Беларусь – наша зямля

2.4. Расейская апазіцыя

Баявая сьпецпрапаганда: «гнілы селядзец» ды іншае

11 снежня, 2015 | 9 каментарыяў

Быў у маім жыцьці адносна нядоўгі перыяд, калі я вывучаў прапагандовую, PR-аўскую дзейнасьць. Гэта было абумоўлена маім вялікім уражаньнем ад факту, які адкрыўся ў 1994-96 гг.: як лёгка могуць сілы зла перакрэсьліць шматгадовую асьветніцкую, растлумачальную дзейнасьць прыстойных людзей і перацягнуць масы на свой бок з дапамогай метадаў чорнай прапаганды. З таго часу я працягваю зьбіраць веды па гэтым пытаньні. Частку зь якіх, найбольш карысную, мы выстаўляем на сайце (гл. напрыклад тут: https://nashaziamlia.org/2014/04/19/6909/#more-6909). Матэрыял, зь якім вы можаце пазнаёміцца ніжэй, у адзначаным асьпекце таксама ўяўляе вялікую каштоўнасьць. Гэта прызнаньні блогера Ўладзіміра Якаўлева (гл.фота) – выпусьніка Маскоўскага дзяржуніверсітэта, рэдактара інтэрнэт-праекта “Згушчонка”. Аўтар добра тлумачыць адну з галоўных прычын, чаму ў Расеі да 80% людзей сталі сёньня шавіністычна-імперскімі зомбі (узята адсюль: http://www.sguschenka.com/propaganda).

Алесь Астроўскі.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4.5. Расея, 3.7. Метады прапаганды, 4.9. Тэрарызм?, 5.2. Маніпуляваньне СМІ

АК БПС-САМААБАРОНА Ў МАРЫЎПАЛІ (частка 1)

13 верасня, 2015 | 13 каментарыяў

Сяргей Высоцкі, кіраўнік АК БПС–Самаабарона.

Пасьля стварэньня Альянсу Балта-Чарнаморскіх Нацый (АБЧН) дамовіліся з прадстаўнікамі шэрагу палітычных ды грамадскіх арганізацый краінаў-удзельнікаў пра супольную паездку на фронт, каб падтрымаць байцоў – прадстаўнікоў нашых народаў… Мы – беларусы, грузіны, літоўцы, латышы, эстонцы, палякі, іншыя (нават рускія) – мусім сёньня падставіць плячо ўкраінцам. Тым больш, што ад Еўразьвязу дапамогі чакаць не даводзіцца… Але пачалася палітычная руціна, нейкія акцыі, выбары, пікеты. Усё зацягнулася. Таму, атрымаўшы запрашэньне ад байцоў з фронту, вырашыў ехаць. Прапанаваў нашаму паэту і барду Зьміцеру Захарэвічу паехаць разам. Ён адразу пагадзіўся (гл. фота). Мы былі некалькі дзён на фронце, у самым пекле вайны, у зоне баявых дзеяньняў, і за гэты час пабачылі шмат. Там, дзе вайна, і час крочыць па-іншаму, і сьвет бачыцца іншым. Напэўна, больш рэалістычным…

Катэгорыі: 1.3. Беларусь сёньня, 1.6. Сьвет сёньня, 2.3. Такая "апазіцыя", 2.4. Расейская апазіцыя, 2.5. Прыглядаемся да Захаду, 2.5.1. Дэградацыя ЕўраЗьвязу, 2.5.4. Фіксуем варварства "Захаду", 3.1. Імпербюракратыя Расеі, 3.4. Украіна, 3.4.1. Польшча, 3.4.2. Прыбалтыка, 3.4.3. Закаўказьзе, 3.5. Героі сярод нас, 4.1.4. Змаганьне за дэмакратыю, 4.3. Інтэрнацыяналізм сапраўдн., 5.2. Маніпуляваньне СМІ, 5.5. Паралелі сацыяльныя

Галоўны рэсурс любой дыктатуры – страх

11 верасня, 2015 | 10 каментарыяў

Рэдакцыя.

Адзін сталы чытач нашага сайту любіць сцьвярджаць, што ён знайшоў галоўную прычыну, чаму беларусы “слаба змагаюцца” (на яго меркаваньне) за свае агульнанацыянальныя інтарэсы. Маўляў, калі мы, беларусы-літвіны, зваліся б не беларусамі, а літвінамі, усё было б кандынальна інакш і з нашай мовай, культурай, гісторыяй, і з нашай эканомікай, і з нашай дзяржаўнай уладай, і з умовамі нашага жыцьця. Мы рэгулярна спрачаемся зь ім, кажам: часткова згодныя, але ёсьць і больш важкія прычыны… Калі іх усе доўга не пералічаць ды не абгрунтоўваць, а назваць самую галоўную прычыну, ёй акажацца (ужо на наша меркаваньне) звычайны людскі страх. Да гэтай высновы прыходзяць й іншыя. У пацьверджаньне выстаўляем ніжэй артыкул Віктара Шэндаровіча – вядомага расейскага публіцыста ліберальнай арыентацыі (гл. фота). Матэрыял узяты адсюль: http://mvvc44tv.cmle.ru/?a=note&id=28270# .

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4.5. Расея, 4.1.4. Змаганьне за дэмакратыю, 4.9. Тэрарызм?, 5.5. Паралелі сацыяльныя

“Усё скончыцца, як заўсёды – вялікім гвалтам і крывёй” (частка 3, каментары чытачоў)

15 чэрвеня, 2015 | 3 каментарыя

Рэдакцыя.

Для нас, як сайта ідэалагічнага, пачуцьці й думкі Івана Кульнёва ўяўляюць не такую ўжо значную цікавасьць. Нашмат больш цікавай зьяўляецца рэакцыя на іх прадстаўнікоў розных грамадскіх груп, так ці інакш зьвязаных з расейскай імперыяй ці з Украінай, зь іх далейшымі лёсамі. Як гэтыя людзі рэагуюць на нашумелы ў сеціве артыкул? Якія аргументы прыводзяць, на што зьвяртаюць увагу, што дадаюць ці адпрэчваюць? Вось што больш цікава. Бо, нібы сімптомы хваробы, па якіх лекар ставіць дыягназ, чытацкія рэакцыі дазваляюць вызначыць тыпалогію сьветаглядаў названых грамадскіх груп, ацаніць узровень іх аргументацыі. Таму мы і ўзяліся за працу фіксацыі ўсёй разнастайнасьці меркаваньняў чытачоў на артыкул Кульнёва. Каментары былі ўзяты з расейскага ліберальнага сайта http://ehorussia.com/new/node/10937 і ўкраінскага сайта http://www.theinsider.ua/politics/552b8a0c49c50/. З-за вялікага аб’ёму матэрыяла мы вымушаны былі яго істотна скарачаць, найперш за кошт меркаваньняў, якія паўтараліся, а таксама за кошт выказваньняў падазроных у тралізьме “чытычоў”. Хаця многія “меркаваньні” яўных троляў мы таксама пакінулі – каб матэрыял адпавядаў духу часу. Спадзяемся, што нашы чытачы самі выявяць, хто ёсьць хто.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 3.4.5. Расея, 3.7. Метады прапаганды, 4.1.4. Змаганьне за дэмакратыю, 4.3. Інтэрнацыяналізм сапраўдн., 4.4. Падаем дакумент, 5.1.3. Польскае пытаньне, 5.5. Паралелі сацыяльныя, 5.6.1. Ідэал.тэрытар. бюракратыі, 5.6.5. Ідэал.шавіністыч.

“Усё скончыцца, як заўсёды – вялікім гвалтам і крывёй” (частка 2)

7 чэрвеня, 2015 | 16 каментарыяў

Дзень дзясяты. Перадапошні

Калі б не было гэтага дню, не было б, магчыма, і патрэбы ўсё гэта пісаць… Ён пачаўся выдатна. За некалькі дзён наперад я, рамантык па натуры, уважліва праглядзеў расейскія і “варожыя” метэасайты [так робіць не рамантык, а чалавек практычны – рэаліст-прагматык. – Рэд.]. Хоць у чымсьці было адзінства паміж “намі” ды “імі”: надвор’е абяцала быць ясным, шматсонечным, без адзінага воблачка і зь лёгкім марозцам – як раз такое, якое я люблю і пра якое заўсёды сумую ў Еўропе.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4.5. Расея, 5.1.3. Польскае пытаньне, 5.5. Паралелі сацыяльныя

“Усё скончыцца, як заўсёды – вялікім гвалтам і крывёй” (частка 1)

5 чэрвеня, 2015 | Няма каментараў

За апошнія месяцы мы перабралі шмат тэкстаў розных аўтараў, у якіх знутры апісваецца стан псіхікі сёньняшняга расейскага грамадства. Як высьвятляецца, у “вялікай Расеі” душы большасьці яе звычайных жыхароў сёньня апанаваныя няпэўнасьцю, бессэнсоўнасьцю, пусткай, стратай маральных арыентыраў, злосьцю, страхам, нянавісьцю. Тэкст, што падаецца ніжэй, на наш погляд, адзін зь лепшых, які ўсё гэта дакументуе. Яго аўтар Іван Кульнёў (ці Кульнеў; гл. фота) – расейскі студэнт, які, як мы зразумелі па кантэксьце, апошнія гады навучаецца ў Нямеччыне. Ён прыехаў на Расею, на сваю радзіму і… не пазнаў яе. Тэкст узяты адсюль: http://ehorussia.com/new/node/10937 (дубль гл. http://www.theinsider.ua/politics/552b8a0c49c50/). Ён нязначна скарочаны і падаецца ў дзьвюх частках. Вымушаны папярэдзіць: сьветагляд аўтара часткова дэфармаваны заходняй ліберальнай ідэалогіяй.

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4.5. Расея, 3.7. Метады прапаганды, 5.5. Паралелі сацыяльныя, 5.6.1. Ідэал.тэрытар. бюракратыі

Кацярына Мальдон: “Расеянам будзе вельмі сорамна за нянавісьць паміж нашымі брацкімі народамі”

17 мая, 2015 | 2 каментарыя

Сёньня наш матэрыял прысьвечаны мужнай расеянцы Кацярыне Мальдон (гл. фота). Яна – маці чацвёра дзяцей, а таксама вядомая расейская апазіцыянерка, сузаснавальнік грамадскага руху «Майдан бязь межаў», актыўная ўдзельніца пратэстных акцый у падтрымку палітвязьняў, супраць расейскай агрэсіі ва Ўкраіне, за выкананьне ўладамі абавязальніцтваў у сацыяльнай сьферы, а таксама за свабоду слова ў Расеі. Нядаўна пані Кацярына была вымушаная пакінуць Расею і пераехаць ва Ўкраіну (тлумачэньні аб прычынах гэтага кроку раім паглядзець тут: https://www.youtube.com/watch?v=NMs9cIyWBV4). Матэрыял падаецца паводле http://fakty.ua/199853-ekaterina-maldon-zamuchilas-zhdat-zvonka-v-dver-znaya-chto-menya-v-lyuboj-moment-mogut-izbit-posadit

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 3.4.5. Расея, 4.1.4. Змаганьне за дэмакратыю, 4.3. Інтэрнацыяналізм сапраўдн.

Іх дом гарыць сінім полымем, агонь вось-вось перакінецца на нас, а яны ўсё “Вялікая Расея!”

17 лістапада, 2014 | Каментары (1)

Каб яшчэ раз паказаць, што менавіта імперская ментальнасьць “рускіх братоў” зьяўляецца галоўнай перашкодай на шляху да яднаньня ўсіх славянскіх народаў для змаганьня супраць агульных ворагаў, мы вырашылі выставіць ніжэй яшчэ адзін прыклад гэтага феномену – паказальны да хрэстаматыйнасьці. Ім стаў ліст зь вязьніцы палкоўніка Квачкова ад 04.11.2014 г (http://via-midgard.info/news/copyright/pismo-polkovnika-kvachkova-ot-04112014-majdan.htm). У гэтым лісьце мы знаходзім некаторыя элементы і здаровай логікі, і моцнай, патрыятычнай паставы (гэтыя думкі мы вылучылі тоўстым шрыфтам), якія аднак цалкам нівелюцца, дыскрэдытуюцца комплексам расейскай імперскай непаўнавартасьці. У выніку, так і хочацца спытаць у твар: “Маскалі, вы, што, ужо зусім страцілі розум?! Вы ж так і сябе, і нас загубіце!” Зрэшты, мяркуйце самі…

Рэдакцыя.

Далей »

Катэгорыі: 1.6. Сьвет сёньня, 2.4. Расейская апазіцыя, 3.4. Украіна, 3.4.5. Расея, 4.3. Інтэрнацыяналізм сапраўдн., 4.4. Падаем дакумент, 5.6.5. Ідэал.шавіністыч.

Гіркін-Стралкоў: “… таму што я змагаюся за адзіную вялікую Расею” (частка 1)

10 лістапада, 2014 | Каментары (1)

Па меры таго, як да расейскіх імперцаў (маскалёў) пачынае прыходзіць усьведамленьне, што яны ў гэтым, 2014-м, годзе атрымалі ад украінцаў па зубах, а далей могуць атрымаць яшчэ ня раз і больш, да некаторых зь іх пачынае вяртацца ўцямны стан, а за ім і жаданьне адрэфлексаваць зробленае. Праяўляецца вышэйадзначанае тым, што маскалі пачынаюць задаваць самі сабе пытаньні: і што гэта мы нарабілі? у імя чаго? хто галоўны выгадаатрымальнік ад вайны паміж брацкімі – славянскімі ды праваслаўнымі – народамі? што рабіць далей? Бывае, сустракаеш сёньня такія сеансы публічна-сеціўнага самавыкрыцьця, і ўжо ў ніякі цырк хадзіць ня трэба. Паколькі зьява гэтая на даным гістарычным этапе новая, мы вырашылі зафіксаваць і абмеркаваць адзін з паказальных прыкладаў такога рэфлексаваньня. 6 лістапада на сайце радыё «Гаворыць Масква» было выстаўлена вялікае інтэрвю (http://govoritmoskva.ru/interviews/265/), узятае вядомым салаўём расейскай імперыі Сяргеем Дарэнкам у галоўнага расейскага тэрарыста з Лугандона Ігара Гіркіна (ён жа Ігар Стралкоў – былы “міністр абароны самаабвешчанай Данецкай народнай рэспублікі”; вышэй гл. фота абодвух). На нашым сайце інтэрвю падаецца ў нязначна скарочаным выглядзе.

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 3.4.5. Расея, 4.3. Інтэрнацыяналізм сапраўдн., 4.9. Тэрарызм?, 5.6.1. Ідэал.тэрытар. бюракратыі

Чаму беларусы і рускія ваююць на баку ўкраінцаў

30 верасня, 2014 | Няма каментараў

Цалкам зразумела, чаму ўкраінскія патрыёты ваююць супраць расейскага агрэсара ў сёньняшняй вайне на паўднёвым усходзе Ўкраіны. Але яшчэ больш станоўчым зьяўляецца тое, што ім, рызыкуючы жыцьцямі, аказваюць інтэрнацыянальную падтрымку прадстаўнікі брацкіх народаў – беларусы і нават рускія. Некалькі дзён таму ў сеціве зьявіліся інтэрвю некаторых зь іх. Мы палічылі важным зафіксаваць гэтыя інтэрвю для гісторыі.

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.4. Украіна, 3.5. Героі сярод нас, 4.1.4. Змаганьне за дэмакратыю, 4.3. Інтэрнацыяналізм сапраўдн.

“СПЫНІЦЬ РАСЕЙСКУЮ АГРЭСІЮ!” – Заява «Кангрэсу інтэлігенцыі [РФ] супраць вайны, самаізаляцыі Расеі ды рэстаўрацыі таталітарызму»

6 верасня, 2014 | 2 каментарыя

Тэкст данай заявы быў выстаўлены на сайце “Новай газеты” ўчора – 5 версьня 2014 г. – тут: http://www.novayagazeta.ru/news/1686648.html. У канцы тэкста прапаноўвалася падпісацца ўсім жадаючым. Сёньня – 6 верасьня – на старонцы збора подпісаў пазначана, што заяву падпісалі 1824 человекі й што збор подпісаў… зачынены (https://nowarcongress.com/petitions/199/; поўны сьпіс падпісантаў гл. тут: https://nowarcongress.com/petition/7/people/).

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 3.4.5. Расея, 4.3. Інтэрнацыяналізм сапраўдн., 4.4. Падаем дакумент, 4.9. Тэрарызм?, 5.2. Маніпуляваньне СМІ

“Гэтая вайна – не за справядлівую справу!”

23 чэрвеня, 2014 | Няма каментараў

Папулярны актор тэатра і кіно, народны артыст СССР Алег Басілашвілі (гл. фота зьлева) даў інтэрвю пецярбужскаму інфармацыйнаму агенцтву “Росбалт”. Яго асноўная тэма – падзеі на паўднёвым усходзе Ўкраіны і роля ў іх кіраўніцтва Расеі. Задаваў пытаньні актору (часта правакацыйныя) журналіст Андрэй Валодзін. Большую частку гэтага інтэрвю мы падаем ніжэй (узята адсюль: http://www.rosbalt.ru/piter/2014/06/22/1282692.html). Нашая мэта – зафіксаваць, што нават прыстойныя расейцы з-за расейскай прапаганды мала ў чым здольныя разабрацца…

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 4.1.4. Змаганьне за дэмакратыю, 4.3. Інтэрнацыяналізм сапраўдн., 4.9. Тэрарызм?, 5.2. Маніпуляваньне СМІ, 5.6. Ідэалогіі, іх бараціба

Істархаў. У самую кропку, але замала

26 мая, 2014 | 3 каментарыя

Другім рускім нацыяналістам, які хоць трохі ўзьняўся па-над шавіністычна-імперскім бачаньнем “рускага нацыяналізму”, стаў Уладзімір Істархаў. Ён аб’явіўся ў Сеціве праз два месяцы пасьля выступу Дзёмушкіна па “ўкраінскім пытаньні” (гл. папярэдні матэрыял) у якасьці аднаго з прамоўцаў на мітынгу, які з нагоды 1 Траўня праводзілі ў Маскве розныя арганізацыі “рускіх нацыяналістаў” (гл. фота зьлева). Тэкст яго выступу мы выставілі ніжэй. Хто жадае паглядзець выступ Істархава па відэа, можа зрабіць гэта па наступных адрасах: http://www.youtube.com/watch?v=oMvZnOyhAx8; http://www.youtube.com/watch?v=EkwML26289w.

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 2.5.3. Сусьветная закуліса, 2.9. Цыклічная падзея, 3.1. Імпербюракратыя Расеі, 3.4. Украіна, 3.4.5. Расея, 3.7. Метады прапаганды, 4.1.4. Змаганьне за дэмакратыю, 4.2. Нацыяналізмы, 4.3. Інтэрнацыяналізм сапраўдн.

Гутарка за палітыку і Ўкраіну

25 мая, 2014 | Няма каментараў

На нашым сайце ўжо назьбіраліся невялікія калекцыі з выказваньнямі з нагоды “ўкраінскіх падзей” прадстаўнікоў расейскіх імперыялістаў і расейскіх ліберастаў. Першыя выступаюць у асноўным з пазіцыі абароны інтарэсаў расейскай імперыякратыі, другія – зыходзячы зь інтарэсаў заходняй фінансавай алігархіі. Час на новым вітку паслухаць думкі тых, хто падае сябе як “рускіх нацыяналістаў”, заяўляючы, што ўся іх дзейнасьць накіраваная на абарону інтарэсаў рускага народу. У серыю, якую мы зьбіраемся паказаць далей, мы не ўключылі тых “рускіх нацыяналістаў”, чый сьветагляд на справе аказваецца… яскрава імперскім. Але паколькі, як высьветлілі мы раней у нашых папярэдніх дасьледваньнях, сярод публічных “рускіх нацыяналістаў” няма ніводнага чыстага рускага нацыяналіста (заўсёды прысутнічае імперскі дамешак; а сапраўднымі рускімі нацыяналістамі аказаліся рускія нацыянал-дэмакраты – Шырапаеў, Штэпа, некаторыя іншыя), усім нам давядзецца гэта проста ўлічваць. Адзначанае датычыць і Дзьмітрыя Дзёмушкіна (гл. фота). Падаем ніжэй нязначна скарочаную пісьмовую версію яго вуснай прамовы (узяты адсюль: https://www.youtube.com/watch?v=SS1AiJFSNxo#t=260). Яшчэ раз заклікаем улічваць, што Дзёмушкін ня чысты нацыяналіст і што яго выступ быў выстаўлены на Ютубе 3 сакавіка г.г. Імперскія ды некаторыя іншыя залёты выступоўцы мы ў цэлым пракаментавалі.

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 3.4.5. Расея, 4.1.4. Змаганьне за дэмакратыю, 4.2. Нацыяналізмы, 4.3. Інтэрнацыяналізм сапраўдн., 5.6. Ідэалогіі, іх бараціба, 5.6.5. Ідэал.шавіністыч., 5.6.6. Ідэал.універс.нац.

Андрэй Піянткоўскі пра Пуціна, Расею, Крым, Украіну

19 мая, 2014 | Няма каментараў

Самы час паслухаць аднаго з найаўтарытэтных расейскіх палітычных аналітыкаў, які, на жаль, прытрымліваецца збольшага ліберальных поглядаў, Андрэя Піянткоўскага (гл. фота; на ім пан Андрэй справа). Інтэрвю ў яго дома, на кухні, бярэ маскоўскі журналіст Валеры Адстаўных (гл. фота; Адстаўных зьлева). Інтэрвю ўзята адсюль: http://www.youtube.com/watch?v=_JC9quM_tts. У даным выпадку з-за яго вялікай працягласьці (больш за гадзіну) мы набіралі тэкст не з абсалютнай дакладнасьцю, а так, каб былі ясна зафіксаваныя ў пісьмовым выглядзе галоўныя думкі пана Піянткоўскага.

Рэдакцыя.

Катэгорыі: 1.4. Гісторыя Беларусі й вакол, 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 3.4.5. Расея, 3.6. Праверым прагноз, 5.5. Паралелі сацыяльныя

Фанабэрыя, пыха, цынізм, крывадушша, хлусьня, нахабства, прапаганда… (факт 3 – Жырыноўскі)

29 красавіка, 2014 | Няма каментараў

Наступнай фігурай, пазіцыю якой па пытаньні нападу Расеі на Ўкраіну мы вырашылі пісьмова зафіксаваць, зьяўляецца шырока вядомы на прасторах СНД “сын юрыста” і адначасна стары крамлёўскі прыхлябай-правакатар Уладзімір Жырыноўскі. Мы палічылі, што з разнастайных яго інтэрвю, якія можна паглядзець на Ютубе і якія прысьвечаныя “ўкраінскаму пытаньню”, адным з найбольш паказальных зьяўляецца тое, якое ён даў расейскаму тэлеканалу LifeNews напярэдадні 11 сакавіка 2014 года (гл. тут: http://www.youtube.com/watch?v=wmweLBzWcHM). Падаем ніжэй яго тэкст.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 3.4.5. Расея, 3.7. Метады прапаганды, 4.1.4. Змаганьне за дэмакратыю, 4.3. Інтэрнацыяналізм сапраўдн., 4.9. Тэрарызм?, 5.2. Маніпуляваньне СМІ, 5.6.1. Ідэал.тэрытар. бюракратыі, 5.6.5. Ідэал.шавіністыч.

Фанабэрыя, пыха, цынізм, крывадушша, хлусьня, нахабства… (факт 1; невядомы аўтар на via-midgard.info)

23 красавіка, 2014 | 2 каментарыя

Можа стацца так, што праз пэўны час сітуацыя вакол Украіны так ці інакш разрадзіцца (гл. папярэдні матэрыял). А яшчэ праз пэўны час расейцы, якія заўсёды імкнуліся падаваць сябе культурнымі, інтэлігентнымі людзьмі, але якія сёньня так бязбашанна-агрэсіўна ўдзельнічаюць у цкаваньні ўкраінцаў, заявяць, што яны нічога падобнага не казалі, што ўпіканьне іх, напамін пра былы ўдзел у псіхічна-інфармацыйнай вайне расейскай імперыякратыі супраць украінскага народу – гэта гнюсны паклёп. У сувязі з гэтым мы адчуваем, што настае час зьбіраньня яшчэ аднаго віду “ўраджаю” – фактаў слоўнага, інфармацыйнага злачынства, зьдзейсьненых з боку расейскіх імперыялістаў. Сёньня мы вырашылі завесьці адпаведную рубрыку (“Фанабэрыя, пыха…”) і зафіксаваць ды выставіць на агульны агляд адзін з прыкладаў такога злачыннага выслоўліваньня. Артыкул мы знайшлі месяц таму на “галоўным сайце рускіх нацыяналістаў” (канкрэтна тут: http://via-midgard.info/news/zheleznyj-zhrebij-broshen-obrashhenie-k.htm).

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4. Украіна, 3.4.5. Расея, 4.1.4. Змаганьне за дэмакратыю, 4.3. Інтэрнацыяналізм сапраўдн., 5.5. Паралелі сацыяльныя

Ці можа Бог быць сіяністам? (частка 4, Стары Запавет)

6 красавіка, 2014 | 2 каментарыя

Яшчэ ў 2009 годзе Рускі антыфашысцкі камітэт (кіраўнік генерал-лейтэнант Г.Дуброў; гл. фота зьлева) напісаў заяву ў пракуратуру Верх-Ісецкага раёна г. Екацерынбурга на конт прызнаньня Старога Запавета Бібліі экстрэмісцкай літаратурай. У свой час гэтая падзея ня трапіла на старонкі нашага сайта. Час выправіць сітуацыю. Падаецца паводле сайта http://x-fayl.blogspot.com/2010/10/blog-post_4717.html (скарочана).

Рэдакцыя.

Катэгорыі: 1.4. Гісторыя Беларусі й вакол, 1.6. Сьвет сёньня, 2.4. Расейская апазіцыя, 2.5.3. Сусьветная закуліса, 3.1. Імпербюракратыя Расеі, 3.2. Сіянізм і антысіянізм, 3.4.5. Расея, 4.4. Падаем дакумент, 5.6.2. Ідэал.рэлігійная, 5.6.5. Ідэал.шавіністыч.

Адзін нармальны сярод сотняў ашалелых і разьюшаных

21 сакавіка, 2014 | Няма каментараў

Рэдакцыя.

Фракцыя ЛДПР у сваёй публікацыі “Дэпутату Панамарову ня месца ў Парламенце” аб’явіла, што зьбіраецца паставіць пытаньне перад Дзяржаўнай думай аб пазбаўленьні Ільлі Панамарова (гл. фота) паўнамоцтваў з-за таго, што ён прагаласаваў супраць закона “Аб новых суб’ектах Федэрацыі” і супраць ратыфікацыі дамовы “Аб прыняцьці Крыма ў Расейскую Федэрацыю” (http://www.pravda-tv.ru/2014/03/21/43941). У публікацыі заяўляецца, што 7 красавіка фракцыя ЛДПР ўнясе на разгляд Дзярждумы паданьне аб прызнаньні дэпутата Ільлі Панамарова тым, хто страціў дэпутацкія паўнамоцтвы, бо ён “пайшоў на повадзе ў нацыстаў, якія спрабуюць раскалоць краіну, і выступіў супраць інтарэсаў расейскай дзяржавы”. Што да дэпутатаў, якія ўстрымаліся пры галасаваньні, прынята рашэньне папярэдзіць іх аб “няпоўнай адпаведнасьцi палітычнаму статусу”… Натуральна, што наша ацэнка таго, што зрабіў дэпутат Панамароў, мае супрацьлеглае значэньне, а менавіта такое, якое адлюстравана ў назве. І мы вельмі радыя паінфармаваць нашых чытачоў пра існаваньне яшчэ аднаго прыстойнага рускага чалавека.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4.5. Расея, 4.1.4. Змаганьне за дэмакратыю, 4.3. Інтэрнацыяналізм сапраўдн., 5.5. Паралелі сацыяльныя

Ніхто ня будзе дапамагаць ахвяры агрэсіі, калі сама ахвяра не супраціўляецца

19 сакавіка, 2014 | 7 каментарыяў

Зусім нядаўна Андрэй Іларыенаў даў інтэрвю двум журналістам “Украінскай праўды” – Мустафе Наему і Сяргею Лешчанку (http://www.pravda.com.ua/articles/2014/03/17/7019339/). У 2000-05 гады Іларыёнаў быў дарадцам прэзідэнта Расеі Ўладзіміра Пуціна. Свой пазьнейшы сыход з гэтай пасады патлумачыў так: “краіна спыніла быць палітычна свабоднай”. Сёньня спадар Андрэй зьяўляецца адным з самых цытуемых эксьпертаў па Расеі сярод украінскіх журналістаў – яшчэ летась у кастрычніку Іларыёнаў папярэдзіў аб планах свайго былога боса (гл. “Пуцін лічыць, што частка Украіны павінна належаць Расеі”; http://www.pravda.com.ua/articles/2013/10/10/6999733/). За заклікі супраціўляцца расейскай экспансіі Іларыёнава ў Расеі некаторыя называюць “правакатарам”. Сёньня спадар Андрэй жыве ў Вашынгтоне і працуе старшым навуковым супрацоўнікам прыватнага аналітычнага цэнтра – Інстытута Катона, які вызнае эканамічны лібералізм, а таксама ў Стэнфардскім унівэрсітэце. Што чакае далей Украіну – апавядае Іларыёнаў у новым інтэрв’ю “Украінскай праўдзе”.

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 2.5. Прыглядаемся да Захаду, 2.5.1. Дэградацыя ЕўраЗьвязу, 2.5.2. ЗША, прыкметы дэградацыі, 2.7.1. Заходнікі крытыкуюць Зах., 3.1. Імпербюракратыя Расеі, 3.4. Украіна, 4.1.4. Змаганьне за дэмакратыю, 4.3. Інтэрнацыяналізм сапраўдн., 5.5. Паралелі сацыяльныя

Пра пырсканьне «патрыятычнай» слінай расейскімі зомбі

17 сакавіка, 2014 | 4 каментарыя

Пасьля любога кантактаваньня з такімі асобамі, як Жырыноўскі (гл. папярэдні матэрыял), хочацца вымыць рукі ці прыняць душ… Але мы зробім інакш – кампенсуем непрыемныя адчуваньні ў нашых чытачоў парай чарговых артыкулаў, напісаных значна больш прыстойнымі людзьмі. Падаем ніжэй думкі чарговага рускага чалавека Ігара Барышава (гл. фота). Матэрыял узяты адсюль: http://sokrytoe.net/14150-bryzzhuschie-patrioticheskoy-slyunoy-russkih-zombi.html. Аўтар выкрыў тое, што мы завем “комплексам расейскай імперскай непаўнавартасьці”.

Рэдакцыя.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4.5. Расея, 5.6.1. Ідэал.тэрытар. бюракратыі, 5.6.5. Ідэал.шавіністыч.