Зянон Пазьняк.
2.5. Прыглядаемся да Захаду
Прамаскоўскі рэжым, альбо Як адбываецца разбурэньне Беларусі (частка ІІ)
10 жніўня, 2007 | Няма каментараўАляксей Знаткевіч прымусіў апраўдвацца кіраўніцтва Еўрапейскага гуманітарнага універсітэту (ЕГУ). Так трымаць!
9 жніўня, 2007 | 2 каментарыяРускамоўнасьць ЕГУ і “Дойча вэле”, татальная адсутнасьць падтрымкі беларускамоўным выкладчыкам ВНУ ў Беларусі й сапраўдным беларускім дэмакратам – ганебныя прыклады палітыкі Захаду, якія падкрэсьліваюць, што “беларуская дэмакратыя” для ўплывовых заходніх колаў ня больш, чым пусты гук. Мы адмыслова сочым за падобнымі справамі, таму не маглі не заўважыць інтэрвю, якое ўзяў карэспандэнт радыё “Свабода” Аляксей Знаткевіч у дырэктара цэнтру завочнай і дыстанцыйнай адукацыі ЕГУ Рыгора Мінянкова.
Рэдакцыя.
Пра неадэкватнасьць
8 жніўня, 2007 | Няма каментараўЯўген Бяласін
На ёй, гэтай нашай Зямлі, яшчэ многа неадэкватнасьцяў (больш, відаць, адно што неадэкватных людзей). Гэтыя неадэкватнасьці можна назваць перакосамі, пакуль яны яшчэ ня сталі гуманітарнымі катастрофамі. Іх прычыны найчасьцей палягаюць у недасканалым, памылковым кіраваньні, няправільным уплыве на сістэмы.
Такія інтэрвю трэба чытаць уважліва – 2 (Д пр-пы 65 і 67)
8 жніўня, 2007 | Няма каментараў
Расейскі “Газпрам” заявіў аб намеры скараціць амаль удвая пастаўкі газу ў Беларусь быццам з-за запазычанасьці па аплаце. Відавочна, што гэты ціск мае ня столькі эканамічную, колькі палітычную кампаненту. Якія ставяцца дадатковыя ўмовы адмены такога рашэньня, калі грошы ня будуць пераведзеныя “Газпраму” – прыхватызацыя беларускіх прадпрыемстваў расейскімі алігархамі ці ўвядзеньне расейскага рубля? – беларускаму грамадству не паведамляюць. Але для тых, хто ведае звычкі ўсходняй імперыякратыі, відавочна: нейкія дадатковыя ўмовы напэўна ёсьць і ўрадавыя перамоўшчыкі, якія езьдзяць у Маскву, іх ведаюць. Зноў “над беларускім лесам закружыў чорны крук”, прычым дакладна той самы, што і зімой (гл. https://nashaziamlia.org/2007/01/20/513). Пры гэтым паўтараюцца практычна тыя ж феномены, якія мы адзначалі тады. А гэта значыць, што феномены набываюць ранг заканамернасьцяў. На фоне дадзеных падзей найбольш цікавым зьяўляецца каментар ужо вядомага нашым чытачам кіраўніка Аддзелу Расеі ды СНД Нямецкай Рады вонкавай палітыкі Аляксадра Рара. Перад тым, як прачытаць яго цяперашняе інтэрвю, якое мы ўзялі з сайта радыё “Свабода” і якое прысьвечана чарговаму беларуска-расейскаму крызісу, варта прачытаць інтэрвю папярэдняе (гл. https://nashaziamlia.org/2006/12/16/449). Можа тады вам будзе лягчэй пагадзіцца з нашымі высновамі.
Рэдакцыя.
Дэградацыя Заходняй Еўропы: факты і каментары (частка І).
2 ліпеня, 2007 | Каментары (1)
Чым больш мы ўсьведамляем усю злачынную генацыдна-этнацыдную сутнасьць цяперашняга дыктатарскага рэжыму ў Беларусі, чым больш мы разумеем, што гэты рэжым ёсьць вытворнае ад звышзлачыннай сатанінскай расейскай імперыякратыі, тым больш хочацца верыць, што на Захадзе ёсьць сілы, здольныя дапамагчы нам – беларусам – супрацьстаяць чарговай імперскай навале з усходу, каб уратаваць незалежнасьць, вярнуць свабоду і дэмакратыю. Але чым больш мы прыглядаемся да цяперашняга Захаду, тым больш становіцца відавочным яго дэгенераваны стан. І нашыя аптымістычныя мроі распускаюцца, як ранішні туман… Разбурэньню нашых спадзеваў спрыяе шмат чаго, у т.л. і персоны заходніх лідараў. Удумайцеся. Шродар – былы канцлер Германіі (!), цяпер працуе клеркам у адной з газавых кампаніяў Пуціна, прэзідэнт Францыі Шырак ўзнагароджвае Пуціна Ордэнам ганаровага легіёну, Продзі падазраецца як даўнішні агент КГБ-ФСБ, прэм’ер-міністар Вялікабрытаніі Блэр не выконвае свае абавязацельствы перад Беларусьсю (гл. https://nashaziamlia.org/2006/12/22/460). Калі да ўсяго гэтага дадаць, напрыклад, ксенаэтнічныя пагромы на вуліцах французскіх гарадоў, падтрымку расейскай 5-й калоны ў Эстоніі з боку Amnesty International (гл. https://nashaziamlia.org/2006/12/19/454), паездкі невыязднога Зімоўскага “па Еўропах” і г.д., і да т.п., карціна вымалёўваецца сапраўды непрыглядная… Але якой бы горкай, непрыемнай ні была праўда, яе заўсёды лепш ведаць, чым ня ведаць. Таму намі і заведзеная адпаведная рубрыка, каб сачыць за падзеямі ў Еўропе (найперш, Заходняй). Але мы баімся прапусьціць істотныя факты. Таму мы з удзячнасьцю ўспрынялі сітуацыю, калі па Е-пошце сталі рэгулярна атрымліваць матэрыялы ад групы, якая вядзе Партал праўды www.prauda.org і якая, напэўна, зьяўляецца блізкай да КХП-БНФ. Асноўныя сябры гэтай групы, як вы можаце пераканацца далей, гэта Валеры Буйвал, Юрка Марозаў і Янка Базыль. Зь усяго, што было перададзена нам за апошнія паўгады, мы выбралі тое, што датычыць заходняй часткі Еўразьвязу, і вырашылі прэзентаваць вам. Падабенства ацэнак падзеяў, практычна 100%-е, з боку сябраў нашай рэдакцыі і з боку сябраў Партала праўды асабіста нас уражвае.
Рэдакцыя.
“Настаўнік” адкрыта зьдзекуецца з прафесара
14 чэрвеня, 2007 | Каментары (1)Рэдакцыя (паводле kavkazcenter.com/russ)
Супраць прафесара Марыё Скарамэлы (гд. фота), які сустракаўся ў Лондане з Аляксандрам Літвіненка ў дні атручаньня апошняга агентамі расейскай імперыякратыі на чале з Лугавым й які адразу па вяртаньні на радзіму 24 снежня 2006 году быў арыштаваны і пасаджаны ў рымскую турму, высунуты новыя абвінавачваньні. Як паведаміла агецтва Ansa, на гэты раз прафесара абвінавацілі ў “нанясеньні шкоды… Нацыянальнаму парку Везувія”.
Толькі наперад
15 мая, 2007 | Няма каментараўЗянон Пазьняк (Выступ на травеньскім Сойме Кансэрватыўна-Хрысьціянскай Партыі БНФ, 13 траўня 2007 г.)
Зьвяртаю ўвагу Сойму на характарыстычную прыкмету, якая выяўляецца вельмі выразна цяпер у беларускім грамадзтве – узмацненьне антыбеларускай палітыкі. Здавалася б, пасьля нафта-газавага канфлікту з Масквой і філіпікаў супраць Пуціна рэжым мусіў бы ўнесьці нейкую карэктыроўку ва ўнутраную палітыку на карысьць нацыі. Нічога падобнага, якраз з дакладнасьцю да наадварот. Рэзка ўзмацніўся перасьлед беларускай школьнай і навучэнскай моладзі за беларускую мову і беларускія погляды. Выявілася, што ў школах існуе сістэма сексотаў сярод настаўнікаў, якія адсочваюць ідэёвых беларусаў і даносяць на вучняў у КГБ. Маладых людзей цяпер арыштоўваюць за нацыянальныя патрыятычныя погляды, рыхтуюць суды пад выглядам “за ўдзел у незарэгістраванай арганізацыі”.
Ліст да сяброў
7 мая, 2007 | 3 каментарыяСяргей Высоцкі
Хачу падзячыць усіх сваіх сяброў, аднадумцаў і прыхільнікаў за тую падтрымку, што атрымаў у часе апошніх падзеяў! Відаць, прапаганда Расеі, рэжыму Лукашенкі і афіцыйнай апазіцыі, мякка кажучы, некалькі перабольшвала, калі дундурыла пра непапулярнасць незарэгістраванай кансерватыўна-патрыятычнай Беларускай Партыі Свабоды, народна-дэмакратычных сіл. Такім чынам, на вачах развальваецца яшчэ адзін міф, што так грунтоўна ўбіваўся ў галовы абыватэляў.
“Лепш бы я жыў у старым СССР, чым пры цяперашняй палітычнай карэктнасьці…”
11 красавіка, 2007 | Няма каментараўУладзімір Букоўскі
Учора мы падалі адно зь нядаўніх інтэрвю вядомага дысідэнта Уладзіміра Букоўскага. А між тым, гэта адно зь першых узгадваньняў пра яго ў сусьветных СМІ за апошнія больш чым 4 гады. На нашу думку прычынай замоўчваньня меркаваньняў такога паважанага чалавека сталі рэзкія выказваньні сп-ра Букоўскага ў адрас адміністрацыі ЗША дый у цэлым заходніх палітыкаў… Друкуем адно зь яго крытычных інтэрвю, якое сп-р Уладзімір даў групе заходніх журналістаў улетку 2002 году. Цяпер з персьпектывы амаль 5 гадоў мы можам убачыць, ці быў ён быў правы і наколькі…
Рэдакцыя.
“Еўразьвяз прыдумалі для таго, каб сацыялісты з Захаду і маскоўскія камуністы маглі аб’яднацца… Гэта яшчэ адзін Савецкі Саюз… Але з Расеяй нічога не атрымалася – усё коціцца назад”
10 красавіка, 2007 | Няма каментараўУладзімір Букоўскі
Уладзімір Букоўскі (нар. у 1942 г.) – выбітны расейскі пісьменьнік і публіцыст, па адукацыі біёлаг, адзін з самых вядомых дысідэнтаў Савецкага Саюзу. За апазіцыйную дзейнасьць улады неаднаразова зьнявольвалі яго ў турмах і ў псіхіятрычных лякарнях. У 1976 г. быў высланы з СССР наўзамен за чылійскага камуніста Луіса Карвалана. Цяпер жыве ў Вялікабрытаніі. Вядомы крытычнымі выказваньнямі ў адрас сучасных уладаў Расеі і негатыўным стаўленьнем да Еўрапейскага Саюзу (а мы ўжо пачыналі былі камплексаваць, што мы адзіныя такія). Апублікаваў шэраг кнігаў, у тым ліку “І вяртаецца вецер”, “Пацыфісты супраць міру”, “Маскоўскі працэс”. Нядаўна Ул.Букоўскі разам з шэрагам палітолагаў, у прыватнасьці, з Расеі (Глебам Паўлоўскім), Польшчы (Анджэям Новакам) выступаў на вялікай канферэнцыі, якая праходзіла ў Польшчы і была прысьвечана ацэнцы сітуацыі ў Еўропе і Расеі. Яго адказы на пытаньні былі пададзены, у прыватнасьці, у польскім часопісе “Dziennik“. Ня будзем хаваць, шэраг пазіцый, выкладзеных Букоўскім, вельмі блізкія да поглядаў сябраў нашай рэдакцыі… Ён выступаў пасьля Г.Паўлоўскага, які заявіў, што “1990-я гады былі ў Расеі бесперапыннай катастрофай… Усё па-сапраўднаму кепскае, што ёсьць там цяпер, зьвязана з тым часам, а не з камунізмам… Гады кіраваньня Пуціна – гэта час радыкальнага абнаўленьня… Адзінае, што азмрочвае карціну – гэта рэлікты ельцынізму”.
Рэдакцыя.
Сьвет перакуліўся: Буш у абдымку з Шаманавым
31 сакавіка, 2007 | Няма каментараўСаід Ірбахаеў (паводле kavkazcenter.com/russ)
У ЗША распальваецца скандал вакол прэзідэнта ЗША Дж.Буша. Галава Белага дому прыняў ў сябе ў кабінеце рускага генерала Шаманава, які вышукваецца чачэнскімі ўладамі за жахлівыя ваенныя злачынствы і садызм.
ЧАМУ ПРАЙГРАЛА АПАЗІЦЫЯ
29 сакавіка, 2007 | Няма каментараўНас цікавіць беларускі народ, а не апазіцыйныя бонзы
Сяржук Высоцкі
Апошнія падзеі, зьвязаныя са спробай арыштаваць лідара незарэгістраванай Беларускай партыі Свабоды (БПС) Сяржука Высоцкага, якому пакуль удалося пераехаць ва Украіну, прастымулявалі нашу рэдакцыю на тое, каб выставіць яго артыкул. (Напэўна, цяпэрцы вырашылі, што прыйшоў час папрэсаваць і Высоцкага так, як гэта было зроблена ў дачыненьні да Севярынца, Дашкевіча, Маркевіча, Казуліна, некаторых іншых; сьпецам ад цяперцаў удалося захапіць толькі яго малодшага брата; гл. http://www.svaboda.org/articlesfeatures/politics/2007/3/24270F0B-5C4D-47A8-A25B-D91161119CD8.html; па зьвестках ад Высоцкага арыштоўваюць яго хлапцоў і на допытах патрабуюць, каб яны прызналіся ў прыналежнасьці да нелегальнай арганізацыі; допыты адбываюцца пад лейтматывам: “усё роўна мы яго пасадзім!”). Пазнаёмцеся з пазіцыяй гэтага чалавека і падумайце, ці не назіраем мы зачыстку палітычнага поля – пакуль на дзялянцы апазіцыі – для прадстаўнікоў зусім не прабеларускіх сілаў. Прычым, прыладай да такой самай глыбіннай мэты зьяўляюцца ня толькі супрацоўнікі міліцыі, КГБ, а і самі цяперцы з найбольш шыкоўных кабінетаў. Для каго адбываецца гэта зачыстка? Для Мілінкевіча? Саньнікава? Вячоркі? Лябедзькі? Леванеўскага? А, можа, для ўсіх іх разам? (даволі падрабязна апошняя магчымасьць разгледжана нядаўна на расейскай мадэлі, гл. https://nashaziamlia.org/2007/03/24/591).
Рэдакцыя.
Гэтая выбарчая кампанія [маюцца на ўвазе прэзідэнцкія выбары 2005-06 гг. – Рэд.] была прайграна апазіцыйным афіцыёзам па стандарце усіх папярэдніх. Нечаканасцю стаў стыхійны вулічны пратэст моладзі 19-25.03.2006 г. Расклад падзеяў прадэманстраваў рэальную слабасць арганізаваных структур, афіцыйных партый. Не дапамагла нават падтрымка Захаду. Незарэгістраваныя арганізацыі выглядаюць на тым жа ўзроўні, што і багатыя партыі са сваімі штабамі і прафесійнымі функцыянерамі…
Зноў Мюнхен?
14 сакавіка, 2007 | Няма каментараў
Леанід Плюшч (былы палітвязень, замежны прадстаўнік Украінскай Хельсінскай групы, Францыя)
Чытаючы лісты Ах’яда Ідыгава і Алы Дудаевай, навочна пераконваесься, што гісторыя нічому не навучыла еўрапейскіх палітыкаў.
Пуцін прыляцеў да Продзі
13 сакавіка, 2007 | Няма каментараўБарыс Керзач (паводле матэрыялаў сайта kavkazcenter.com)
Як перадаюць расейскія СМІ, сёньня Пуцін накіраваўся з двухдзённым візітам у Італію па запрашэньні прэм’ер-міністра гэтай краіны Рамана Продзі. У час перамоваў зь кіраўнікамі будзе яшчэ толькі два чалавекі (па адным з кожнага боку), якім яны цалкам давяраюць. У сувязі з гэтым некаторыя італьянскія СМІ нагадваюць, што Продзі падазраецца ў даўніх нелегальных сувязях з расейскімі сьпецслужбамі. Магчыма, двух кіраўнікоў зьвязвае нешта большае, чым пэўная агульнасьць поглядаў у міжнародных пытаньнях…
Беларусь паміж РФ і ЕЗ: а трэці шлях? (частка 4)
3 сакавіка, 2007 | Няма каментараў
НАША ГАЛОЎНАЯ ПРАБЛЕМА – ЭТНАЦЫД, НАША МЭТА – БЕЛАРУСКАЯ ДЗЯРЖАВА! (Ч.7)
10 красавіка, 2006 | Няма каментараўЧастка 7. Арганізацыйная і ідэалагічная псеўда-альтэрнатыва.
Далей »
Іншыя сайты
