nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

Запісы

Дзьмітро Яраш да ўладаў Украіны: Спыніце рэпрэсіі супраць патрыётаў! Досыць разгойдваць дзяржаву, падыгрываць Пуціну!

Верасень 10, 2015 | Няма каментараў

Яраш 2

 

Не пасьпелі мы ў папярэднім матэрыяле спрагназаваць магчымасьць негатыўных падзей ва Ўкраіне ў бліжэйшы час (з-за “аслабленьня пазіцыі Захаду” па Ўкраіне), як адтуль паступілі чарговыя трывожныя навіны – пачаліся арышты сябраў “Правага сектара”. У адказ Дзьмітро Яраш заклікаў людзей быць гатовымі да акцый грамадзянскага непадпарадкаваньня цяперашнім уладам Украіны і прыгразіў магчымым «узброеным супрацівам». Яго заяву на гэты конт мы ўзялі адсюль: https://www.facebook.com/dyastrub/posts/885143614895857?pnref=story . Падаем яе ніжэй.

Рэдакцыя.

 

“Па Адэсе.

Антыўкраінская навалач праводзіць сістэмную рэстаўрацыю дарэвалюцыйных парадкаў і правакуе ўкраінскі народ на яшчэ адно паўстаньне. Сьведчаньнем гэтага зьяўляецца шэраг апошніх падзей – у тым ліку затрыманьне майго пабраціма Сяргея Стэрненкі ў Адэсе.

Папярэджваю ўладны рэжым: досыць гуляць у контррэвалюцыю, досыць падыгрываць Пуціну і разгойдваць дзяржаву – бо менавіта гэтым вы займаецеся апошнія паўтара гады. Народнае цярпеньне ўжо лопаецца і стрымліваць людзей ад узброенага супраціву становіцца немагчымым.

Я зьвяртаюся да ўладумаючых, да кіраўнікоў сілавых дзяржаўных структур: спыніце рэпрэсіі супраць патрыётаў, інакш завершыце сваё праўленьне вельмі дрэнна … На гэты раз зьбегчы з Украіны, як вашыя папярэднікі, не атрымаецца.

Заклікаю ўсіх грамадзян Украіны, байцоў і актывістаў Нацыянальна-вызвольнага руху “Правы сектар” прыгатавацца да актыўных акцый грамадзянскага непадпарадкаваньня, асноўнай мэтай якіх будзе ліквідацыя рэжыму ўнутранай акупацыі ды атрыманьне нацыянальнай дзяржаўнасьці ўкраінскага народу.

Камандаваньню ДУК ПС і кіраўніцтву грамадска-палітычнага крыла “Правага сектару” прадставіць канкрэтныя прапановы па правядзеньні акцый ды мерапрыемстваў, пачаць перамовы з прадстаўнікамі іншых палітычных, грамадскіх, вайсковых сіл, з мэтай аб’яднаньня намаганьняў у барацьбе з палітычнымі рэпрэсіямі.

Свабоду Сяргею Стэрненку, Руслану Дзямчуку, Яўгену Рэзвушкіну і ўсім іншым украінскім патрыётам, якія знаходзяцца за кратамі рэжыму!

Слава Ўкраіне!”

(канец цытаваньня)

 

=

 

Ад рэдакцыі:

Яраш 2аСёньня ж паступіла паведамленьне (http://nn.by/?c=ar&i=156126), што парашэнкаўскімі ўладамі пад Кіевам арыштаваны беларус, былы ўдзельнік батальёну “Тарнада”  Даніла Ляшук (пазыўны «Маджахед»; гл. фота).  Галоўны вайсковы пракурор Украіны Анатоль Мацыос назваў яго самым небясьпечным і жорсткім з байцоў «Тарнада». Па зьвестках журналістаў Даніла “прайшоў шлях ад нэанацызму да радыкальнага ісламу, абвясьціў Расеі джыхад і адправіўся ваяваць ва ўкраінскі батальён «Тарнада»”.

Колькі праўды, а колькі няпраўды ў гэтай інфармацыі нам, на жаль, невядома…  

 

Пакінуць каментар

  • Старонкі

  • Катэгорыі

  • Апошнія запісы

  • Архівы