nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

Запісы

Пра нешта знаёмае беларусам – Піцерскі Першамай 2019

май 6, 2019 | 8 каментарыяў

Рэдакцыя.

Знакавыя падзеі адбыліся ў гэтым годзе 1 траўня ў другой расейскай сталіцы – Піцеры. Гаворка, натуральна, пра Першамайскую дэманстрацыю працоўных па Неўскім прасьпекце, якая была дазволена (!) гарадскімі ўладамі  й адначасна разагнана-здушана (!) імі ж. У адказ на слоганы дэманстрантаў “Гэта наш горад!”, “Пуцін – вор!”, “Далоў цара!”, “Адзін за ўсіх…”, “Паліцыя з народам…” улады паказалі піцерцам, чый на справе гэта горад і зь кім паліцыя… Як у цэлым выглядалі падзеі, кожны можа пабачыць, напрыклад, тут – https://www.youtube.com/watch?v=PBIrntO1jIw ; https://www.youtube.com/watch?v=wXKb5zLdguU . Мы ж вырашылі дадаткова зафіксаваць некаторыя сцэнкі і на нашым сайце ў выглядзе асобных стоп-кадраў (раптам Ютуб у чарговы раз вырашыць выдаліць “гвалт” са сваіх старонак) і тое-сёе дадаткова ўдакладніць ды пракаментаваць.

 

 

 

1.

Даважак…

2.

Дадатковыя тлумачэньні (узята адсюль: https://www.bbc.com/russian/news-48121463 ; скарочана).

“Шэсьце ў Пецярбурзе пачалося ў 11:00 па мясцовым часе і складалася з трох калон.

У складзе першай калоны ішлі прадстаўнікі мясцовых уладаў, у тым ліку сьпікер гарадскога парламента Вячаслаў Макараў, прадстаўнікі ўсіх 18 раённых аддзяленьняў “Адзінай Расеі” ў Санкт-Пецярбурзе, члены гарадскога ўраду, а таксама ч.вы.а. губернатара Пецярбурга Аляксандр Бяглоў (гл. фота ніжэй).

Калона з адзінаросамі пасьля шэсьця прайшла на Палацавую плошчу, дзе адбыўся сьвяточны канцэрт. Астатняя частка з гэтага шэсьця на чале з прадстаўнікамі партыі КПРФ і іх прыхільнікамі адправілася на Ісакіеўскую плошчу.

У складзе трэцяй часткі ўзгодненага шэсьця ішлі прадстаўнікі несістэмнай апазіцыі, у тым ліку прыхільнікі палітыка Аляксея Навальнага, партыі “Яблык” і руху “Адкрытая Расея”, прызнанага расейскім судом непажаданай арганізацыяй.

Затрыманьні апазіцыянераў пачаліся яшчэ да старту шэсьця на Лігоўскім прасьпекце.

Пасьля таго як паліцыя пачала затрымліваць людзей, калона апазіцыянераў у знак пратэсту спынілася. У адказ на гэта супрацоўнікі правапарадку працягнулі затрыманьні. (…) Адна з затрыманых на шэсьці, кандыдат у муніцыпальныя дэпутаты Натальля Барынава атрымала пералом рукі.

Сьпікер Заканадаўчага сходу Пецярбурга Вячаслаў Макараў заявіў, што паліцыя дзейнічала “ў поўнай адпаведнасьці з законам”, а дзеяньні апазіцыянераў назваў… правакацыяй”.

(канец цытаваньня)

3.

Ад рэдакцыі.

Зьвернем увагу на пару момантаў.

Узгаданыя падзеі ў Пецярбурзе напэўна знаёмыя любому грамадскі актыўнаму беларусу-вялікалітвіну. За апошнія 25 гадоў мы на Бацькаўшчыне бачылі і не такое: калоны буйных аўтазакаў (а не нейкія легкавушкі), шчытаносцы, бронетранспарцёры і шмат чаго іншага. Дый энтузіязму ў “нашых” бывала паболей.

Кідалася ў вочы і тое, што піцерская ліберальная публіка да таго, што адбылося, псіхічна была непадрыхтаваная. Што ж, прывыкайце… Тым больш, што тое, што робіцца ў нас, гэта вытворнае ад вас…

І яшчэ: калісьці, у 2000-я,  АГП заклікáла аб’яднацца з “дэмакратычнай Расеяй”, каб пазбавіць Беларусь ад дыктатуры.

Слава Богу, не пазбавілі… Інакш сёньня мы былі б ня толькі без дэмакратыі, але і без незалежнасьці.

 

8 каментарыяў

  1. Рэдакцыя кажа:

    Хто жадае паўзірацца-паслухаць, як маскоўцы спрабуюць асэнсоўваць піцерскую 1-травеньскую падзею і тое, што яна сімбалізуе, можа зазірнуць, напрыклад, сюды – https://www.youtube.com/watch?v=YREqRihHTXw

  2. Siarhiej кажа:

    Гэта мы праходзілі. Цікава даведацца пра статыстыку: колькі ў якіх калонах было людзей, колькі арыштавалі, на колькі сутак … Але зразумела, што да нейкіх цывілізацыйных зрухаў у РФ вельмі далёка, дзікунства буяе.

  3. ліцьвін кажа:

    ”Канечна рэпрэсіі будуць нарастаць” Александар Скобаў.
    Скобаў толькі зьдзівіўся, што гэтыя рэпрэсіі ў Расіі нарастаюць павольна.МІж тым зразумела, што кампрадорская ліберальная расейская буржуазія ўладу не аддасьць нікому, а палітычных дэмагогаў і рэвалюцыянераў прыцісне. Сам электарат няздольны да сыстэмных дзеянняў, а супраць сыстэмных ёсьць прыкормленая гвардыя.
    Наогул цяперашняю сытуацыю ў Расеі вельмі добра апісаў савецкі пісьменнік Панцелеў у кніжцы ”Рэспубліка Шкід” на прыкладзе дзіцячага дома імя Дастаеўскага ў Ленінградзе, калі адзін хітры дзетдомавец захапіў эканамічна-харчовую ўладу ў дзетдоме і якімі прыёмамі ён карыстаўся.

  4. мінак кажа:

    Прывожу цытату з артыкула расейскага палітолага, якая была змешчана на адным з расейскіх сайтаў пад назвай ”Я не дипломат, и потому скажу прямо”.
    ”…Россия не допустит существования антироссийской Украины и либо подчинит её своим целям, либо разрушит до основания. Сколько бы лет на это ни ушло. Сил и возможностей для этого у России хватит. И никаких компромиссов тут не будет. Блудящая как ей вздумается Украина – это ошибочная мечта украинских властителей. Ошибочная и вредная для их здоровья.
    Я не дипломат, и потому скажу прямо – дорогие бывшие республики СССР, особенно Грузия, Белоруссия и Казахстан! Россия временно терпит вашу неподконтрольность и непременно поставит вас под свой контроль. Никогда не будет так, что вы будете сами решать, в какие внешние союзы вам вступать и какие палки в колёса России вставлять. Какие диктовать ей условия. Чем её шантажировать и пугать. Не увлекайтесь. Никогда так не будет вечно. Вас вернут назад и поставят в подчинённое положение. И вы сами прекрасно это знаете, просто оттягиваете момент наступления этого часа. Как только Россия укрепит свою экономическую мощь, элиты всех бывших республик будут заменены на послушные России. Силой и подкупом это будет сделано. Так Россия делала всегда и нет причин думать, что на этот раз будет по-другому. …” ”Я не дипломат, и потому скажу прямо” А.Халдей

    • Рэдакцыя кажа:

      Пры гэтым “Халдзею” пасьля апошняга сказу варта было б зьвярнуць увагу жыхароў суседніх з Расеяй дзяржаў, напрыклад, на апошнія кадры вось гэтага відэа – https://www.youtube.com/watch?v=wXKb5zLdguU
      Выснова: чым расейская імперыя большая, магутнейшая, тым большыя рабы яе жыхары!

  5. Siarhiej кажа:

    “Как только Россия укрепит свою экономическую мощь, …” Ну і дзе тая моц? У офшорах? У французкай, брытанскай, … нерухомасці? Напрыклад, у першую дзесятку багацеяў Брытаніі ўваходзяць тры мульціміліярдэра з расейска-габрэйскімі каранямі.

  6. Siarhiej кажа:

    “Так Россия делала всегда …” Сапраўдная Арда, крамлёўскія хлопцы думаюць па-чынгізханаўскі! А тым часам кітайцы засяляюць маскву, ленінград …

  7. мінак кажа:

    ”Как только Россия укрепит свою экономическую мощь, элиты всех бывших республик будут заменены на послушные России. Силой и подкупом это будет сделано.”

    Тут справа не ў тым што прамовіў Халдей, а ў тым што ўладная эліта ў нашай краіне ўжо замяняецца на расіян і не толькі на ўзроўні міністраў, але і губернатараў і глаў адміністрацый районаў. Потым будзе напісана новая Канстытуцыя, якая абмяжуе ўладу прэзідэнта, а затым выбраныя з падачы ўжо расейскай адміністрацыі наш парламент прыме большасьцю галасоў закон аб аб’яднанні з Расеяй.

Пакінуць каментар

  • Старонкі

  • Катэгорыі

  • Апошнія запісы

  • Архівы