nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

Запісы

“Шэф, усё прапала!…”

21 лютага, 2014 | Каментары (1)

Шэў 1Учорашнія падзеі ва Ўкраіне – як вакол Майдана, так і ў Вярхоўнай Радзе! – нягледзячы на ўвесь іх ахвярны трагізм, натхнілі глытком надзеі ўсіх людей добрай волі ва ўсім сьвеце. У той жа час ворагі ўкранскага народу (найперш, расейскія імперыялісты) ўпалі амаль што ў адчай… У такім стане яны, нібы п’яныя, у якіх, што ў галаве, тое і на языку, пачалі выдаваць такія “перлы” з глыбіняў сьвядомасьці, якія ў іншым стане ніколі б не агучылі… Мы вырашылі зафіксаваць на нашым сайце адзін з узорных прыкладаў такога самавыкрыцьця, які мы знайшлі на чарговым сайце г.зв. “рускіх нацыяналістаў” (гл. тут: http://nashaplaneta.su/blog/fsjopropala_ili_ukradennaja_revoljucija/2014-02-21-16159#ixzz2tx0VZNr2). Зьвяртаем увагу, аўтар тэкста, выстаўленага ніжэй, вырашыў не падаваць сябе нават пад нікам. Гэтым ён выдаў “на гара” яшчэ ідзін факт: ён выдатна ведае, што ён – злодзей, які дзейнічае ў інтарэсах сатанінскіх сіл зла. І яму страшна… Паколькі аўтар тэкста – тыповы расейскі імперыяліст, мы былі вымушаныя абільна каментаваць яго па ходу тэкста.

Рэдакцыя.

 

“Цяпер сярод пераважнай большасьі тых, хто быў супраць Майдана, пануе роспач і засмучэньне. “Прасралі палімеры”, “Януковіч = Гарбачоў”, “усё прапала…” і таму падобнае. І ўсё гэта таму, што, як хацелася многім, прэзідэнт так і не даў загаду аб уводзе надзвычайнага становішча ў краіне і не разагнаў Майдан. Прызнаюся, нават я ўчора ўвечары быў вельмі блізкі да падобных думак. Але, як гаворыцца, “раніца за вечар мудрэйшая”.

І сёньня з раніцы многае, што яшчэ ўчора здавалася дзіўным і незразумелым, выявілася і зайграла новымі фарбамі.

Замест таго, каб панікаваць ці мацюкацца (для адных) і агучваць пераможныя рэляцыі, ” кідаючы ў паветра чэпчыкі ” (для іншых), варта паглядзець на сітуацыю, якая склалася ў рэальнасьці.

Зараз няма часу пісаць доўга і падрабязна, а таму сьцісла, сітуацыя такая:

1. У Кіеве бунт нібыта адбыўся і перамог [ва Ўкраіне адбываецца нацыянальна-вызвольная, дэмакратычная рэвалюцыя!, а ня бунт. – Рэд.]. Праўда, на гэтым фоне неяк дзіўна выглядае будаўніцтва пераможцамі ўсё новых барыкад на вуліцах у цэнтры горада [нічога дзіўнага тут няма: рэвалюцыя яшчэ канчаткова не перамагла. – Рэд.] пры тым, што іх частка Рады ўсімі праўдамі і няпраўдамі дамаглася рашэньня аб вывадзе ўнутраных войскаў і “Беркуту” з горада [учора бліжэй да ночы Вярхоўнай Радай Украіны (пры мінімальным кворуме 226 дэпутатаў і прысутных 239) былі прынятыя абсалютна законныя рашэньні, накіраваныя на спыненьне забойстваў людзей і вяртаньне войскаў у казармы. – Рэд.].

2. Самі па сабе ўсе ўчорашнія рашэньні Рады ня маюць якой-небудзь сілы, акрамя эмацыйнага ўзьдзеяньня на насельніцтва і СМІ [і з чаго гэтае імперскае застрашанае чмо гэта ўзяло? – Рэд.]. Па-першае, для іх легітымацыі гэта павінна быць аформлена ў выглядзе законаў [невук, рашэньне Вярхоўнай Рады – гэта і ёсьць закон. – Рэд.], якія павінен падпісаць прэзідэнт [ва Ўкраіне ўжо няма прэзідэнта, ёсьць злачынца, якому пашчасьціць, калі ён пазьбегне Гаагскага трыбуналу. – Рэд.]. Па-другое, замест гэтага ён мае цалкам канстытуцыйнае права распусьціць парламент. Фармальных падстаў для гэтага ў яго поўна [у тым і справа, што гэтае права ў яго цяпер ня больш чым фармальнасьць… – Рэд.].

3. Калі ўстаць на пункт гледжаньня, што бунт перамог [ня “бунт”, а рэвалюцыя… – Рэд.], то цяпер ужо самі бунтары будуць аўтаматычна вымушаныя распусьціць Майдан і яго цалкам вычысьціць [зь якога такога перапуду? – Рэд.]. І ўсё гэта без якіх-небудзь ахвяр, што было б непазьбежным ў выпадку супрацьстаяньня зь “Беркутам” і яго штурму [не хвалюйся, дзядзя (ці цёця) – дадуць кіраўнікі Майдану каманду людзям усё прыбраць і разысьціся, будзе зроблена ў лепшым выглядзе. – Рэд.].

4. Не адбылося самага страшнага, на што разьлічвалі заказчыкі бунту [гэта хто? зьвярніце ўвагу, аўтар так і ня скажа, хто ж, на яго меркаваньне, гэтыя таемныя “заказчыкі”. – Рэд.]. А менавіта, на фізічным узройні не адбылося грамадзянскай вайны са шматтысячнымі ахвярамі. На энергетычным жа [ўзроўні] ўжо фактычна рассмакталася пагроза варонкі інферна на Майдане, даволі вялікая рызыка чаго была б пры штурме са шматлікімі ахвярамі. А значыць, рэальнага заказчыка папросту абакралі. Нават сёньняшні радасны настрой майданутых [ну, вось і вылезла! – Рэд.] з нагоды сваёй “перамогі” працуе не на яго, а супраць яго [нават тут аўтар ня кажа, хто ж гэты таемны заказчык “майданутых”. – Рэд.].

5. Практычна нечакана для ўсіх амбасадар ЗША “абараніў” Януковіча, заявіўшы, што ён павінен заставацца прэзідэнтам [гэта і ёсьць заказык? – Рэд.]. І гэта пасьля таго, як увесь бунт прайшоў пад лозунгам ліквідацыі зладзейскай улады. Гэта значыць, да “пераможцаў” дайшла простая ісьціна. Без прэзідэнта ўсё гэта так і застанецца бунтам і дзяржаўным пераваротам [не, гэта – нацыянальна-вызвольная, дэмакратычная рэвалюцыя! Рэвалюцыя супраць прадажнага, прарасейскага прэзідэнта-здрадніка, які з-за гэтых сваіх рыс ужо ніякі не “прэзідэнт”!  – Рэд.].

Шэў 26. Паўднёва-Усход [гл. зьлева мапу, зь якой бачна, што азначае “Паўднёвы Ўсход” у разуменьні “расейскімі нацыяналістамі-імперыялістамі”. – Рэд.] фактычна выйшаў з падпарадкаваньня Кіеву, арганізаваўшы ўжо нават уласныя ўнутраныя войскі, “добраахвотныя дружыны” і амаль упэўнены, што негалосна перападпарадкаваў сабе раскватараваныя на яго тэрыторыі вайсковыя часткі [во-во, гэта ўжо бліжэй да сутнасьці: а сутнасьць ў тым, што вось гэта – і ёсьць здрада! – Рэд.]. Заўтра ў Харкаве павінен прайсьці зьезд народных дэпутатаў Паўднёва-Усходніх абласьцей [а гэта яшчэ бліжэй да сутнасьці… – Рэд.]. Яго рашэньні даволі прадказальныя. І ўсё гэта ня супраць Януковіча, а хутчэй яго тылы, дзякуючы якім ён не становіцца шырмай, а застаецца адзінай рэальнай уладнай фігурай ва ўкраінскай палітыцы [ну што ж, паглядзім. – Рэд.].

7. У дзіўнае становішча трапляюць “народныя рады” заходніх абласьцей, якія заявілі аб сваім непадпарадкаваньні Кіеву [на тое яны і Народныя, каб у крытычныя моманты жыцьця народу прымаць такія рашэньні. – Рэд.].

8. Бунтары замест таго, каб працягваць забаўляцца і “рабаваць нарабаванае” [вось што аўтар рабіў бы на месцы майданаўцаў. – Рэд.] цяпер змушаныя самі замест разьбітай міліцыі забясьпечваць грамадскі парадак [а мы пасьля ўсяго папярэдняга тэксту так і паверылі, што аўтар клапоціцца пра грамадскі  парадак ва Ўкраіне, што ён хвалюецца за майданаўцаў, на якіх цяпер абваліцца такі цяжар… – Рэд.].

9. У Кіева няма і ня можа быць грошай [ну, так, без Расеі ўсе проста загінуць, ад голаду памруць… – Рэд.]. Сталіцы наогул заўсёды дэфіцытныя [Масква – самы багаты суб’ект РФ. – Рэд.]. А з Заходніх і цэнтральных абласьцей краіны толькі Ільвоўская вобласьць можа тэарэтычна сябе пракарміць. Але для гэтага ёй давядзецца паслаць у далёкае падарожжа ўсіх сваіх таварышаў па барацьбе з “крывавым тыранам”, якія побач ляжаць, што, відавочна, не выкліча ў іх захапленьня [мы ў рэдакцыі так і не зразумелі, што аўтар меў на ўвазе. – Рэд.]. А вось Паўднёва-Усход, перастаўшы фінансаваць Захад і Цэнтр, наадварот, атрымае для сябе дадатковы рэсурс для нармалізацыі становішча. Звонку ж зараз Украіне грошай ніхто ня дасьць [мы заўсёды зьдзіўляліся здольнасьці расейскіх імперыялюг абсалютна ўпэўнена казаць за іншых… – Рэд.].

І такіх дзівацтваў можна назваць яшчэ мноства.

Захад выйграў бунт у Кіеве, але прайграў вайну.

Цяпер УСЁ БУДЗЕ ДОБРА“.

(так труізмам і на ноце самазаспакаеньня закончыў свой артыкул невядомы аўтар)

А мы, у сваю чаргу, на апошнюю заяву невядомага аўтара нагадаем вядомую сярод славянскіх народаў прымаўку: “не кажы “гоп”, пакуль не пераскочыш…”.

Калі ж казаць больш зьмястоўна, дык галоўнае, на што варта зьвярнуць увагу, гэта наступнае:

– РАСЕЙСКАЯ ІМПЕРЫЯКРАТЫЯ ЗРАЗУМЕЛА, ШТО ПЛАН “А” ПА ЗАХОПУ ЎКРАІНЫ НА БЛІЖЭЙШЫЯ ГАДЫ КАНЧАТКОВА ПРАВАЛЕНЫ;

– ЦЯПЕР ЯНА БУДЗЕ ПЕРАХОДЗІЦЬ ДА ПЛАНУ “Б”ЗАХОПУ ЧАСТКІ ЎКРАІНЫ (той, якая пазначна на мапе вышэй бэзавым колерам).

Нешта аналагічнае было і ў знакамітай камедыі “Брыльянтавая рука” пасьля таго, як Міронаў разам з Папанавым уварваліся да патрона з крыкамі “Шэф, усё прапала!…”.

Заклікаем украінскі народ быць моцным і пільным!

Украінцы, ведайце: беларусы-літвіны з вамі!

Жыве Вялікалітва-Беларусь!

Слава Ўкраіне!

=

Дадатак.

Яшчэ аднаго кантужанага Майданам рускага чалавека карысна паслухаць, напрыклад,  тут: http://via-midgard.info/news/in_russia/yekstrennoe-obrashhenie-alekseya-gaponova-k.htm. На гэты раз чалавек адкрыўся. Гэта Аляксей Гапонаў – намесьнік старшыні Грамадскай рады грамадзянскай супольнасьці Расеі.

Шэў 3З аднаго боку, слухаеш такога, і разумееш, што, можа, тое-сёе чалавек кажа правільна і ад душы. Але, зь іншага боку, так і хочацца схапіць гэтага “папа́ Гапона” за грудкі й сказаць у твар: ты – імперыялюга, ці ты такі прафесійны правакатар, што па ходу свайго ж звароту да ўкраінцаў нібы незнарок шмат разоў абражаеш й іх, і беларусаў?; ці ты проста звычайны закаранелы імперыялюга, які бачыць сьвет толькі праз чорныя імперскія акуляры, у якіх прасьвідраваны малюсенькія дзірачкі, празь якія табе ніколі ня ўбачыць і не зразумець глыбінных памкненьняў лепшых сыноў і дачок гэтых зусім асобных ад рускага, хаця і брацкіх яму народаў?!

Няўжо ты – дурань-правакатар – не разумееш, што пакуль ты будзеш так думаць і глядзець на нашы народы, ты будзеш увесь час дзейнічаць на карысьць тых сіл, супраць якіх нібыта выступаеш?

Няжно твая парада ўкраінцам “супакоіцца, выкінуць надзею на свабоду, справядлівасьць і зноў апрануць на сябе рабскія маскоўскія ланцугі” – гэта нешта настолькі высакадумнае, з-за чаго варта было выхадзіць на людзі, у глабальнае Сеціва?

А, можа, табе варта самому на пачатак прыслухацца да такіх рускіх людзей, як Шырапаеў, Штэпа, Марына Струкава?..

Карацей, хто вы, Аляксей Гапонаў?!

 

Каментары (1)

  1. Siarhiej кажа:

    Мне здаецца, што шалі лёсу схіліліся на бок Майдану не толькі дзякуючы героям, ўкраінскім нацыяналістам, але і тым дэпутатам-рэгіяналам, якія паслалі Янука … таму, што эўрапейскі выбар для іх лепшы за расейскі. Да таго ж Масква не дала наступныя 3 млрд на выплату “беркуту”, а папярэднія 2 млрд ужо праелі. За выключэньнем некаторых адмарозкаў з атачэньня Лукі і некаторых закмплексаваных расейцаў, вертыкальцы таксама разумеюць, што ў “яўропе” будзе жыць лепш. Тупыя ў Янука дарадцы, як і ў Лукі.

Пакінуць каментар

  • Старонкі

  • Катэгорыі

  • Апошнія запісы

  • Архівы