Беларусь – наша зямля

У ноч з 6-га на 7-е сакавіка 2009 года злачыны беларускі рэжым задзьмуў сьвечку жыцьця 33-гадовай Яніны Паляковай. Яна стала ахвярай пераследу за сваю праваабарончую дзейнасьць. Гэта мужная жанчына кінула выклік магутнаму рэпрэсіўнаму рэжыму Лукашэнкі і – загінула. Загінула не ад кулі, не ад гарматнага стрэлу, а ад цкаваньня, пераследу і абыякавасьці тых, хто быў побач. Яна коштам свайго жыцьця абрала свабоду, не пагадзіўшыся на няволю. У 1968 годзе чэскі студэнт Ян Палех спаліў сябе ў знак пратэсту супраць акупацыі Чэхіі савецкімі войскамі. Народ Чэхіі лічыць гэты ўчынак гераічным і памятае аб ім. Чаму Яна пайшла на гэты гераічны учынак, з маральнага пункту гледжаньня? Таму, што беларускае грамадства і палітычныя апаненты рэжыму моўчкі назіраюць за прававым бязмежжам, лічачы, што гэта іх абміне. Сёньня Я.Палякова, раней А. Майсеня, Ю.Захаранка, В.Ганчар, А.Красоўскі, З. Завадскі В.Чаркасава. А колькі загінула простых нашых суайчыньнікаў, прозьвішчы якіх мы ня ведаем? Рэпрэсіўны механізм патрабуе ахвяр і яны пастаўляюцца. Сёньня за кратамі знаходзяцца А.Дубскі, М.Аўтуховіч, У.Астапенка, Ю.Лявонаў. Які лёс рэжым падрыхтаваў ім? Хто наступны?

Негледзячы на відавочнасьць злачыннасьці рэжыму Лукашэнкі, “дэмакратычная” Эўропа распачала і працягвае нейкія свае прагматычныя гульні. Ёй абыякавы лёс беларускага народу, для іх галоўнае – эканамічная стабільнасьць. Іх мэта – не дапусьціць, каб Беларусь стала сфэрай уплыву Крамля. Аднак яны, як і Крэмль, памыляюцца – мы не жадаем быць і ня будзем анічыёй сфэрай. Мы самадастатковая краіна, з вялікім інтэлектуальным патэнцыялам, здольным забясьпечыць сабе сьветлую будучыню без усялякіх “дарадцаў” і добразычліўцаў. Брусель і Масква няхай гуляюць “самі па сабе”.

Палітычныя ўцекачы Нямеччыны лічаць, што заўчасная сьмерць Я.Паляковай павінна стаць кропляй, якая перапоўніць чашу цярплівасьці беларускага народу. Колькі можна безвынікова таптаць ходнікі у Менску? Зыходзячы з вышэй сказанага, мы звяртаемся да беларускага грамадства  выйсьці 25-га сакавіка на вуліцы і плошчы краіны з патрабаваньнямі:

1. Аб’явіць рэжым А.Лукашэнкі – злачынным і патрабаваць суду над ім.

2. Прыцягнуць да крымінальнай адказнасьці ўсіх вінных у заўчаснай сьмерці Я.Паляковай і ў першую чаргу – судзьдзю А.Бураўцава, маёра В.Пугачова, П.Якубовіча і іншых удзельнікаў гэтага ганебнага працэса, знайсьці датычных да зьнікненьня – Ю.Захаранкі, В.Ганчара, А.Красоўскага, З.Завадскага.

3. Патрабаваць вызваленьня ахвяр палітычных рэпрэсій – А.Дубскага, М.Аўтуховіча, Ю.Лявонава, У. Астапенку.

4. Краінам Эўразьвязу прыпыніць усялякія стасункі са злачынным рэжымам А.Лукашэнкі, у адваротным выпадку мы будзем разглядаць гэта супрацоўніцтва – як саўдзел у злачынствах.

5. Тое ж тычыцца і ўсіх тых, хто сёньня спадяецца ў працэсе перамоў ці ўдзелу ў сумнеўных радах зьмяніць аблічча злачыннага рэжыму. Маніякальнага прэзыдэнта і яго рэжым спыніць толькі ўсенародны пратэст, які ідзе да канца.

Яўген Мурашка, старшыня ЗБН.

7.03.2009г.

Ад рэдакцыі:

Мы выказваем спачуваньне родным ды блізкім сп-ні Яны і таксама патрабуем выявіць і пакараць усіх вінаватых у заўчаснай сьмерці гэтай мужнай і шчырай жанчыны.

Дадатковыя матэрыял па тэме знаходзяцца тут:

http://www.svaboda.org/content/Article/1505979.html

http://www.kozylin.com/press_sluzhba/pravozawitnicu_yanu_polyakovu_zatravili/

 

 

Гэты запіс апублікаваны: Нядзеля, 8 сакавіка, 2009 у 01:39
Катэгорыі: 1.3. Беларусь сёньня, 2.2. Фіксуем варварства ўладаў. Вы можаце сачыць за каментарамі пры дапамозе RSS 2.0 стужкі.
Вы можаце пакінуць каментар. Але пінгі забаронены.