Беларусь - наша зямля » 7.0. Матэр. бяз рубрыкі

АБ’ЯВА РЭДАКЦЫІ

Алесь Астроўскі — Thu, 15 Mar 2012 19:57:29 +0000

З нагоды агульнанацыянальнага Сьвята 25 Сакавіка – Дня першага ў гісторыі адраджэньня дзяржавы беларуска-літвінскага народу (другое адраджэньне адбылося ў жніўні 1991 года, трэцяе і канчатковае — наперадзе) – рэдакцыя сайта nashaziamlia.org аб’яўляе аб чарговай сустрэчы прыхільнікаў стварэньня БЕЛАРУСКАГА ДЭМАКРАТЫЧНАГА РУХУ (БДР).

У гэтым годзе сустрэча адбудзецца 24 сакавіка (субота) у 12⁰⁰ перад помнікам Янку Купалу ў аднайменным скверы ў Менску (сквер знаходзіцца па прасьпекце Скарыны-Незалежнасьці, насупраць цырка). Гэта будзе 4-я такая сустрэча. Ад рэдакцыі сайта будзе прысутнічаць Алесь Астроўскі (пра тое, як адбывалася леташняя сустрэча прыхільнікаў стварэньня БДР, мы, на жаль, нашых чытачоў сваечасова не паінфармавалі; кароткая інфармацыя падаецца цяпер ніжэй).

Адначасна нагадваем, што сябрамі ствараемага Руху могуць быць толькі этнічныя беларусы-літвіны, гатовыя ахвярна спрыяць зьдзяйсьненьню аб’ектыўных інтарэсаў уласнага беларуска-літвінскага народу. Тых, хто не адпавядае гэтым двум крытэрам, просім не турбавацца.

Летась сустрэча адбылася 26 сакавіка. Абстаноўка ў Менску ў тыя дні была вельмі напружаная. Справа ў тым, што за дзень да гэтага – непасрэдна 25 сакавіка 2011 г. – у Менску адзначалася гадавіна ўтварэньня БНР. Нацыянальна-дэмакратычная частка беларускай апазіцыі праводзіла мерапрыемства адкрыта на плошчах і вуліцах Менска, як гэта і павінна быць у нармальнай беларускай дзяржаве (г.зн. свабоднай і нацыянальна-дэмакратычнай).

Напэўна, усе вы ведаеце, што гэта было першае масавае выступленьне апазіцыі пасьля гістарычных падзей 19.12.2010 г. у Менску, калі дзесяткі тысяч прыстойных беларусаў (у асноўным маладых, адукаваных) пратэставалі супраць працягу “прэзідэнцкіх паўнамоцтваў” на той час ужо даўно нелегітымнага дыктатара-беларусафоба, агента расейскага імперыялізму, а цяпер яшчэ і самазванца – узурпатара дзяржаўнай улады (любая з гэтых характарыстык – цяжкае злачынства). Напэўна з-за вялікага перапуду пасьля падзей 19/12 апрычнікі цяперскага рэжыму выкарысталі й новую, яшчэ больш злачынную і падступную тактыку разгону масавых мерапрыемстваў “нацыяналістаў”. 25 сакавіка перапранутыя “асобы ў цывільным” групамі хадзілі сярод людзей, якія толькі зьбіраліся, і як толькі бачылі, што нехта пачынае падымаць беларускі вольны сьцяг, накідваліся на яго, зьбівалі й адвозілі ў пастарункі. Далей ішлі “звычайныя працэдуры”…

Натуральна, што на наступны дзень (26 сакавіка), калі было прызначана зьбірацца жадаючым прыняць удзель у стварэньні зародка БДР, абстаноўка ў Менску заставалася ўсё яшчэ вельмі напружанай. Напэўна па гэтай прычыне замест чаканых 20-25 чалавек прыйшло толькі 7 (затое самых сьмелых — фота групы асоб, якія сабраліся, вы бачыце ніжэй; дарэчы, зьвярніце ўвагу на сімвалізм месца…).

Абстаноўка ў скверы Янку Купалу была таксама напружанай – аўтобус з АМАПам, легкавікі зь міліцыяй у цывільным, таптуны, відэаздымка… Таму пра «сямёрку сьмелых» мы напісалі вышэй без усялякай іроніі.

У час прамовы Астроўскага перад помнікам Купалу да тых, хто сабраўся, падышоў капітан міліцыі (па дакументах – “Віталь Астроўскі”; мы яшчэ тады “гумар” лукашысцкіх сьпецслужбаў ацанілі…) й пад пагрозай затрыманьня запатрабаваў разысьціся, заяўвіўшы, што адбываецца незаконны пікет. Тлумачэньні, што гэта ніякі не пікет, таму што ў нас няма ні сьцягоў, ні плакатаў дый увогуле мы ні да каго не зьвяртаемся, а проста размаўляем паміж сабой – на “міліцыянта” не падзейнічалі. Ён свае пагрозы працягнуў. Таму, зразумеўшы, што людзі вымушаны выконваць загад любым коштам, пасьля ўскладаньня кветак да ног славутага песьняра беларускага народу і пасьля завяршэньня 10-хвіліннай прамовы Астроўскага, усе прысутныя арганізавана пайшлі на далейшую размову ў кватэру аднаго з жыхароў Менска, які бачны на фота.

Там на працягу 2-3 гадзін у значна больш спакойнай абстаноўцы былі абмеркаваны вынікі прэзідэнцкай кампаніі ў Беларусі 2010-11 г., новыя асьпекты грамадска-палітычнай сітуацыі ў Беларусі пасьля 19/12, паводзіны “Расеі”, “Захаду”, “апазіцыі”, а таксама стратэгічныя кірункі нашай дзейнасьць на бліжэйшы час.

Ці будзе ў гэтым годзе абстаноўка такой жа, як летась, ці горшай/лепшай, атрымаецца ўдзельнікам сустрэчы застацца на свабодзе ці давядзецца страчваць час у пастарунку — мы ня ведаем. Але зьбірацца беларусам-літвінам трэба, арганізоўвацца – таксама, бо разьлічваць акрамя нас саміх – няма на каго.

Таму — да сустрэчы, сябры…

P.S.

Дарэчы, на сустрэчу просім не прыходзіць Паўла Біча.

Усе тлумачэньні прычын такога рашэньня будуць на сайце пазьней.

Запрашаем прагаласаваць за брэнд

Алесь Астроўскі — Tue, 08 Nov 2011 18:41:34 +0000

Абвестка рэдакцыі.

Вытворцы беларуска-літвінскіх шахмат зьвяртаюцца да наведвальнікаў сайта з просьбай прагаласаваць за адзін з двух праектаў будучага лагатыпа гэтых шахмат (галасаваньне адбываецца па наступным адрасе: http://labadzenka.by/?p=14747#more-14747). Вы можаце дапамагчы ім з выбарам. Вытворцы лічаць, што беларуска-літвінскія шахматы – гэта у пэўнай ступені наша агульная справа, але заранёў выказваюць падзяку ўсім, хто прыме ўдзел у галасваньні са шчырымі намерамі. Тыя, хто жадаюць азнаёміцца з электроннай версіяй беларуска-літвінскіх шахмат, могуць націснуць 8-ю кнопку ў слупку зьлева.

Алесь Астроўскі — Sun, 20 Mar 2011 21:04:59 +0000

З нагоды агульнанацыянальнага сьвята 25 Сакавіка – Дня першага адраджэньня беларуска-літвінскай дзяржавы – рэдакцыя сайта nashaziamlia.org аб’яўляе аб чарговай сустрэчы прыхільнікаў стварэньня БЕЛАРУСКАГА ДЭМАКРАТЫЧНАГА РУХУ, якая адбудзецца 26 сакавіка г.г. (субота) у 11⁰⁰ каля помніка Янку Купалу ў аднаіменным скверы ў Менску (прасьпект Скарыны-Незалежнасьці, насупраць цырка). Гэта будзе трэцяя падзея такога роду (з кароткімі справаздачамі пра папярэднія сустрэчы можна пазнаёміцца тут: http://nashaziamlia.org/2010/04/05/3215/#more-3215; nashaziamlia.org/2009/03/29/2004).

Плануецца абмеркаваць вынікі прэзідэнцкай кампаніі ў Беларусі 2010-11 г. і нашу дзейнасьць на бліжэйшы год. Ад рэдакцыі сайта будзе прысутнічаць Алесь Астроўскі.

Нагадваем, што сябрамі будучага Руху могуць быць толькі этнічныя беларусы, гатовыя ахвярна спрыяць дасягненьню аб’ектыўных інтарэсаў уласнага беларуска-літвінскага народу.

Інфармацыйнае паведамленьне рэдакцыі

Алесь Астроўскі — Wed, 22 Dec 2010 21:26:39 +0000

Шаноўныя сябры і прыхільнікі. У гэтыя дні мы нікуды ня зьніклі і не адпачываем. Мы зьбіраем і рыхтуем серыю аналітычных матэрыялаў, прысьвечаных падзеям вакол апошняй прэзідэнцкай выбарчай кампаніі. “Над Беларусьсю ня проста крук праляцеў, а цэлая іх зграя” (сталыя чытачы сайта ведаюць, што значыць гэты сімвалічны выраз). Ужо і папрэдняя назва ёсьць: “19 сьнежня: Крывавая Нядзеля – апафеоз шматгадовай здрады беларускай дэмакратыі з боку “Захаду”, хлусьні ды застрашваньня з боку рэжыму і скрадзеных ім выбараў”.

Нашы чытачы напэўна ведаюць, што рэдакцыя працуе без бюджэту – уласныя грошы і час на сайт аддаюць тыя 2 — 3 чалавекі, якія пасьля асноўнай працы ды сямейных абавязкаў могуць дазволіць сабе яшчэ нешта зрабіць і для рэдакцыі. У сувязі з гэтым па аператыўнасьці выкладаньня грамадска-палітычных навін мы ня можам канкураваць ні са “Свабодай”, ні з “Нашай Нівай”. Затое ў нас ёсьць іншая стратэгічная перавага – мы не залежым ад ніякіх фундатараў, а таму ў сваёй рэдакцыйнай палітыцы арыентуемся толькі на аб’ектыўныя інтарэсы нашага беларуска-літвінскага народу. Яшчэ адна наша стратэгічная перавага ў тым, што мы, як сайт ідэалагічны, даем такія аналіз ды прагноз, на якія ў беларускамоўнай інфармацыйнай прасторы больш ніхто ня здатны. Запэўніваем, што і на гэты раз нам будзе што сказаць. Акрамя таго, некаторыя з нас былі непасрэднымі сьведкамі гістарычных падзей Крывавай Нядзелі, пасьля якой мы жывем у Новай Беларусі. Мы сочым таксама за асьвятленьнем у “незалежных” СМІ таго, што адбылося. Таму і ў плане фактаў тое-сёе дапоўнім.

Просім вас пачакаць яшчэ некалькі дзён, пакуль пачнуць выстаўляцца матэрыялы з нашым аналізам падзей вакол Крывавай Нядзелі.

Справаздача рэдакцыі сайта за чарговы год працы (з 1.04.2009 г. па 1.04.2010 г.)

Алесь Астроўскі — Tue, 06 Apr 2010 23:36:18 +0000

Завяршыўся чарговы (4-ы) год працы нашага сайта. З гэтай нагоды мусім даць кароткую справаздачу. Асноўныя паказьнікі працы рэдакцыі за ўсе папярэднія гады і мінулы год пададзеныя ў табліцы зьлева. Зь яе вынікае, што папулярнасьць сайта за год вырасла ў 1,7 раза (індэкс каментаваньня вырас у 1,83 раза; колькасьць адкрыцьцяў матэрыялаў, разьмешчаных на першых дзьвюх старонках (цяпер мы будзем выкарыстоўваць гэты паказьнік) — у 1,28 раза, максімальная колькасьць адкрыцьцяў некаторых матэрыялаў — у 2 разы; лічба 1,7 — гэта сярэдняе арыфметычнае з даных паказьнікаў).

Сярод матэрыялаў сайта да самых папулярных па-ранейшаму належыць артыкул Зьміцера Кіселя «Сустрэча двух пакаленьняў беларускіх патрыётаў». Але, на жаль, абсалютную большасьць з 45.800 праглядаў ён набраў за кошт спаму, які дасылаўся ў мінулыя гады. Затое рэдакцыйны артыкул «Адказ Г.Г.Віку: сярод нас лохаў няма!» набраў свае 10.500 праглядаў за кошт сапраўдных адкрыцьцяў. Праўда, гэты паказьнік з-за невядомых нам прычын настолькі адрозьніваецца ад іншых, што мы ня будзем таксама яго ўлічваць.

Сярод тых артыкулаў, якія варта назваць як найбольш рэйтынгавыя, знаходзяцца працы: Міколы Хаўстовіча «Нараджэньне беларушчыны» (1373 прагляды), Галіны Арцёменкі «На беларускай мове размаўляла ўся Еўропа» (1190) і Віталя Хромава «Расейская агрэсія супраць Украіны ў 2005-07 гг. Украінцы трымаюць удары…» (908).

У гэтым годзе найбольшыя дыскусіі былі справакаваныя двума артыкуламі: Віталь Хромаў, Барыс Керзач «Зьезд пБНФ: Чарговы крок да заняпаду (частка 4)» (63 каментары) і рэдакцыйным артыкулам «І чаму гэта расейскія імперыялісты ня любяць, калі іх рэжуць, як баранаў?» (54 каментары).

За апошні год рэдакцыя шмат увагі надала розным падзеям у шэрагах беларускай апазіцыі (у т.л. і зьезду БНФ), прэзідэнцкім выбарам ва Ўкраіне, а таксама аналізу стану расейскага грамадства й імперыякратыі, як і патэнцыйным альтэрнатывам апошняй. За прайшоўшы час мы таксама істотна прасунулі наперад Сьветаглядную дактрыну (як абяцалі) і Беларускую дактрыны.

Самакрытычна мусім адзначыць, што летась мы ў сваёй працы практычна цалкам страцілі два восеньскія месяцы (магчыма, гэта стала істотнай прычынай, з-за якой папулярнасьць сайта вырасла не настолькі, наколькі магла б). Але на гэта былі важкія суб’ектыўна-аб’ектыўныя прычыны…

На гэты раз мы з дапамогай праграмы google/analytics паглядзелі таксама, дзе нас і колькі чытаюць.

За перыяд са студзеня 2009 году, калі была інсталяваная гэтая праграма, і па красавік 2010-га на сайце было каля 30.000 наведваньняў (у сярэднім па 67 наведваньняў у дзень), зь іх наведвальнікаў — 12.000 (у сярэднім па 27 чалавек у дзень).

Па краінах асноўныя наведваньні за азначаны час разьмеркаваліся наступным чынам: Беларусь — 17.700; Нямеччына — 3.200; Злучаныя штаты — 2.200; Україна — 1.800; Польшча — 1.500; Расея — 1.100; Бельгія — 370; Летува — 270; Чэхія — 200; зь нявызначанага месца — 420.

Усяго ж на сайт наведвальнікі выходзілі з 84 краін сьвету.

Істотным паказчыкам выніковасьці працы сайта зьяўляюцца таксама нападкі розных ворагаў беларускага народу на сайт. Калі «тролі» дзейнічаюць праз «каментаваньне», мы ад іх хутка пазбаўляемся (сталыя чытачы гэта маглі назіраць, як кажуць, ужывую). Тым больш, што штучны рост каментуемасьці нашых матэрыялаў нам не патрэбны.

Але бываюць і выключныя выпадкі.

Так, наш чытач пад нікам «GREATLITVA» даў спасылку на адзін выключна беларусафобскі сайт (яго можна паглядзець тут: http://lurkmore.ru/%D0%91%D1%83%D0%BB%D1%8C%D0%B1%D0%BE%D1%81%D1%80%D0%B0%D1%87), дзе ў скрайне зьняважлівай форме падаецца інфармацыя (дарэчы, у стылі, характэрным для пэўнай сацыяльнай групы з акцэнтуацыяй на анальным) пра беларускую нацыянальную апазіцыю і беларускія нацыянальныя каштоўнасьці.

Мы лічым, што падобныя матэрыялы таксама варта чытаць. І вось чаму. Многія людзі думаюць, што калі яны ўвесь час сумленна жывуць, працуюць, дык у іх няма і ня можа быць воргаў. Асабліва такое ўяўленьне ўласьціва нам — беларусам. Гэта памылковае ўяўленьне, якое трэба тэрмінова выпраўляць. Сьвет сёньня не такі. На самой справе на зямлі ёсьць чалавекападобныя істоты, для якіх мы зьяўляемся аб’ектам нянавісьці й агрэсіі ўжо толькі з-за таго, што хочам проста жыць, сумленна працаваць і быць гаспадарамі на сваёй уласнай зямлі. Мы для такіх істот не былі б мішэньню для агрэсіі, не былі б ворагамі толькі ў адным выпадку — калі б адразу і з жаданьнем пагадзіліся быць… іхнымі рабамі. Вось для чаго трэба кожнаму беларусу прымусіць сябе прачытаць матэрыял на пададзеным адрасе (дарэчы, яго стыль выдае сіяністаў).

Дадаткова зьвярніце ўвагу, у канцы тэкста аўтары падаюць спасылкі на сайты «Тыповых прадстаўнікоў» тых прабеларускіх сіл, якія яны ненавідзяць. Гэта КХП, МФ, ПБНФ, Моладзь БНФ, Галіна Арцёменка. Трапілі ў гэты сьпіс і мы, ды яшчэ на першым месцы. Ужо ня ведаем, за што нам такі гонар, але факт, як кажуць, у наяўнасьці…

Ворагі нас ведаюць і ненавідзяць (а значыць, і паважаюць). Вось бы так сама ведалі нас беларусы і… хоць трохі прыслухоўваліся.

І апошняе.

Па-ранейшаму існуе вялікая небясьпека, што цяперцы могуць паспрабаваць «наехаць» на наш сайт. Таму зноў заклікаем чытачоў запасьціся адрасамі ананімайзераў і проксі-сэрвераў (дарэчы, мы іх ужо падавалі летась у аналагічным матэрыяле)…

Усяго лепшага, сябры.

Будзем змагацца далей.

Жыве Беларусь — Наша зямля!

Алесь Астроўскі — Thu, 25 Mar 2010 09:04:07 +0000

Віншуем усіх беларусаў-літвінаў

зь Днём адраджэньня беларускай дзяржаўнасьці!

Алесь Астроўскі — Wed, 17 Mar 2010 19:54:40 +0000

З нагоды нацыянальнага сьвята 25 Сакавіка — Дня адраджэньня беларуска-літвінскай дзяржавы — рэдакцыя сайта Нашазямля.орг аб’яўляе аб чарговай сустрэчы прыхільнікаў стварэньня

БЕЛАРУСКАГА ДЭМАКРАТЫЧНАГА РУХУ

Сустрэча адбудзецца 27 сакавіка г.г. (субота) у 11⁰⁰ у Менску каля помніка Янку Купалу (прасьпект Скарыны-Незалежнасьці, сквер насупраць цырка). Гэта будзе другая падзея такога роду (са справаздачай пра першую можна пазнаёміцца тут: nashaziamlia.org/2009/03/29/2004).

Галоўны сэнс плануемага мерапрыемства заключаецца ў тым, каб зноў сустрэцца і дамовіцца аб фармаце нашага ўдзелу ў будучай прэзідэнцкай кампаніі ў Беларусі (або няўдзеле ў ёй).

Ад рэдакцыі сайта будзе прысутнічаць Алесь Астроўскі.

Адначасова нагадваем, што сябрамі будчага Руху могуць быць толькі беларусы, якія гатовыя ахвярна спрыяць дасягненьню аб’ектыўных інтарэсаў уласнага беларуска-літвінскага народу, і што ўся наша дзейнасьць зьяўляецца і будзе заставацца толькі легальнай.

Алесь Астроўскі — Thu, 31 Dec 2009 08:47:00 +0000

Віншуем усіх нашых аўтараў, усіх нашых чытачоў і прыхільнікаў — шчырых беларусаў, як й іншых прыстойных людзей, арыентаваных на зьмястоўную дэмакратыю і гуманістычны прагрэс чалавецтва, з Новым 2010-м годам!

На шчасьце, многія негатыўныя прагнозы, пра верагоднасьць якіх мы казалі, у 2009-м годзе ня спраўдзіліся. Але заканамернасьці, на грунце якіх гэтыя прагнозы рабіліся, на жаль, нікуды ня зьніклі. Таму жадаем Вам пасьпяхова перажыць надыходзячы год. Каб усе нягоды Вас абмінулі, а добрага ў Вас і ўсяго беларуска-літвінскага народа здарылася, было зроблена, дасягнута працай і воляй значна больш, чым благога!

Вынікі працы рэдакцыі за папярэдні год (1.04.008 — 1.04.009)

Алесь Астроўскі — Wed, 01 Apr 2009 20:20:19 +0000

Рэдакцыя.

Асноўныя паказьнікі працы рэдакцыі сайта “наша зямля.орг” за папярэдні год пададзены ў табліцы. Зь яе вынікае, што папулярнасьць сайта за год вырасла прыблізна ў 2 разы (індэкс каментаваньня – у 2 разы; колькасьць адкрыцьцяў матэрыялаў, пакуль яны праходзяць першую старонку – прыблізна ў 2 разы; максімальная колькасьць адкрыцьцяў некаторых матэрыялаў – у 1,8 раза).

Ёсьць, праўда, на сайце матэрыял, які адкрываўся больш за 45.000 разоў (гл. “Сустрэча двух пакаленьняў беларускіх патрыётаў”, адрас: http://nashaziamlia.org/2006/12/10/437/#more-437). Аднак, гэта той адрас, на які адмыслова накіроўвалася спамавая плынь. З-за яе цяпер сапраўдную папулярнасьць найбольш папулярнага 2 гады таму артыкула вызначыць немагчыма. Другім па колькасьці адкрыцьцяў стаў матэрыял “Адказ Г.Г.Віку: сярод нас лохаў няма!” (nashaziamlia.org/2008/11/30/1641/#more-1641) з больш чым 2.750 адкрыцьцямі. Аднак, ён напэўна быў працытаваны нейкім моцным інфармацыйным рэсурсам, з-за чаго і прыцягнуў да сябе настолькі вялікую ўвагу. Паколькі апошняя ў пэўным сэнсе штучная, мы яе вырашылі ня ўлічваць.

Найбольшую ж рэальную колькасьць праглядаў набралі наступныя артыкулы:

- Мікола Хаўстовіч. “НАРАДЖЭНЬНЕ БЕЛАРУШЧЫНЫ”. Адрас: nashaziamlia.org/2006/06/30/168/#more-168 (539 прагладаў);

- Віталь Хромаў. “Расейская агрэсія супраць Украіны ў 2005-07 гг. Украінцы трымаюць удары…”. Адрас: nashaziamlia.org/2008/01/16/1152/#more-1152 (546 прагладаў);

- Віталь Хромаў, Алесь Астроўскі. “Расейская імперыя супраць Грузіі: на чый бок стаць беларусам”. Адрас: nashaziamlia.org/2008/08/12/1474/#more-1474 (568 прагладаў).

Абсалютным рэкардсмэнам па колькасьці пакінутых пасьля артыкула каментароў (47 штук) стаў матэрыял Галіны Арцёменкі “Ці патрэбнае беларусам адраджэнне шляхецкага стану” (http://nashaziamlia.org/2008/03/27/1280/#more-1280).

За апошні год працы сябры рэдакцыі шмат увагі надалі розным тэмам, якія актуалізаваліся ў розны час па той ці іншай прычыне. Так, у ліпені 2008 г. такімі тэмамі сталі “ЗША за “адзіную, моцную Расею”? ці Хто выступае супраць свабоды народаў” і “Ці вырашыць МУС Беларусі праблему фіктыўных шлюбаў”; у жніўні 2008 г. “Расейская імперыя супраць Грузіі: на чый бок стаць беларусам” і “Чорны крук” з Грузіі праляцеў… Зьбіраем яйкі”; у лістападзе 2008 г. “Каго ўзвышае цяперская ўлада”; у сьнежні 2008 – студзень 2009 гг. “Пра “Карту Мудака”, тэхналогію махлярства і падліньніка-сьцярвятніка”; у лютым 2009 г. “Насеньне сіянакратыі”.

Трэба адзначыць, што ў гэтым годзе да дзейнасьці рэдакцыі актыўна далучыліся нашы няштатныя аўтары. Сярод тых, хто мае на нашым сайце ўжо па некалькі артыкулаў, можна назваць Сяргея Высоцкага, Яўгена Мурашку, “Сейбіта”, Якушонка (праўда, апошні чамусьці спыніў падачу сваіх артыкулаў). Але самы вялікі аб’ём матэрыялаў даслала на сайт сп-ня Галіна Арцёменка (тым, хто жадае азнаёміцца зь кірункам яе працы, раім пазнаёміцца з артыкулам “Самая моцная улада – 2”).

Завяршальным акордам працы рэдакцыі стала сустрэча ў Меску 28 сакавіка тых, хто заклаў зародак Беларускага Дэмакратычнага Руху.

Недахопам працы рэдакцыі стала тое, што мы зноў практычна не разьвівалі Сьветаглядную дактрыну. Высновы на гэты конт зроблены самыя сур’ёзныя…

Варта адзначыць, што дзейнасьць сайта за апошні год абдывалася ў няпростых умовах.

Так, былі дні, калі на нас накіроўвалася больш за 1.500 адзінак звычайнага спаму. Зь мінулага лета дадаткова да яго зьявілася шмат новага рускамоўнага спаму, які выглядаў, як абстрактныя каментары пад артыкуламі. Усё гэта сьмецьце даводзілася выдаляць, выкарыстоўваючы маштабныя падыходы, з-за чаго зрэдку выпадкова выдаляліся і сапраўдныя каментары – так мы страцілі некалькі дзесяткаў нармальных каментароў, з-за чаго яшчэ раз выбачаемся.

За апошні год праявілі сябе і агрэсіўныя беларусафобы. Хто жадае пазнаёміцца, як выглядае іх псіхіка, можа пачытаць каментары да артыкула “На беларускай мове размаўляла ўся Еўропа” (http://nashaziamlia.org/2008/09/08/1529/).

У цэлым жа ў сеціве адчуваецца нарастаньне неспакою з-за высокай верагоднасьці таго, што рэжым Лу-кі (дый ня толькі ён) наважыўся зрабіць напад на свабоду Інтэрнэта. З гэтай нагоды карысна запасьціся адрасамі дастакова вялікай колькасьці ананімайзераў.