. заходніх украінцаў.. Але яны захавалі гістарычную памяць і не пераутварылісь ў халопаў масквы.. Мы спрачаемся каб высветліць што адбываецца з нашым народам. А вы усе нашые беды свалілі на іншых. Гэта абсалютная дурасць, якая не прывядзе нас да Свабоды. Дайце свае прапановы

Пакінуць каментар

  • Старонкі

  • Катэгорыі

  • Апошнія запісы

  • Архівы