Рэдакцыя

На папярэдні артыкул, у якім распавядаецца, як спадар В.Грыцук зьвяртаўся да АБСЕ зь вялікай просьбай дапамагчы спыніць этнацыд беларусаў у Беларусі, чытач пад нікам “Сяргей” даслаў каментар-пытаньне: “Цікава, якая была рэакцыя ўдзельнікаў той канферэнцыі?”. Мы пашыраем гэтае пытаньне: а якая была рэакцыя АБСЕ, усяго ЕўраЗьвязу? Адказваючы на гэтае пытаньне, хочам зьвярнуць увагу і “Сяргея”, і ўсіх іншых чытачоў нашага сайта, што за наступныя 4 месяцы ня толькі не назіралася ніякай дапамогі беларусам ці хаця б нейкай рэакцыі спачуваньня з боку “Эўропы” (да іх адсутнасьці мы за апошнія 15 гадоў ужо прызвычаіліся), а было значна горш – была прадэманстравана моцная падтрымка “дыскрымінуемай”… “польскай меншасьці” ў Беларусі. Але спачатку факты.

1. Паведамленьне радыё “Свабода” ад 11.02.2010 г. (гл. www.svaboda.org/content/article/1955539.html).

“КЭТРЫН ЭШТАН ГАТОВАЯ ГАВАРЫЦЬ ЗЬ МЕНСКАМ ПРА ПАЛЯКАЎ.

У размове зь міністрам замежных справаў Польшчы Радаславам Сікорскім вярхоўная прадстаўніца Эўразьвязу ў замежных справах і палітыцы бясьпекі Кэтрын Эштан (гл. фота №2) выказала заклапочанасьць сытуацыяй вакол неафіцыйнага Саюзу палякаў Беларусі.

Кэтрын Эштан заявіла пра сваю гатовасьць узьняць пытаньне аб захаваньні правоў польскай меншасьці ў Беларусі перад афіцыйным Менскам.

Галоўнай тэмаю размовы Сікорскага з Эштан былі апошнія падзеі, зьвязаныя з заняцьцем беларускай міліцыяй будынку Дому польскага ў Івянцы” (канец паведамленьня).

2. Паведамленьне радыё “Свабода” ад 13.02.2010 г. (гл. www.svaboda.org/content/article/1956930.htm).

“РАЗМОВА Ў МЕНСКУ ПРА САЮЗ ПАЛЯКАЎ.

Сёньня ў Менску кіраўнік Фонду імя Конрада Адэнаўэра Ганс-Герт Пётэрынг (гл. фота №1) сустрэўся з кіраўніком незарэгістраванага Саюзу палякаў Анжалікай Борыс і старшынём Галоўнай рады арганізацыі Андрэем Пачобутам.

У сустрэчы таксама браў удзел Яцэк Пратасевіч, які ўзначальвае дэлегацыю па сувязях зь Беларусьсю у Эўрапарлямэнце.

Як паведаміў Андрэй Пачобут, спадар Пётэрынг перадаў ім са спадарыняй Борыс словы падтрымкі ад кіраўніка Эўрапарлямэнту Ежы Бузэка.

Кіраўнікі Саюзу палякаў распавялі пра сытуацыю, у якой апынулася іхняя арганізацыя нацыянальнай меншасьці, пра перашкоды ў сваёй дзейнасьці. Паводле Андрэя Пачобута, спадар Пётэрынг быў зьдзіўлены пачутаму і зазначыў, што падтрымка нацыянальных меншасьцяў — гэта стандарт, які прыняты ў краінах Эўразьвязу” (канец паведамленьня).

 

 

Атрымліваецца, колькі б мы ні трэсьлі гэтых “цывілізаваных, дэмакратычных эўрапейцаў” за плечы, колькі б ні зьвярталіся – ім на этнацыд беларусаў, на правы беларусаў-літвінаў напляваць! Падкрэсьліваем гэта ў чарговы раз. На жаль, так сёньня выглядае “цывілізаваная Эўропа”, якую справядлівасьць не цікавіць абсалютна. Там лічацца толькі грошы і ўплывы…

Уявіце, моцная вялікая 40-мільённая, практычна этнічна аднародная польская дзяржава ў Еўропе, якая даўно ўжо ачуняла пасьля вырваньня з савецкай няволі. І ў яе, бачыце вы, зьявіліся нейкія праблемы з… апалячваньнем беларусаў у Беларусі. Ай-яй-яй, ёй трэба тэрмінова ўсёй Эўропай дапамагаць, спачуваць…

А беларусы?

– Якія беларусы?…

Такім чынам, адказваючы на пытаньне: Што можа быць горш, чым ніякай падтрымкі з боку “Еўропы” для беларускай дэмакратыі? – заяўляем: горай можа быць, пры поўным шматгадовым ігнараваньні беларускіх праблем, падтрымка з боку “Эўропы” агрэсіўнага польскага імперыялізму, скіраванага на нашу Беларусь!

І, на жаль, гэта якраз тое, што мы назіраем сёньня на практыцы.

 

Гэты запіс апублікаваны: Панядзелак, 15 лютага, 2010 у 15:38
Катэгорыі: 1.3. Беларусь сёньня, 1.6. Сьвет сёньня, 2.2.1. Этнацыд беларусаў, 2.5.1. Дэградацыя ЕўраЗьвязу, 2.5.4. Фіксуем варварства "Захаду", 3.4.1. Польшча, 4.1.4. Змаганьне за дэмакратыю, 4.3. Інтэрнацыяналізм сапраўдн., 5.1.3. Польскае пытаньне, 5.5. Паралелі сацыяльныя. Вы можаце сачыць за каментарамі пры дапамозе RSS 2.0 стужкі.
Вы можаце пакінуць каментар. Але пінгі забаронены.