Паколькі падрыхтоўка чарговага матэрыяла сайта зацягваецца, вырашана выставіць артыкул аднаго з нашых сталых аўтараў – старшыні АК БПС Сяргея Высоцкага. Гэты артыкул, вядома, перарывае калекцыю матэрыялаў, прысьвечаных аналізу сучаснага расейскага апазіцыйнага і праўладнага “нацыяналізму”. Але, па-першае, мы гэтую серую тут жа працягнем, а, па-другое, артыкул спадара Сяргея, на наш погляд, з-за сваёй актуальнасьці варты таго.
Рэдакцыя.
Мушу адразу сказаць, што мне не падабаецца гэты слоган «Ляпіса» з-за свайго лявацкага гучаньня. Такое сабе пратэставаньне пралетарскіх нізоў… Ідэалогія мёртванароджаная. Аднак прывёў яго я адмыслова, бо, як па мне – скіраваны ён перад усім не да беларускага народу, а да прадстаўнікоў рэжыму і афіцыйнай апазіцыі. І адных, і другіх пакуль назваць нацыянальнай элітай не выпадае. І адныя, і другія не адпавядаюць галоўнаму крытэру нацыянальнай эліты – не служаць беларускаму народу, ягоным нацыянальным інтарэсам. Ставіць інтарэсы нацыі вышэй уласных – гэта азначае быць прадстаўніком сапраўднай эліты. Абсалютная большасьць мясцовых палітычных гульцоў няздатная на гэта ў прынцыпе.
Цяперашні расклад палітычнай сітуацыі ў краіне часта характарызуюць як “вярхі ня могуць і нізы ня могуць”. Адбылася адносная стабілізацыя на расейскіх грошах пасьля леташняга дэфолту. Называючы пры гэтым дамінуючыя настроі – як “страх і апатыя”- робяць пэўную маніпуляцыю. Гэта няправільнае і ў цэлым прымітыўнае бачаньне. У адрозьненьне ад разумнікаў з афіцыйнай апазіцыі, большасьць беларусаў вымяраюць рэчаіснасьць не па лініі – скінуць Лукашэнку ці не. Людзі жывуць тут і цяпер, і прагнучы перамен, многія вельмі ўважліва прыглядаюцца навокал. Вось толькі глядзець ці ёсьць куды?
Нацыя – прыніжаная этнацыдам праўладных маскоўскіх халуёў. Адсутнасьць свабоды ламае душы, стварае невыносную атмасьферу хлусьні, прыніжанага існаваньня. Аднак грамадзяне думаюць пра заўтрашні дзень.
Не палітыкі, а простыя беларусы задаюцца пытаньнямі:
– якім чынам можна зрынуць рэжым?
– што можа быць пасьля сыходу правіцеля?
– ці не ператворыцца Беларусь у другую Сірыю?
– ці не раздушаць краіну чужынцы хаосам, і ці не разрабуюць алігархі?
– якія мадэлі рэфармаваньня прапануюць розныя апазіцыйныя сілы?
Каб рушыць у бой супраць гэтай улады, якая можа пазбавіць кар’еры, даходаў, здароўя, свабоды – патрабуецца шмат дадатковых асьпектаў…
Разьвітваючыся з абрыдлай, але ўсё ж стабільнасьцю, чалавек мусіць бачыць яскравую альтэрнатыву, пэўную нацыянальную і надзейную сілу, якая не прадасьць. Сілу, што ня будзе поўзаць у нагах усходніх ці заходніх дабрадзеяў. Такія палітыкі і такія сілы, няхай і ў прыціснутым стане, у Беларусі ёсьць. Вось толькі сярод “тытульнай апазіцыі” такіх няма…
Бракуе інфармацыі, падвоеная блакада. Не стае моцнай незалежнай думкі. Чутно толькі дзяжурнае трызьненьне пра парушэньне правоў чалавека ды засільле бюракратыі. Адсутнасьць крытычнага аналізу спраў у апазіцыйным лагеры – гэта каньюнктура і цёмная местачковасьць зашораных людзей.
Ужо колькі разоў звычайныя патрыёты, шэраговыя байцы патрабавалі ад “тытульнай апазіцыі” даць сур’ёзныя, праўдзівыя адказы пра падзеі 19.12.2010:
– Чаму выйшаў такі правал?
– Чаму не было аховы акцыі?
– Хто вінаваты ў падыгрываньні рэжыму?
– Як магло стацца, што тыя, хто здавалі сяброў, хто падпісаў дакуманты пра супрацоўніцтва з КДБ, ізноў на чале?
– Як магло здарыцца, што “стукачоў” узнагароджваюць прэміямі мужнасьці?
Творацца такія рэчы, і… поўнае маўчаньне. Хіба гэта ня скоцтва?..
Не любяць такой размовы і “тытульныя апазіцыйныя журналісты”. Толькі абрыдлае намаўленьне пра “боязны беларускі народ”, скаргі на жорсткасьць тыраніі. А самі вы, хлопцы, на што-небудзь здатныя, акром як судзіць уласны народ?!
1. Нацыянальная годнасьць насуперак законам стойла.
Тыранія – жорсткая. А якой, уласна кажучы, можа быць тыранія?! Мяккая тыранія?! Дык гэта была б ужо не тыранія.
Парадаксальна, але факт – ад гэтай публікі няма нават памкненьня да аналізу, да пошуку новых рашэньняў, да крытычнага асэнсаваньня ўласных памылак. Ранейшыя ж нічым не абгрунтаваныя амбіцыі, грошы сумнеўнага паходжаньня, тое самае непагрэшнае павучаньне грамадзянаў краіны, як трэба жыць і каго падтрымоўваць. Такі ж лабізм мясцовых недапечаных правадыроў. Іхны катэгарычны апломб на ісьціну ў апошняй інстанцыі выклікае і сьмех і шок. Ва ўсім сьвеце так не настаўляюць людзей нават непадважальныя аўтарытэты – людзі, паклаўшыя ўсё жыцьцё на алтар свабоды. Вось, напрыклад, ва Ўкраіне зрэдку зьвяртаюцца да народу ветэраны АУН-УПА, ваяваўшыя са зброяй за незалежную Ўкраіну да канца 1950-ых гадоў, потым адсядзеўшыя па 20 гадоў у савецкіх лагерах. (У Літве – ветэраны Супраціву). Могуць казаць дысідэнты, таксама вёўшыя ідэйнае змаганьне за незалежнасьць і дэмакратыю ў сканаўшым Саюзе. Яны таксама сядзелі дзесяцігодзьдзямі, прайшлі савецкія канцлагеры і псіхушкі.
Але ў рэчаіснасьці, насуперак падлючай акупацыйнай расейскай прапагандзе – такія людзі надзвычай інтэлігентныя, выключна паважныя да іншых. Зрабіць папрок грамадству яны могуць у нейкай надзвычайнай сітуацыі, сто разоў узважыўшы. Так ветэраны УПА зьвярнуліся да народу супрацьстаяць кампаніі навязваньня другой, звычайна расейскай, афіцыйнай мовы, якую праводзіць Партыя Рэгіёнаў В.Януковіча.
Ёсьць такія людзі – годнасьць нацыі і ў Беларусі. Яне не выпінаюцца, не штурхаюць локцем іншадумцаў, не абражаюць сумленных людзей. Праўда, іхная думка не цікавіць мясцовы апазіцыйны бамонд (Дарэчы, у якой меры гэты бамонд беларускі? – тое яшчэ пытаньне…)
Вось вядомая журналістка верашчыць, як базарная баба, у бок апанента: “Гаўно, ушлёпак, недавумак”, – і гэтак далей. Часам патрэбна быць катэгарычным і рэзкім, калі, напрыклад, ідзе гаворка пра здраду палітыкамі інтарэчаў нацыі, калі нахабы здзекуюцца над годнасьцю твайго народу. Але ж біць з усіх сілаў свайго патрыёта за слова крытыкі – хіба гэта ня скоцтва?
Зьявілася досыць спакойная, узважная ініцыятыва палкоўніка Барадача, а рэакцыя – тыповы ўзор паводзінаў стойла. Як гэта Барадач мог заявіць, што цяперашняя апазіцыя зьядаецца знутры карупцыяй, агентурай!.. І Някляеў, і Халіп, і Класкоўскі на чым сьвет мянцеляць афіцэра – прапановы ў палкоўніка «несваечасовыя, шкодныя». І “сьвісткі зялёныя” зьявіліся ў апазіцыянераў, каб зьняславіць крытычна думючага дзеяча. Але найбольш палкоўніку дасталося за «радыкалізм, недыпламатычнасьць» да «тытульнай апазіцыі». Маўляў, “расколвае апазіцыю”.
Але што расколваць, шаноўныя?! Апазіцыя ў цяперашнім выглядзе – гэта нуль. Якая можа быць дыпламатычнасьць да людзей, давёўшых да такога стану?! Можа, ім кветкі дараваць за іхную бездарнасьць і крывадушнасьць?!
Ня ведаю добра палкоўніка, але добра бачная розьніца ў дыскурсе. Палітык мусіць найперш прапаноўваць, не рыкаць, а прапаноўваць. У дадзенай сітуацыі была выпакутаваная прапанова да аб’яднаньня. Мажліва, крыху наіўная. Але што ж тут такога страшнага, хлопцы?!
Такі самы падход стойла і да нашай сілы. Што б там хто не вярзеў, патэнцыял патрыятычных сіл вялізны. У тым якраз і праблема, бо ўсе, кожная палітычная скацінка, кожная чарговая кампанія намагаюцца паэксплуатаваць нацыянальныя сілы, пераманіць, перакупіць чарговы тузін даверлівых. На практыцы ідзе тупое перацягваньне ўжо знойдзеных, падрыхтаваных людзей. Ня хочацца важдзям шукаць прыхільнікаў, вучыць новых актывістаў. Таму гэта якраз “тытульная паразная апазіцыя” расколвае іншыя арганізацыі, душыць і падманвае патрыётаў, каб потым на чужым карку, на костках змагароў сьвяціцца ў промнях славы. Зноў жа да чарговага перадвыбарчага дзерыбану. Потым ўсё пачынаецца па колу зноў… Пасьля чарговага скупу маладых людзей тыя, пабыўшы з гэтай публікай, звычайна ўвогуле разьвітваюцца з палітыкай, губляючы ўсе ідэалы. Ім яшчэ хапае гнюсу кпіць у наш бок, да БПС, да нашых саюзнікаў: “ой, вас жа так мала, вас – свабодаўцаў – ня больш за 50 актывістаў”, “у Астроўскага вузкае кола”, “на службу БАПЦ у Менску ходзіць некалькі дзесяткаў чалавек”…
Пэўна, можна было б на шмат закрыць вочы, прабачыць бяссьледна зьніклыя мільёны заходняй падрымкі… Але гэта пры ўмове практычных вынікаў -сыходу аўтарытарнага прарасейскага рэжыму, усталяваньня рэальна незалежнай дэмакратычнай Беларусі (ці хаця б спыненьня этнацыду), пачатку нацыянальнага адраджэньня. Аднак у тым і справа, што няма і ня будзе аніякага прагрэсу пры цяперашніх апазіцыйных раскладах, пры такой хадзе спраў, пры такіх норавах у апазіцыі…
Народ чакае не разумнічаньня правінцыйнага разьліву, а цьвёрдых характараў, гатоўнасьці да рашучых дзеяньняў. Людзей вароціць ад стойла, што жыве па шкурніцкіх, карпаратыўных законах, труціць канкурэнтаў.
За стойлам няма праўды і ня будзе аніякіх перамог.
2. Апора на свой народ, на ўласныя сілы.
Рэкамендую прачытаць інтэрвю «Радыё Свабода» швецкага пілота Тумаса Мазэці, які зь мядзьведзікамі прыляцеў на драўляным самалёце. Людзі мужныя да адчаю, але Пазьняк досыць аб’ектыўна назваў іх «недавумкамі ды інфантыламі».
Аказваецца, арганізатары акцыі спадзяваліся, што «Расея адвернецца ад Беларусі». Несусьветны дыбілізм. Прагаварыўся пан Тумас, што акцыю аплаціла вядомая кампанія Total, зацікаўленая ў падобнага роду акцыях. Удзельнікі апошняй атрымалі шчодрую падтрымку. Калі ж карэспандэнт трапна заўважыў пра невымерную шкоду акцыі беларускаму народу, пра нявінна пацярпелых, рафінаваны змагар за правы асобы зрэзаў: “Беларусь – гэта Беларусь. Беларусы павінныя самі вырашаць свае праблемы”.
Як гэта характэрызуе заходнюю «дапамогу» ў дэмакратыі.
Гэта асноўны лейтматыў цяперашняга нашага становішча. На Захадзе стае сумленных людзей, але няма ні глыбокага разуменьня, ні павагі да беларусаў. Кіруючыя сілы вырашаюць уласныя задачы – пашырэньне бізнэсу, інфармацыйная раскрутка, прыбытак капіталу. Расейскія шавінюгі ды лукашэнскія попкі лямантуюць пра нялюдскую каварнасьць ЦРУ, быццам арганізаваўшай арабскія рэвалюцыі. Аднак гэта адсталае бачаньне. Сьвет неймаверна хутка мяняецца. У XXI ст. асобныя суперкампаніі, зьбліжаныя з палітычнымі кланамі, замаўляюць рэвалюцыі, скідваюць правіцеляў. Часам гэта прыносіць незьлічоныя бядоты, але ідэалізму ў гэтых людзей менш за ўсё… Некаторыя з гэтых краін, пэўна, ужо ня будуць існаваць у ранейшых межах (напрыклад, падзеленая паміж трыма кланамі Лівія, трасе Егіпет, растаптаная Сірыя), але некаторыя кампаніі атрымалі фантастычныя кантракты. Натуральна, што народы нацярпеліся ад аўтарытарызму, але калі прыходзяць дзесяткі тысяч наёмнікаў-іншаземцаў, пра які народны пратэст можна казаць?..
Нельга дазваляць авантурыстам, інфантылам ды праплачаным марыянеткам эксьперыментаваць на беларускай зямлі.Тыранічны прамаскоўскі рэжым яны ня скінуць, а вось што прынясуць бяды, сумневу няма. Гэта не азначае сядзець,склаўшы рукі. Якраз наадварот – дзейнічаць, атакаваць, змагацца, але з Богам у душы і Нацыяй у сэрцы. Не дазваляць маніпуляваць сабой рознай пошасьці. Мець годнасьць быць верным свайму лідэру, не самаму заможнаму, не самаму раскручанаму, а свайму. Ня быць скотам – гэта не бадаць гаспадара, а найперш верыць, думаць, дзейнічаць. Дзейнічаць зь цьвёрдай верай у сваю Нацыю і ейнае прыроднае права быць гаспадаром на ўласнай Богам дадзенай зямлі. Дзейнічаць з глыбокай думкі, зь яснага бачаньня сваёй палітычнай стратэгіі, мэты і шляхоў будуецца нацыянальная сіла. З гэтага бастыёну мусіць дужэць здаровая нецярпімасьць да цёмных сілаў, да гвалтаўнікоў беларускай душы, да махляроў, якія хочуць гуляць на беларускім палітычным полі, але не бараніць нацыянальныя інтарэсы.
На нашых вачах разыгрываецца арабская драма, якая мусіць быць урокам. Для мяне пытаньняў не існуе ў сіле беларускага-літвінскага народу і здатнасьці генераваць новых волатаў. У гэтым заняпадзе старой апазіцыі існуе шанец для маладых патрыётаў урэшце вырасьці да нацыянальнай эліты. Як, дарэчы, такі шанец маюць беларускія афіцэры, многія чыноўнікі, інтэлігенцыя, прадстаўнікі іншых слаёў грамадства.
Уратаваць карабель беларускай дзяржаўнасьці падчас новай буры, не пасадзіць на мель і правесьці праз рыфы здолее толькі кагорта сапраўднай нацыянальнай эліты.
С. Высоцкі, кіраўнік АК Беларускай Партыі Свабоды
05.09.2012
Сапраўды, найвышэйшае “скоцтва” – ці па-беларуску- быдляцтва, амаль бля..ва, калі псеўдабеларус і псеўдаінтэлігент пачынае вучыць рэальных беларусаў,якія не ссуць “грантаўскую сіську” пад пэўныя абавязкі і перад расейскай імперыякратыяй і перад заходняй сіянакратыяй, як “ўладкаваць” Беларусь, а калі беларусы “не вядуцца”, то абгадзіць іх з усіх падкантрольных сродкаў масавай дэзінфармацыі…Сп. Высоцкі думае рэальна, – нельга не пралічваць палітычную будучыню поруч з палітычнымі прайдзісветамі “а ля Фядута” – то ён дапамагае Лукашэнку не публікаваць Праўду, то ён “дапамагае” Някляеву змагацца за “Праўду” – суперзапраўданцы як казлы-правакатары могуць лёгка завесці народныя масы як быдла на бойню…
Заместитель начальника Оперативно-аналитического центра при Лукашенко Владимир Рябоволов заявил;«у нас нет полезных ископаемых, поэтому для нас самое главное это интеллектуальный потенциал»,это не истина. Один пример, Беларусь имеет огромный возобновляемый ресурс био массы, источник получения топлива, химических продуктов, высококачественных удобрений для сельского хозяйства. Пример использования этого ресурса Япония, а Швеция покупает биомассу/мусор,боклук/в других странах. Не использованые возможности Белоруси-ядерная энергетика, альтернативные источники энергии/ветер, солнце, геотермальная енергетика/, глубокое бурение на газ и нефть/Беларусь плавает в них/. Нано технологии, генно модефицированные организмы/ГМО/ в сельском хозяйстве, кругло годишно производство продукции/парники-2мил.,оранжереи-2мил.,теплици-2мил./неиссекаемы источник и стимулятор всех производств и уровень его развития. Есть ли в Беларуси Нобелевы лауреаты, учавствует ли Беларусь в ЦЕРБ, есть ли в Беларуси палеонтологи, археологи, египтологи, византиологи, что знают белорусы о прошлом/10тысяч лет назад/своей земли, народонаселения, истории, космологии и космических изследований. Алкоголизм поразил правительство, народ, развитие, достоинство и самочуствие белорусского этноса. Дай Господи пробуждение РБ, да живее Беларусь. Съюзът на писателите в България (от всички етноси) http://www.worlduni.narod.ru, mvashkevich@mail.bg, най-учитиво ви кани на творческа авторска благотворителна вечер, която ще се състои всяка сряда от 17:00 часа в Посолството на мира; София 1000, ул. Г. Бенковски N25. За информация: М. Вашкевич, тел. 02/8733786, gsm 0882/273163. Гледи и слушай нас на живо по Интернет на този адрес; http://www.sgob.narod.ru , http://www.fdb-b1.narod.ru ; http://www.bnptv.info/index.php?option=com_content&view=article&id=425:2009-09-30-13-35-59&catid=64:kulturasp&Itemid=121 ; В сайте http://www.novinite.com на ссылка http://www.novinite.com/view_news.php?id=124052 и http://www.novinite.com/view_news.php?id=124082 есть наше совместное интервью с Боби Ташков на английском языке.
з…лы беларус:
“..нельга не пралічваць палітычную будучыню поруч з палітычнымі прайдзісветамі «а ля Фядута…”
З такімі прайдзісьветамі-змагарамі у беларуска-літвінскай нацыі няма будучыні.
Трэба пераступіць праз іх і ісьці далей з тымі, хто гатовы бараніць актуяльныя жыцьцёвыя інтарэсы беларуска-літвінскай нацыі.
Водападзел не па рысе – “за байкот” ці “супраць а па рысе – ” Ты, за неадкладнае звяржэньне рэжыму ( выбар зброі) ці не?”
Сп. Высоцкі яскрава падкрэсліў, што выратаваць беларуска-літвінскую нацыю – “..здолее толькі кагорта сапраўднай нацыянальнай эліты…”
Я. Мурашка
Старая апазіцыя памірае і з ней павінен знікнуць асноўный іхній пастулат што у нас існуе Дыктатура. Але пры Дыктатурах ў краінах не пануе чужая культура і мова. Дыктатуры выразна нацыяналістычные – Гітлер, Муссоліні, Франка, Мілошевіч, Пілсудскій, Кадафі, Кім чань мын і г.д. і г.д. Калі прыняць што мы калонія Расеі, то стратэгія і тактіка апазіцыі павінны быць зусім іншымі. З гэтага трэба, на мой погляд, пачынаць змаганне пасля паразы 2010 г. Ці здолее Рэдакцыя сайта зрабіць такі паварот? Пакуль яе рыторыка была зусім не адпаведная такому павароту. Баяцца што іх абвінавачаць ў нацызме? Тады не варта рабіць громкіе заявы што сайт ідеалагічный і г.д.
Асаблівасьць нашай дыктатуры ў тым, што яна ці то паханат расейскага патрыярхату, ці то патрыярхат расейскага паханату. І як доўга такі стан будзе трываць? Здаецца, пакуль РФ не разваліцца. І што можна зрабіць для гэтага?
Як і дзе стварыць пастаянную БАЗУ для апазіцыі? Дзе ўзяць сродкі для гэтага? Такая БАЗА магла б стаць генэратарам кадраў. Пакуль назіраецца мітусня і ўзаемныя папрокі. Ну хаця б навучыліся карыстацца супярэчнасьцямі паміж Вялікімі Гульцамі на карысьць нашых Нацыянальных інтарэсаў.
Шаноўны Сяргей, ну пры чым тут патрыярхат? Калісьці даўным даўно быў матрыархат, цяпер ва усім Свеце патрыархат. Думаю, мы з табой развала РФ не дачакаемся. А што рабіць апазіцыя да яго? Меняць свядомасць людзей – з беларускай на літвінскую. Калі ты чытаешь сайт архэ, то можа зауважыў каментар з Украіны нейкага “Палешука не-белыйрусскага” (так ён прэдстаўляецца). Ён сказаў, што згода нашай эліты на назву Беларусь было самазабойствам, з такой назвай ані нацыі, ані дзяржавы адбудаваць немагчыма. Здаецца ён праў.
“ну пры чым тут патрыярхат?”
РПЦ маскоўскага патрыярхату.
«РПЦ маскоўскага патрыярхату»
Мушу праясьніць: ТАКОГА „кэнтаўрыка“ не існуе.
Тлумачу: у расейскае царкоўнае арганізацыйнае структуры, якая кіруе вернікамі хрысьціянска-бізантыйскага (расейскага) веравызнаньня, ёсьць два сынанімічных назовы, што праўна (юрыдычна) тоесныя: „Московский патриархат“ = „Русская православная церковь“ (РПЦ). Падкрэсьлю: абодва гэтыя назовы — СЫНОНЫМЫ.
Як прыклад, праўдзівы назоў філіі гэтае царкоўнае структуры на тэрыторыі Беларусі: „Белорусский экзархат Московского патриархата“ = „Белорусский экзархат Русской православной церкви“.
Усё трапна: “Нацыянальная годнасьць насуперак законам стойла”, ” Апора на свой народ, на ўласныя сілы”. Але гэта ўжо чуваць не першы год і не толькі ад сп. Высоцкага (стаўлюся да якога з вялікай павагай) і застаецца самае цяжкае – як гэта рэалізаваць. Як зацікавіць у гэтым большасць беларусаў? Грунтоўнага адказу не бачыў не ў каго. Звычайна, нейкія эфімерныя матэрыі на якія, як гэта не балюча прызнаць, большасці беларусаў начхаць, бо вымяраюць сваё штодзённае жыццё іншымі крытэрыямі. Цяжка перамагчы “шкварку і чарку” не прапанаваўшы альтэрнатывы, рэальна акрэсленнай, якую магчыма вельмі хтка убачыць. Народ уздымаецца толькі калі уціскаюцца іх інтэрэсы (не падымаюць заробак, забіраюць уласнасць, не будуюць абяцанае жытло і г.д.). Але як узняць ні 10, ні 100 і нават не 1000 чалавек, а значна болей?
Не імкнуся на ролю вынаходніка, але у мяне ўзнікла ідэя, а чамуб не пачаць з малога. Я маю на увазе нешта накшалт “беларускай самадапамогі”, нешта падобнае ўжо стыхійна пачало стварацца пад час, калі людзей кідалі ў турмы пасля 19.12.10. Калі не хапае мужнасьці выйсьці на “плошчу”, то чамуб не дапамагчы сваякам зняволеных. Але я раю глядзець шырэй і жапамагаць не толькі палітычназняволеным, але і простым беларусам. Крытэрый – яго беларускасць. Дзеля гэтага неабавязкова мець нейкія грашовыя сродкі. Кожны з нас нешта робіць па сваёй прафесіі, дык чамуб не аддаваць перавагу найперш сваім пры аказанні нейкіх паслуг. Стварыць нешта накшалт клуба узаемнай дапамогі. Выбраць нейкі апазнавальны знак каб арыянтавацца “свой”-“чужы” (значок з Пагоняй, бчб-лентачка ці нешта нейтральнае (тады трэба правесьці інфармаванне насельніцтва, што гэта азначае)). У задумцы, гэта павінна кансалідаваць людзей вакол ідэі. І даць зразумець, што ён не адзін, што такіх большасць. Вялікая глеба –гэта сацыяльныя сеткі і інтэрнэт.
Прачытаў у Архэ сёння каментар disqus_6usgwlrSWp па артыкулу Адама МАльдзіса.
”Аніяк не мог датумкаць, чаму так апантанна ”русафілы” змагаюцца супраць беларускай мовы. І вось сёння прачытаўшы ў tut.by паведамленне аб прапанове расейскага вайсковага ўрадаўца Бардюжы ”Аб стварэнні пад адзіным кіраваннем аб’яднаных войск садружнасьці” зразумеў, што белароускія вайскоўцы павінны валодаць адзіным языком і бцыь гарматным мясам пры будучых войнах на Каўказе і іншых месцах… Хацеў я ўдакладніць інфармацыю , вярнуўся на тут.бй, а інфармацыі і след прастыў…”
Сп. Вершнік, ты як ўчора нарадзіўся. Стойкіх, ганарлівых людзей фарміруе толькі свая нацыянальная культура, а дакладней, і больш за ўсё, Гісторыя і Мова. Па гэтым яны (нашыя ворагі) і бьюць ў першую чаргу. Але у іх ёсць моцный тыл – цяперашняя назвы нашай краіны. Таму з пачатку трэбы вызначыцца з назвай краіны. Яна у нас цяпер такая што і Гісторыі у нас няма і мова нашая ёсць атыжолак рускай мовы. Я быў вельмі здіўлены, калі даведаўся як шмат людзей не прымалі нашыю цяперашнюю назву і ў пачатку стагодзя і адразу пасля вайны на эміграцыі. Гэта значыць, што пытанне гэта балючае, сімвалічнае, светапогляднае. Адзін чытач. прапанаваў назву БНФ – ВКЛ Беларусь. Я не змог з налёту яму адказаць. Яна непрыгодная таму, што не кладзёцца ў вершы, песні, ў гімн. Калі, вы не згодны, сачыніце кароценькі вершык з ёй. Не зразумела таксама, як будзе называцца пры гэтым наш народ. Што б вы сказалі калі б Германія выбрала сябе назву СРІ Бош? Расшіфровка: Свяшчэнная Рімская Імперыя, бош гэта грэблівая назва немцаў: ў СРІ уваходзілі землі Германіі, частка зямель Італіі і Францыі ў далёкія часы. Назву Вялікая Літва пажадана браць калі мы злучімся з Летувой.
Вялікая Літва (Вялікалітва) -гэта толькі паказвае, што гэта большая частка зямель былога ВКЛ, а ніхто не заьараняе Летуву менаваць Малой Літвой.
1. Цяперная Летува ёсьць тэрытарыяльным нашчадкам былых Жамойці (Жмудзі) й Аўкштоты.
2. У ранейшыя часы азначэньні „Малая“ і „Вялікая“ мелі сэнс: цэнтральная частка, сэрца, ядро — і ваколіцы (параўнай: малая бацькаўшына — адносна невялікая тэрыторыя вакол месца народзінаў, і Бацькаўшчына (вялікая бацькаўшчына) — краіна, дзяржава). То бок, Малая Літва — назоў тых земляў, зь якіх пачалося фармаваньне Вялікае Літвы (Вялікага Княства Літоўскага, Рускага й Жамойцкага). Зразумела, гэта _аніяк_ ня землі Жамойці й Аўкштоты (цяперная Летува)!
Сп. Дарафей, я не супраць вашай прапановы. Толькі не занадта ль высока пастаўлена планка? Ці не будуць супраць Вялікалітвы нашые праваслаўные і тыя хто лічыць сябе белымі рускімі?
На ўсё спатрэбіцца час. Абедзьве назвы магчыма будзе выкарыстоўваць разам, як у тойжа Фінляндыі- Суомі. Але я Вам паўтаруся, што гэта пытанне, на мой погляд не першачарговае. Мы з Вамі ужо калісьці абмяркоўвалі чаму і кожны застаўся пры сваім.
шаноўная Рэдакцыя, пані Галіна А., сп. Высоцкій, а што калі мы выскажымся на тэму – чаму пала БНР. Хай не вельмі падрабязна. Як ні як, а другая параза за адно стагодзе, можа трэба пачаць разбірацца? Гледзячы па таму як вы пішыце аб сучаснай апазіцыі, мне здаецца, вы павінны ведаць хто канкрэтна з деячоў часоў БНР быў агентам, хто здраднікам, хто проста дурнем. Я такіх разважанняў ніколі не чуў. Пішуць, што вінаватая Расея, бальшэвікі, палякі, выпадковасць і чорт знае яшчэ што і хто. Калі ўсе дзеячы БНР былі сапраўднымі змагарамі за нашую Радзіму, то што пагубіла БНР, чаму яе сабрання разганяла купка салдатні (зусім як цяпер сабрання апазіцыі разганяе купка амапа). Я спрабую высветліць што адбылося з нашым народам і высказваю сваю версію. Ці што не было міжпартыйнай грызні у палакаў, летувісаў, якія набылі незалежнасць пасля 1918 г? Ці не грызуцца цяпер між сабой палітыкі Украіны, ….Кіргізі?
Грызуцца і нават убіваюць адзін аднаго. Але гэта зусім не тое што адбываецца у нас. Чаму, адкажыце.
(зусім як цяпер сабрання апазіцыі разганяе купка амапа) – прабачце, але вы тут напісалі лухту, напэўна не падумаўшы. Аналёгія не зусім удалая, бо сёння супрацьстаіць дзяржаўны апарат. “Купка АМАПА” на справе зусім не “купка” і то гэта толькі вяршыня айзбергу. Ды і ў 1918 справа была не у “купцы салдат”. Знешнепалітычныя абставіны, якія не улічвалі жаданне беларусаў мець сваю дзяржаву, склаліся тады менавіта так. Не пашанцавала, іншымі словамі не ў той час і не ў тым месцы была аб’яўлена БНР. Стаўка зробленая на Нямечыну, якая прайграла вайну, суседства бальшавіцкай Расеі ды шавіністскай Польшчы,- зашмат ворагаў для маладой краіны. Гэта каротка. А шукаць зараз ведьмакоў ды здарднікаў у кіраўніцтве БНР, справа марная ды пустая. Ёсць рэчы больш значныя і актуальныя.
Насамрэч с задавальнеьнем адзначаю прагрэс сайта.Вось людзі спрачаюцца,але аргументавана,сур’ёзна,а таму цікава…
І ўзнікае канструктыўнае рашэньне,сп Дарафей сам адказаў на сваё пытаньне.Раней ці пазней актыў нацыі знойдзе практычныя адказы ды практычныя формы дзейнасьці ў зьменлівых абставінах…
Аднак чым жа мы займаемся,як не пошукам адказаў на гэтае пытаньне?!Так цяжка,бывае крыўдна,самотна глядзець на каланіяльную рэчаіснасьць,на прыніжаючую нас уладу,на імітатараў супраціву.Але ўсё роўна мы рушым,дзейнічаем.Не так хутка,бывае адступаем пад шматмільённым даляравым напорам чарговых ліберальных месій,якія праз месяц становяцца ўзорнымі абыватэлямі.А ўвесь іхны імпэт скіроўваецца на тузаньне канкурэнтаў на апазіцыйных тусэ ды брусэльскіх кабінетах.Да вызваленьня,да нацыянальнага супраціву гэта так далёка як таму ж Міхалевічу да Філістовіча…
Так гістарычна складвалася для нас,што найлепшыя вызвольныя рухі,пасьпяховыя арганізацыі не былі вельмі масавымі,але заўжды былі моцна арганізаванымі ідэйнымі-ды створаныя самімі беларусамі.Толькі часткова і часова сустракаючы нейтралітэт новых акупантаў.Напрыклад такой была “Самаахова”-баявой палітычнай струкртурай,якая дзейнічала пры нямецкай акупацыі.Існуюць розныя адзнакі,ў асноўным навязаныя грунтоўнай расейска-бальшавіцкай прапагандай,але ЎРЭШЦЕ ЎЗНІКАЛІ НАЦЫЯНАЛЬНЫЯ ВАЙСКОВЫЯ ФАРМАВАНЬНІ.Мне пашчасьціла яшчэ застаць старых на Сталбцоўшчыне,ды на Палесьсі,якія ледзь не са сьлязьмі распавядалі,як гэтыя структуры баранілі іх ад тэрору Арміі Краёвай,ад савецкіх партызан.Вядомыя дзесяткі гісторый,калі нашыя вайсковыя фармаваньні,рызыкуючы жыцьцём адганялі немцаў ад вёсак,не даючы катаваць мірнае насельніцтва.
Нават зараз амаль няма глыбокіх дасьледаваньняў,гісторыкі,якія займаюцца гэтай тэматыкай-перасьдуюцца ня менш за апазіцыянераў.Відавочна што за каланіяльнымі мітамі мы сёньня не ведаем і паловы праўды.Увесь нацыянальны рух у часе 2-ой сусветнай вайны распачынаўся з “САМААХОВЫ”,”САМАПОМАЧЫ”,”САМААБАРОНЫ”.Ужо далей з гэтага выраслі БНП,БЦР..
Але напачатку гэта былі невялікія лакальныя групы,якія па-просту самаарганізоўваліся,каб неяк выжываць,неяк бараніцца.Потым гэтыя фармаваньні склалі фактычна мярэжу патрыятычных сілаў па ўсёй краіне і бліжэйшых дзяржавах.Фактычна ўдалося дамагчыся цэнтралізаванага нацыянальнага кантролю над гэтымі структурамі.Многага ўдалося дамагчыся.Калі б не было БНП ды БЦР-беларуская мова памерла б яшчэ ў 50-ыя гады.Як гэта не дзіка гучыць,нават пры нямецкім тэроры вырасла пляяда дзеячаў,пісьменьнікаў,гісторыкаў,навукоўцаў,якія блакавалі шалёны ціск Масквы ў змрочныя савецкія часы.
Аб чым яшчэ хацелася сказаць-зараз я працую над кнігамі пра супраціў славутага літоўскага змагара Эдвардаса Бурокаса “Пісаная крывёю”.Цікавыя ўспаміны пра беларусаў.Савецкая прапаганда заўжды вярзела,што ў асноўным у лагеры адпраўлялі беларускіх паліцаяў.Гэта чарговая хлусьня.Паліцыі з беларусаў было не так шмат,у вермахце служыла таксама немала.Але галоўнае нават не гэта-асноўнай сацыяльнай групай беларусаў,якая знаходзілася ў савецкіх лагерах было настаўніцтва.Настаўнікі,якія вучылі дзяцей пры немцах-былі самымі страшнымі ворагамі для савецкіх катаў.Мучылі іх найбольш.Савецкія партызаны мелі дырэктыву з Крамля-найперш зьнічтажаць настаўнікаў.У выніку камуністычная ўлада зьнічтожыла цэлы пласт народу.Гэтыя людзі ў асноўным загінулі ў лагерах,у іх не радзіліся дзеці.А вось каты з НКВД і цяпер жывуць,і дзеці іхныя,і галасуюць яны адмыслова.
Можна толькі фантазіраваць,якая б у нас была нацыя-калі б не рэпрэсіі саветаў…
Для сябе я стараюся ніколі гэта не забываць,гэта сакральныя рэчы- РЭФЕРЭНДУМ КРЫВІ ВЫШЭЙ РЭФЕРЭНДУМУ ПАЛІТЫЧНЫХ СЬПЕКУЛЯНТАЎ! НАШАЯ НЕЗАЛЕЖНАСЬЦЬ УЖО АПЛАЧАНАЯ НЕЗЛІЧОНЫМІ АХВЯРАМІ. ЧАСАМ МНЕ АБСАЛЮТНА НЕЦІКАВАЯ ДУМКА ТАГО ЦІ ІНШАГА МЯСЦОВАГА ЎБОГАГА МАСКОЎСКАГА БРАХАЧА-НА ГЭТАЙ ЗЯМЛІ ЯНЫ НІХТО,НАВАТ НЕ ЛЮДЗІ-СМЕЦЬЦЕ.НАШАЯ БОЛЬШАСЬЦЬ ЛЯЖЫЦЬ У КУРАПАТАХ,ЧЭРВЕНІ,МАГАДАНЕ І НАРЫЛЬСКУ.АЛЕ СПРАЎДЗІЦЬ ПРЫРОДНАЕ ПРАВА НАЦЫІ ДАСЦА НАЦЫЯНАЛЬНАЙ ЭЛІЦЕ-ЛЮДЗЯМ ШЛЯХЕЦКАЙ ГОДНАСЬЦІ,ЯКІЯ ДУХОЎНА ПАЯДНАЮЦЦА З НАШЫМІ ГЕРОЯМІ І АХВЯРАМІ.
Калі казаць пра палітычную праграму дзеяньняў Партыі Свабоды ці канкрэтныя палітычныя тэхналогіі-то ўсё гэта ёсьць.Аднак не лічу,што сайт “Наша Зямля” павінен друкаваць праграму БПС,ці яшчэ якой арганізацыі.Але дыялог трывае,ўрэшце чуецца незалежная патрятычная думка-посьпех гэтага сайту чарговая беларуская нацыянальная Самаарганізацыя,сябры.
Суд гісторыі і суд нацыі над усімі катамі яшчэ чакае..
Сп.Дарафей, С.Высоцкі, не буду цепляцца да некаторых вашых фразаў, (якіх шмат і якія сведчаць што вы усё яшчэ ў палоне старых гісторыяграфічных догмаў). Ну, напрыклад, што значыць фраза Дарафея, што “знешнепалітычные абставіны, якіе не хацелі улічваць…”?!?!, ці фраза Высоцкага “так гістарычна складывалася….што нашые паяспяховые арганізацы не былі масавымі”?. Знешнепаліт. абставіны не могуць хацець. Гісторыя не можа быць ані ў чым вінаватая, а паспяховые арганізацыі, як правіла, масавые, і ў чым іхняя паспяховасць, калі мы падаем ўсё ніжэй і ніжэй.
Адкажыце лепей на пытанне, што азначае, што улада, якая нішчыць у нас ўсё нацыянальнае, паўсюль ставіць плакаты-бігборды “Я-Беларусь”. Ці не азначае гэта, што назва Беларусь дапамагае ім знішчаць нашую нацыю, а інакш чаго б яны з’явіліся? Можа у улад “загаварыла совесть”, можа яны адумаліся? Думаю, што Масква яшчэ ў 19 ст. ведала, што калі ёй удасца пераіменаваць наш народ ў белых рускіх, працес русіфікацыі пойдзе імкліва. Сучасные ідэолагі ФСБ падтверділі сілу сімвалічнага (назвы Беларусь) для паспяховага панавання у нас. Лукашенку яны паведамілі, што пакуль наш народ будзе лічыць сябе белымі рускімі, а апазіцыя будзе на мітінгах крычаць “Жыве Беларусь” , яго рэжыму нічога не пагражае (народ не пойдзе ані за інтэлегенцыяў, ані за апазіцыяй). Той і абставіў усю краіну гэтымі бікбордамі. Інакш кажучы, прыняў контрмеры. Калі гэта так, то Масква зноў перагуляла нас. Але не канчаткова. У нас зъяўляецца крытэрый па вызначэнню сяброў, дурняў і ворагоў (апошніх адрозніць вельмі цяжка, але можна); а таксама – іншая стратэгія і тактіка апазіцыйнага Руху. Ёсць праца на 10-15 год наперад.
Сп.Дарафей, вы мяне зусім не зразумелі. Я прасіў вас назваць здраднікаў, якія пагубілі БНР, каб прывесці вас да думкі, што прычыны і нашай паразы цяпер не ў тым, што у нас шмат здраднікаў., аб чым піша сп.Высоцкі і Рэдакцыя сайта. Вы пачалі спасылацца на неудалые гістарычные абставіны, нават на выпадковасць.Я гэтага не прымаю, прызываю глядзець глубже, шукаць чаму мы атрымліваем увесь час паразы. Чым мы адрозніваемся ад народаў сярод якіх жывем – тых жа летувісаў і украінцаў. І вось тады вылазіць тое, аб чым напісаў (гл. мае каментары на сайце АРХЭ) В.Булгаков і весь час пішу я. Назва Беларусь (народ белых рускіх) піша Булгакоў слабая, г.з. не выхоўвае патрыётаў (а шляхта ў часы БНР падалася ў “палякі”). Падрабязна як яна забівае наш народ, мне ужо сорамна (баюся быць звышназойлівым) пісаць. Палітыкаў, якіе разумелі забойнасць назвы было шмат ва усе часы. Я не арыгінален. Вы прызываеце ствараць ячэйкі дапамогі ахвярам Рэжыму. А сп. Беляцкій што не займаўся гэтым? Гдзе вашые канкрэтные прапановы, што рабіць пасля параз 2010 г.?
Адносна пасьпяховасьці арганізацый ёсьць аб’ектыўныя крытэры адэнакі.Вось напрыклад 18 гадоў апазіцыя нездатная справіцца са шклоўскім тыранам.”Тытульныя”,зарэгістраваныя партыі і рухі,маючыя шматгадовую і сістэмную фінансава-арганізацыйную падтрымку ад Захаду-анічога не дамагліся.Этнацыд цягнецца,дзяржава тоне ў мядзвежых абдымках Расеі,палітычны гвалт толькі ўзмацняецца.Разам з тым былі відавочна пасьпяховыя,лакальныя акцыі,якія адбываліся без удзелу афіцыйнай апазіцыі,А ТО І НАСУПЕРАК ЁЙ.
Курапацкі Чын стаўся пераможнай акцыяй беларускай патрятычнай моладзі над прамаскоўскай тыраніяй.Можна проста прыйсьці ды “памацаць”,месца больш -менш дагледжанае,на некалькі дзесяткаў метраў траса звужаная.Людзі прыходзяць,нясуць кветкі.Без адчайнай варты некалькіх сотняў арганізаваных змагароў-зрабілі б на гэтым месцы бізнэс-комплекс,што планавалася, і ўсе енкі КХП ды іншай часткі апазіцыі аніяк бы не паўплывалі.Значыць-добра зарганізаваная патрыятычная структура мацнейшая за тупую і недзеяздатную масоўку.
У свой час баявікі “РНЕ” тэрарызавалі ўсю дэмакратычную грамадскасьць.Па-просту разганялі апазіцыйныя акцыі.Сілавыя структуры ім спрыялі,тое ж КДБ.Некалькі апазіцыйных бонзаў прыходзілі да мяне с смаркачамі ды сьлюнямі:”Сяргей,дапамажы!Трэба каб Партыя Свабоды ўзялася за гэтую справу,падключыце спартова-патрыятычныя групы,як САБ(Самаабарона)”.Я адказаў досыць рэзка ў тым сэнсе,што “хлопцы,маеце грошы,наймайце ахову.”Аднак усё ж прыйшлося брацца.Не таму што было балюча за гэтыя партыі,а таму што тапталі нацыкі бела-чырвона-белыя сьцягі,зьбівалі беларускіх пісьменьнікаў.Яшчэ чаго добрага маскальва магла палічыць,што яна можа беларусаў- літвінаў напужаць.Мне прыйшлося зьвярнуцца да моладзі з заклікам да самаарганізацыі ды супраціву.Стыхійна пачалі ўзьнікаць патрыятычныя суполкі.Адбываліся і вулічныя сутычкі,былі параненыя і зьбітыя.АДНАК ГАЛОЎНЫ БЫЎ УСЁ Ж ІДЭЙНЫ СУПРАЦІЎ.Нашыя хлопцы заклейвалі ўлёткі “РНЕ”,уступалі ў ідэалагічныя спрэчкі.”РНЕ” пачало развальвацца на вачах.Больш за тое,пачаўся рэзкі рост БПС.Улады былі напужаныя,тады Лукашэнка істэрычна роў на БТ,каб “КДБ разабраўся з гэтым БПС”.Усё гэта пры жаданьні можна знайсьці…КДБ разабралася,наш уплыў быў зьменшаны,частку людзей выбілі,скурвілі,прафінансавалі.Потым іх выкінулі як скарыстаны кандом.
Калі ўлады пабачылі паварот падзей-лідэр “РНЕ” быў імі ліквідаваны.Потым пры загадкавых абставінах загінулі яшчэ некалькі фашыкаў…Пра іх прэса ведала менш,таму анічога не пісалі.
Што датычна нас,то палітыка ў маім разуменьні-гэта не суцэльны піяр.Вы бачыце процьму піяршчыаў афіцыйнай апазіцыі-многа яны дасягнулі для нашай дзяржавы?!Таму не лічыў ды не лічу магчымым ўпадабляцца ім.Яны толькі будуць радыя,калі патрыёты ўвязваюцца ў дробныя спрэчкі з агентурай ды свалотай.Лепшы сродак-па-мажлівасьці ігнараваць апазіцыйныя ды рэжымныя СМІ,іхную хлусьню і падлючыя кпіны.Прыйдзе час,ўсё стане вядома,і вольная нацыя сама вынясе кожнаму ягоны вырак…
Барацьба з “РНЕ” была пасьпяховай.Вы можаце спакойна хадзіць па вуліцы,і адмарозак са свастыкай не будзе Вас лупіць за тое што Вы размаўляеце па-беларуску.Чарговы посьпех у найноўшай гісторыі-адносна немасавай патрытычнай арганізацыі. Так што,сп.Літварус не я ,а Вы жывеце ў палоне адмерлых камуняцкіх стэаратыпаў пра значэньне масы.Масы толькі тады нечага дамагаюцца,калі за імі стаяць цьвёрдыя і загартаваныя арганізацыі.Ва Ўкраіне ў свой час арганізацыя з 300 чалавек,называлася АУН запачаткавала такі рух і такое змаганьне,якога не бачыла Еўропа.З 1929 году да пачатку 60-ых АУН,а потым АУН-УПА мянцеліла ўсіх ворагаў без разбору.
Больш свежы прыклад-тая ж польская “Салідарнасьць”,калі некалькі работніцкіх лідэраў за пэўны час сталі агульнанароднай сілай.Зрынулі камуністычны рэжым.Масавасьць не першы і не асноўны крытэрый-сілы!Ужо шмат разоў было -калі стыхійны пратэст масаў,не падмацаваны цьвёрдымі структурамі,прыводзіў да татальнай паразы,а то і шкодзіў.Галоўнае-ідэйна-арганізацыйны падмурак.На якім падмурку будуецца вызвольная структура.Дамы на пяску-структуры афіцыйнай апазіцыі,якія так рэкламуюцца беларускай прэсай, пасьпяхова развальваюцца пры першым ветры.
Натуральна,мы не здзейсьнілі справу №1.Праўда спрос з апазіцйных мільянераў,і персьледуемага патрыёта-розны.Скажу больш,маючы 10-ую частку матэрыяльна-тэхнічных мажлівасьцяў,якія афіцыйна перададзеныя апазіцыі за адзін год -мы б ужо здабылі незалежную і дэмакратычную дзяржаву.Аднак ведаюць гэта і ворагі Беларусі.Інакш бы не труцілі нас нават ва Ўкраіне і Літоўскай Рэспубліцы,не было б пастаяннай сьлежкі і правакацыяў.Не зьбіраюся плакацца,але хто бліжэй дазнаецца пра ўсе акалічнасьці прэсу-жахаецца.ТАМУ І НЕ МАЕМ РЭСУРСАЎ-БО МОЖАМ І ЎМЕЕМ ПЕРАМАГАЦЬ!
Што датычыцца тэрміналагічна-лінгвіцыднага генацыду-ўсё правільна,імя нацыі і тое акупанты забралі.Якія шляхі павяртаньня?!Мяркую,гэта тэма асобнай размовы.Радыкалізм мусіць спалучацца з прагматычным разлікам,тады звычайна прыходзіць вынік.
Шаноўны Сяргей В. Ты пішаш кнігу пра летувіскі супраціў, часта бываешь ў Украіне і добра ведаешь як было там. Мы жывем паміж гэтымі народамі і па усім параметрам павінны быць пераходам ад летувісаў да украінцаў. Але ж гэтага не назіраецца – у нас “яма”. У летувісаў была толькі нацыянальная партызанка, у украінцаў была і нацыянальная і прамаскоўская. У нас была толькі прамаскоўская. Чаму так сталася? Ты думаў аб гэтым? Толькі не пішы мне што і у нас была нацыянальная, але памяць аб ёй знішчылі. Каб яна была моцнай, памяць бы засталася Яе астаткі былі б сярод нас, як на Украіне. Чаму нашымі паліцаямі камандавалі немцы, а чырвонымі камандавалі НКВД-сты прысланые з Масквы? Не выдавай свае мары за реальнасць. У нас ужо пішуць аб арміі БНР!. Былі слуцкіе паўстанцы, быў Балаховіч. Была фігура якая б магла быць нашай – гэта Желігоўскій. Але ён нашым не стаў. Быў Пілсудскій – таксама. Аб тым што ён мог стаць нашым сведчаць, напрыклад, такіе яго словы: Я выдумал множество красивых слов и определений, которые будут жить и после моей смерти и которые заносят польский народ в разряд идиотов”. Або:” Есть вещи, которые, вы, паляки, не в состоянии понять”. І ён здэківаўся з палякаў на працягу усяго свайго жыцця. Гэта гаворыць аб тым што паланізація нашых людзей не можа быць абсалютнай. Ў яе кідаюцца ад рускасці, якая пранікае ў наш народ праз назву Беларусь, робіць яго непаўнавартастным, адсекае яго ад інтэлегенцыі і апазіцыі. Я лічу, толькі літвінства можа затрымаць наш народ ад асіміляцыі ў рускім катле. Знішчэнне нашага народу паспяхова ідзе. Трэба быць поўным ідыётам каб не бачыць гытага. Каб працаваць ў гэтым напрамку не абавязкова высветляць хто ў апазіцыі цяпер агент Рэжыму.Не трэба цешыць сябя надзеяй помствы, маўляў, рана ці позна праўда усплыве і усе яны панесуць наказанне. У нас, напрыклад, ёсць гісторык А. Сідарэвіч, якая ведае, здаецца, кожный факт з падзей часу БНР. Ён што ад сваіх ведаў нешта прапанаваў для апазіцыі? І такіх як Сідарэвіч у нас шмат, знойдуць апраўданне чаму хочашь. Гэта я да тага, што Канстатацыі, Заклікі пачатку 90-х, і Выкрыццё якімі перапоўнены апазіцыйные СМІ цяпер нічога не вырышаюць і не каштуюць. Нельга таптацца на адным месцы.
Сп.Літварус,з некаторымі Вашымі аргументамі згодны.Цяперашняя апазіцыя-гэта канешне жахоцьце і тупік.Я,як і Вы,як іншыя патрыёты, шукаем выйсьця,і падаецца-ма рухаемся ў верным напрамку..
Анак з некаторымі меркаваньнямі не згодны цалкам і прынцыпова.Нельга з вадой выкідаць і дзіця.Паддаючыся прапагандовай хлусьні і штампам расейскай прапаганды-людзі сьвядома ці па дурасьці купляюцца на закіды пра нацыянальную непаўнавартасьць.Комплекс нацыянальнай непаўнавартасьці сьвядома і пасьлядоўна фармаваўся акупантамі,найперш расейскімі і польскімі.
У нас не было прадваеннай дзяржаўнасьці,і Антанта не дапамагала нам у баях з бальшавікамі,як летувісам.Аўстрыя не давала нам культурную аўтаномію,уключна з нацыянальным універсітэтам,школай,нацыянальнай царквой-уніяцтвам,і нават нацыянальнымі вайсковымі фармаваньнямі пад агульным камандаваньнем аўстрыйцаў.
У нас Расея ўніверсітэты не будавала-толькі дыбу.
Параўнайце архітэктуру Менску і Кіева.Між іншым з большага горад быў разбудаваны ў часы Расейскай імперыі.Беларускія гарады Расея адмыслова не ўздымала,навучаная досьведам войнаў з ВКЛ,ды 3-ма выступамі ў адным 19-ым стагодзьдзі.Расейскія гісторыкі гэта не аспрэчваюць.Нашай Літвы,а не Ўкраіны апасалася Масква.Нават сталіцу перадалі суседзям.Пасля паўстаньня Каліноўскага Беларусь была растаптаная.Мы падыйшлі ў розных вагавых катэгорыях да падзей 20-га стагодзьдзя.
Адносна руху часу 2-ой сусьветнай вйны-то тут беларусы пасьля такога генацыду,пасьля Курапатаў здолелі ізноў пачаць адраджэньне.Гэта ўвогуле фантастычна,цудоўная сіла нашай нацыі.У летувісаў 40 тыс рэпрэсаваных,а ў нас па афіцыйных дадзеных -блізу 2-ух мільёнаў перад вайной…
Цэлы стос імёнаў волатаў-В.Гадлеўскі,М.Вітушка,Я.Філістовіч,І.Касяк,Р.Астроўскі,В.Іваноўскі,Н.Арсеньева, Я.Філістовіч,Я.Сажыч,Ю.Саковіч,У.Родзька,Б.Рагуля-можна яшчэ называць і называць.Ніхто не можа аспрэчваць іхную рэчаіснасьць і гераізм.А гэта толькі лідэры ці каманадзіры.”Наша Ніва” вельмі баіцца згубіць фінанасаваньне ад ліберальных фондаў-вось і палівае беларускіх змагароў брудам.Але паўтараць дэпрэсіўную падлоту-справа нізкая.
У рэшце каб было інакш-не запісаліся б у БКА 40 тыс дабравольцаў у 44 годзе (!).Заўважце,не ў СС,не ў паліцыю,а ў нацыянальнае вайсковае фармаваньне.Немцы са страху палову разагналі адразу.С паліцыяй увогуле адна хлусьня-ёсьць дакладныя нямецкія дадзеныя,немцы ў гэтых пытаньнях былі ўкрай пунктуальныя.Усяго на абшарах былога СССР было больш за 100 тысяч паліцыі.Этнічных беларусаў было ў паліцыі мала..А з іх, тых што ратавалі людзей -значна больш за катаў.Пытаньне,што ў Беларусі немцы пайшлі фактычна да стварэньня марыянетачнай дзяржавы,чаго і блізка не было ва Ўкраіне.
Не так усё адназначна з партызанамі.Часта партызаны з паліцыяй дамаўляліся,каб уратаваць свае семьі і гэтак далей.Людзі наўпрост абіралі шлях выжываньня пад умоўным кіраўніцтвам Масквы ці Варшавы.Нацыянальная партызанка не змагла стаць магутнай -канкурэнты занадта моцныя-8 тыс штогод падрыхтаваных дыверсантаў закідвалі саветы.Палякі- менш,але ж таксама з падрыхтоўкай,амуніцыяй і г.д.Таму БНП і абрала шлях вонкавага супрацоўніцтва з немцамі.Ю.Саковіч-адзін з найбольш зацятых прыхільнікаў нацыянальнай партызанкі,які гэтым займаўся-быў забіты Арміяй Краёвай.Нельга не вызнаць у цэлым вялізарны прарыў нацыянальнага руху нават пад нямецкім тэрорам.Інакш бы саветы не вынішчалі пад корань настаўнікаў!..
Адносна пасьляваеннага супраціву,пэўна ён быў меншы ,чым у суседзяў.Занадта маштабныя страты ў часе вайны,і тых беларусаў,якія былі ў Савецкай арміі,і ў Вермахце,і ў Арміі Краёвай.Але ня менш фатальная хваля рэпрэсій пасьля вайны… Аднак факт у тым што ён быў-няхай і не такі масавы і крывавы,як ва Ўкраіне.
Крыху не па тэме. Раптоўна падумалася, колькіб карысьціб было, каліб усе гранты якія ідуць на падтрымку ліберальнай апазіцыі ішлі на падтрымку беларускамоўных настаўнікаў і выхавацеляў дзіцячых садкоў, на падтрымку беларускай школы. Падаецца, што плён быўбы значна большы.
Шаноўны Сяргей, ты ўступіў на шлях тлумачэння нашых бедаў знешнімі абставінамі. Я пішу што наш народ нацыянальна непаўнаварты, ты пішаш што гэта прапагандыстская хлусня расейцаў, і тут жа – “адкрываешь Амеріку”, што яго фармавалі рускіе і палякі. Тое што ўсё атрымалася у летувісаў, ты пішаш, гэта ад таго што ім дапамагла Антанта. Здаецца, правільна. А чаму яна мі дапамагла, а нам “не”. Зноў, вінавата Антанта. Далей, у тебя вінаваты аўстрыцы, якіе дапамаглі украінцам, а нам ніхто не дапамог. Далей, у тебя віныватые маскалі, таму што адкрылі універсітет ў Харькаве і пазакрывалі ўсё у нас. Далей, Сталін так нас баяўся, што аддаў Вільню летувісам. А можа наадварот, нас ні ва што не ставіў і раздаваў нашые землі,каб задобріць усіх, напрыклад, палякаў (Белосточчына). З тым што пішаш, аб часах вайны, я згодзен – наш народ паднімаўся. Але чаму? Таму, што ўпершыню вывучаў нашую праўдзівую гісторыю ў школах, галоўным чінам, аб нашых адносінах з Расей. Твой пералік імёнаў герояў волатоў, мне нічога не даказвае. Я гавару і пішу толькі аб народзе. У нас зараз за кратамі таксама гароі. І што? Гэта не перашкодзіць захвату нас Расеяй, калі ён адбудзецца. (Чаго не будзе, ані ўЛетуве, ані ў Украіне). Твае галоўнае тлумачэння, – што нас душілі сільней чым украінцаў і летувісаў, ужо чымсьці нагадвае самавасхваленне ( вось .маўляў, якіе мы ( і значыць ты асабіста) небеспечные для Масквы). А задайся пытаннем, чаму беларусаў загінула так шмат і ў часы рэпресій, і ў часы вайны. Толькі без самавасхваленняў! Я калісьці пісаў аб гэтым на дадзеным сайце. Калі коратка: заходнікі нас ненавідзяць як рускіх (хай і белых), а рускіе ненавідзяць нас як заходнікаў, якіе дзякуючы назве белые рускіе не дагадваюцца аб гэтым ( падазраю, што перад казнью нашые пісалі запіскі рускім палачам аб тым, што у нашага народу няма ненавісці да рускіх). Такім чынам, дзякуючы нашай фальшывай назве сфармавалася вельмі фальшывая нацыя. А ФАЛЬШ ГЭТА ТОЕ, ШТО ЎСЕ НЕНАВІДЗЯЦЬ БОЛЬШ ЗА ЎСЁ. Фальшывага челавека хочацца хутчэй забіць, каб фальшью не заразіцца. Ітак мая выснова: каб выхаваць патрыётаў (як пры нямецкай акупацыі), трэба заняцца гістарычнай адукацыёй нашага народу. Каб яе паскорыць (тут ужо мая прапанова) трэба адмовіцца ад назвы белые рускіе. Інтэлігент, як ты, можа ненавідзець рускіх, як сваіх палачей, нават пры назве беларус, але простый челавек – не. Ён думае, што назва народу гэта яго сутнасць спушчаная з неба Богам. Вось чаму ў краіне з’явіліся плакаты з надпісамі “Я-Беларусь”.
Шаноўны Сяргей, спрачаясь ноччу з табою, я зразумеў, што я “перегнул палку” . Мы на самой справе былі самымі грознымі ворагамі маскалёў і абвінавачывая тябе ў самавасхваленні, я напісаў глупства. Маскалі ведаюць аб нашай моцы і таму душаць нас як ні адну нацыі ў сваёй імперэі. Але згадзіся, што мы былі моцнымі ў мінулым калі зваліся літвінамі,а Крэйская Унія адбылася так даўно, што ігнараваць польскій тыл ў нашай моцы даволі цяжка. Я зразумею, што частка нашых гісторыкаў можа наскресці фактаў што палякі нас выкарыстоўвалі як гарматнае мяса, а іншая частка – што без польскага тыла нас чакаў бы лёс Вялікага Ноўгарада. Таму я адкідваю гістарычные аргументы далёкага мінулага. Калі ж абмежавацца толькі 20 ст. то мы пабачым слабасць нашага нац.Руху, калі частка грамадства згадзілася на назву беларусы. Чаму сярод аснавацелей БНР не было Пілсудскага, Желігоўскага, Дзержінскага. Я думаю ад таго, што яны разумелі што назва Беларусь гыта прямая дарожка ў Расею, і што наш народ раўнадушен да гэтай назвы і не будзе за яе змагацца. Нагадаю, пеьсу “Тутэйшых” гдзе усходній і заходній вычоные шукаюць беларусаў ў Менску і не могуць знайсці. Немецкая акупацыя дала выбух нацыяналізму ужо пад сцягам беларускасці, але ты напэўна чітаў на сайце АРХЭ артыкул А. Гардіенкі гдзе пішацца што на эміграцыіі паміж прыхільнікамі назоваў беларусы і крывічы адбылася нават бойка. Гэта сведчыць што шмат палітыкаў бачылі шкоднасць назвы Беларусь нават тады калі яна з дапамогай немцаў расквітнела як ніколі. І наканец,калі разглядаць ужо наш час, то назву Беларусь В.Булгакоў назваў слабой (у сэнсе малапрыдатнай для выхавання патрыётаў), на мітінгі апазіцыі ходзяць толькі тыя хто ведае што мы ў мінулым літвіны, а наш акупацыўный каланіяльный рэжім заставіў краіну плакатамі -бігбордамі “Я-Беларусь”. Апошняе ёсць падтврджэннем што назва Беларусь падмацоўвае наш існуючый рэжым. Ўсё што я чітаў з сучаснай філасофіі,падтврджае што такіе сімвалічные дзеі і паняцца як спорт, рэклама, назвы краін, розные трактоўкі гісторыі (міфы), рэлігіі набываюць усё большую моц. Рускасць з яе полуазіацкімі звычаямі запалзае ў душы нашых людзей праз назву белые рускіе. Калі мы на адмовімся ад гэтай назвы, нас чакае паланізацыя, як гэта ужо было ў пачатку 19 ст. пад уладай ужо Расеі. Шаноўная Рэдакцыя, калі выбар стане рубам – альбо Польшча, альбо Расея, я, каб не апынуцца ў Курапатах, выбіраю Польшчу. Можаце абнавіць на мне этікетку – Біч-паланіст.