Паводле матэрыялаў сайта www.regnum.ru/news/773327.html
Былы амбасадар Эстоніі ў Маскве Март Хэльме піша: “”Бронзавы салдат”, “Бронзавы салдат”… Усе навокал толькі і кажуць пра гэтага істукана. І што самае жахлівае, ва ўсёй гэтай лухце, аказваецца, вінаватыя мы – эстонцы.
Па ідэі, тут трэба казць не пра “Бронзавага салдата”, не пра тое, што мы зрабілі верна, а што няверна. Тут трэба казаць менавіта пра Расею, пра тое, што на працягу 15 апошніх гадоў яна выкарыстоўвае супраць нас непраўдзівую, хлусьлівую і вымагальніцкую палітыку.
Сёньняшняя Расея – гэта монстар, якога сьвет у сваёй гісторыі яшчэ ня бачыў. Гэты монстар расправіць плечы ў 2008 годзе пасьля прэзідэнцкіх выбараў, і вось тады мы ўбачым, якая пачвара выпаўзе з варотаў Крамля. Палітыка, якую яна будзе праводзіць, будзе абсалютна агрэсіўнай з выкарыстаньнем вымагальніцтва, палітычна матываваных зьнікненьняў людзей і забойствамі. Прычым, ня толькі ў Расеі, але і ў іншых краінах. Ня пройдзе і двух гадоў, як ў асобе Расеі [так у аўтара. – Рэд.] мы будзем мець справу з самым жахлівым тэрарыстычным рэжымам у сьвеце, экспартэрам тэрарызму, побач зь якім усялякія там ХАМАСы і “Аль-Кайды” паблякнуць.
Што ж рабіць? Расеі, якая, па-сутнасьці, слабая, трэба навязаць новае, непасільнае для яе эканамічнае спаборніцтва, гонку ўзбраеньняў і ідэалагічную вайну. У выніку гэтага Расея, якая знаходзіцца ў дэмаграфічным калапсе, разваліцца. Далей на абломках імперыі трэба будзе дапамагчы нарадзіцца НАЦЫЯНАЛЬНЫМ ДЗЯРЖАВАМ малых народаў й іншым дэмакратычным утварэньням з рознай геапалітычнай і геаграфічна-эканамічнай арыентацыяй.
Развал Расеі вызваліць сьвет ад гэтага монстра, якога Рональд Рэйган ахрысьціў “імперыяй зла””.
