nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

1.4. Гісторыя Беларусі й вакол

Любое добрае падтрымаем: дзьве заявы “адзінага”

26 сакавіка, 2008 | 2 каментарыя

��л�нкев��.JPG

Наш падыход да любых падзеяў у Беларусі быў і будзе выключна канструктыўны і дэмакратычны – ўсё, што адпавядае аб’ектыўным інтарэсам беларускага народу, мы падтрымліваем; з усім, што ім пярэчыць – мы змагаемся.  Таму мы палічылі магчымым выставіць дзьве заявы А.Мілінкевіча з нагоды падзеяў вакол 25 Сакавіка. Тое, што мы лічым станоўчым, выдзелена тоўстым шрыфтам, негатыўнае – абмеркавана пасьля тэкстаў.

Рэдакцыя.

Далей »

Вітаньне ад старшыні Рады БНР Івонкі Сурвіллы

25 сакавіка, 2008 | Няма каментараў

С��в�ла 2.JPG

Дарагія Суродзічы! Вітаю Вас зь вялікім Юбілеем у жыцьці беларускага народу: дзевяностымі ўгодкамі абвешчаньня незалежнасьці Беларускай Народнай Рэспублікі.

Далей »

АБВЯШЧЭННЕ БНР

24 сакавіка, 2008 | 2 каментарыя

Кастусь Езавітаў (паводле “Нашага слова” №851 за 19 сакавіка 2008 г.)

Ð�агонÑ�.JPG 

У ноч з 24-га на 25-е сакавіка 1918 года, у Менску, пасля доўгіх абгавораў і спрэчак, Рада Беларускай Народнай Рэспублікі абвесціла незалежнасць Беларусі ад Расеі і выдала з гэтага поваду “Трэцюю Устаўную Грамату” да жыхарства Беларусі. [Што гэтаму папярэднічала? – Рэд.].  Абмяжуемся толькі галоўнымі фактамі і этапамі, падрыхтаваўшымі гэты гістарычны акт.

Далей »

Беларусы выходзяць і за нацыянальную ідэю, і за справядлівасьць

23 сакавіка, 2008 | Няма каментараў

Падаем частку інтэрвю, якое Ганна Соўсь узяла ў Зянона Пазьняка (поўны тэкст тут: www.svaboda.org/content/Article/1048448.html)

Рэдакцыя.

Ð�азÑ�нÑ�к 2.JPG 

Соўсь: “Якія з каштоўнасьцяў БНР застаюцца і сёньня актуальнымі для беларускіх патрыётаў?” 

Пазьняк: “Актуальна тое, што дзеячы БНР у вельмі цяжкіх умовах акупацыі, у цяжкіх умовах так званага Берасьцейскага міру, які заключылі чужыя людзі, і якім разрывалі Беларусь на часткі, у гэтых цяжкіх умовах дзеячы беларускага Адраджэньня паднялі сьцяг Незалежнасьці. Яны запалілі зорку, якая гарыць па сёньняшні дзень. Фактычна яны адрадзілі Вялікае Княства Літоўскае ў тых межах, акрамя Жмудзі, у якіх яно існавала ў залаты век сваёй гісторыі. І гэтае адраджэньне ўжо адбылося пад новай назвай, назвай Беларусь. Гэты ўсе ідэі і гэтыя пэрспэктывы былі закладзеныя і прапісаныя дзеячамі БНР. Я маю на ўвазе і грамадзкі лад – рэспубліканскі, і дэмакратыя, і нацыянальная дзяржава, і нацыянальныя межы, і этнічны склад, і культура, і будучыня. Гэтыя ідэі ўсе былі закладзеныя, і пра іх мы гаворым як пра ідэалы БНР. І гэтым ідэаламі жыло ўсё беларускае адраджэньне. І ўдалося іх ізноў паставіць на парадак дня і вярнуць незалежнасьць у часе беларускай нацыянальнай рэвалюцыі ў 1991 годзе. 25 жніўня, як і 25 сакавіка – гэта вялікая дата нашай гісторыі”.

Далей »

Пра “мараль” расейскай імперыякратыі

20 сакавіка, 2008 | Няма каментараў

Барыс Керзач, Віталь Хромаў

Ð�аÑ�Ñ�оÑ�.JPG 

Некалькі дзён таму вельмі адказны прадстаўнік расейскай імперскай бюракратыі (далей РІБ, імперыякратыя) міністар замежных спраў РФ Сяргей Лаўроў (гл.фота) даў інтэрвю “Расейскай газеце” (поўны тэкст тут: www.rg.ru/2008/03/18/lavrov.html). У ім ён закрануў шэраг прынцыповых пытаньняў. У прыватнасьці, што ў час свайго візіту на Блізкі Ўсход ён падпіша пагадненьне пра поўную адмову ад візавага рэжыму паміж Расеяй і Ізраілем (!!!; наша сталеньне да гэтай справы мы ўжо сфармулявалі раней, гл. тут: https://nashaziamlia.org/2007/09/28/907; цяпер, калі прэзідэнтам расейскай імперыі стаў Мядзьведзеў-Мендэль, сітуацыя прасьвятляецца яшчэ больш). У інтэрвю было таксама пацьверджана дваістае стаўленьне РІБ да будаўніцтва Іранам уласнай АЭС. Але галоўны сэнс інтэрвю заключаўся ў тым, што расейская імперыякратыя вырашыла яшчэ раз абвясьціць сваё стаўленьне да праблемы “сепаратызму” (доказ – менавіта гэтую частку інтэрвю працытавалі практычна ўсе расейскія СМІ). Мы маглі б праігранаваць дадзены факт, але пан Лаўроў дазволіў сабе падаць праблему ў плоскасьці маралі-амаралі. А ўжо гэта ігнараваць нельга…

Далей »

В. Сіўчык: “Юбілей БНР адсьвяткую на вуліцы”

19 сакавіка, 2008 | Няма каментараў

С����к.JPG

На пытаньне Галіны Абакунчык: “Чым ёсьць 90-я ўгодкі абвяшчэньня Беларускай Народнай Рэспублікі для Беларусі сёньняшняй? Як лепей адзначаць юбілей БНР?” – адказвае адзін з арганізатараў і заяўнікаў сьвяткаваньня ў розныя гады Вячаслаў Сіўчык. За гэта ў 1997 годзе супраць яго была распачатая крымінальная справа. На знак пратэсту палітык трымаў 30-дзённую галадоўку ў зьняволеньні. 25 сакавіка 2004 году Вячаслаў Сіўчык разам з аднадумцамі зь лёзунгамі “Няхай жыве БНР” прыкаваўся ланцугамі на Кастрычніцкай плошчы Менску (падаем паводле www.svaboda.org/content/Article/1048346.html).

“Сьвяткаваць 25 сакавіка я буду традыцыйна. Натуральна, што я прыйду на плошчу Якуба Коласа. І калі ў мяне будзе такая магчымасьць, то пасьля мы будзем сьвяткаваць у мяне ў хаце разам з усёй сям’ёй. Я вельмі спадзяюся, што дажыву да таго часу, калі гэта будзе сьвятам усяго майго народу, бо больш сур’ёзнай даты ў ХХ стагодзьдзі ў нашай нацыі няма… Для мяне гэта дата ня толькі абвяшчэньня нашай дзяржаўнасьці ў ХХ стагодзьдзі, але гэта таксама дата, асьвечаная нашымі шматлікімі змагарамі. Я ніколі не забуду ўспамінаў нашых эмігрантаў, у якіх распавядалася, што 25 сакавіка 1940 году аднаго беларуса так зьбілі ў вілейскай турме, што ён ня мог гаварыць. Адзінае, што ён мог зрабіць — гэта напісаць на пыле камэрнага вакна лічбу 25. Я ведаю найноўшую гісторыю нашай краіны, я ведаю, якія намаганьні даводзілася прыкладаць беларускім патрыётам, каб гэтая дата заставалася на менскіх вуліцах. Для мяне гэта таксама вельмі важна”.

Васіль Сёмуха: «Дзень Волі – сьвята душы»!

7 сакавіка, 2008 | Няма каментараў

С�м��а.JPG

На пытаньне: Як лепей адзначыць беларусам Дзень Волі? –  Васіль Сёмуха – знакаміты беларускі перакладчык, адказаў так: “Трэба быць у гэты дзень шчасьлівым, вясёлым, радасным!!! Радавацца, што сьвята – ёсьць! Радавацца, што чалавек – жыве! І…ўсё прыходзіць, усё прыходзіць само! Трэба проста сьвяткаваць і запрашаць сваіх знаёмых далучацца да гэтага сьвята таксама. Бо гэта – вялікае сьвята. Сьвяткаваць: выпіць гарэлкі, ды схадзіць да дзевак, калі гэта мужчына, ці схадзіць да хлопцаў, калі гэта дзяўчына… Карацей, як сьвяткуюцца ўсе сьвяты. Як Новы год сьвяткуецца… Дзень Волі ёсьць Дзень Волі. Усялякія атрыбуты выпрацоўваюцца не так вось, па схеме, як там нешта вось рэкамэндуецца, а трэба сьвяткаваць з году ў год і традыцыя ўстановіцца… Калі сьвята ў душы, чалавек заўсёды знойдзе як яго адсьвяткаваць, як адзначыць. Гэта ўсё – суцэльная імправізацыя ў кожнага чалавека. Калі ён рады, ён шчасьлівы, ён знойдзе нейкую акрасу і для душы”.

 

Мы выйдзем шчыльнымі радамі

6 сакавіка, 2008 | Няма каментараў

Уладзімір Халіп 

ХалÑ�п.JPG 

Нарэшце – сакавік. Час нашай Волі. І новых спадзяванняў. Месяц бел-чырвона-белы. Што там ні кажы, а набліжаецца, нібы экзамен у студэнта, адметная дата. Можа, нават рубеж – 90-я ўгодкі БНР. І хочам мы таго ці не, а пэўныя вынікі падводзіць давядзецца. Чаго ж мы дамагліся ў адбудове Бацькаўшчыны за гэтыя дзесяцігоддзі?

Далей »

Анатоль Белы: “Лепшае адзначэньне – гэта добрая праца”

5 сакавіка, 2008 | Няма каментараў

Рэдакцыя (паводле svaboda.org/content/Article/1046279.html)

Ð�елÑ� Ð�наÑ�олÑ�.JPG 

Выбітны заўзятар беларускай справы, краязнаўца, старшыня клубу “Спадчына” Анатоль Белы  нядаўна так адказаў на пытаньне: Як лепей сьвяткаваць дзень 25 Сакавіка?

“Лепшае адзначэньне сьвята – гэта праца. Трэба зрабіць нешта ў гонар 90-х угодкаў БНР! Напрыклад, клуб “Спадчына” адзначае набліжэньне Дня Волі гэткімі высілкамі: па-першае, робім сайт. Ён будзе называцца “Адраджэнцы”. 250 асобаў – дзеячоў нацыянальнага адраджэньня – пададзеныя іх біяграфіі й мастацкія творы, прысьвечаныя той ці іншай асобе. Па-другое, мы усталёўваем помнік заснавальнікам Беларускай Народнай Рэспублікі. Агромністыя лісты браніраванага жалеза, каб ворагі не пашкодзілі, прымацоўваюцца да сьцяны, а на іх – 18 барэльефаў тых бацькоў-заснавальнікаў, якія 25 сакавіка абвясьцілі аб стварэньні Беларускай Народнай Рэспублікі. І, па-трэцяе, – робім кнігу “Пакліканыя Беларусьсю”.  Усё гэта – у гонар 90-годзьдзя”.

 

Чаму б й іншым ня ўзяць прыклад зь беларусаў Віцебску!

3 сакавіка, 2008 | Няма каментараў

Рэдакцыя (паводле www.svaboda.org/content/Article/1045781.html)

СÑ�Ñ�Ñ�г наÑ�.JPG 

Увечары 1 сакавіка на даху жылога дому №21 па вуліцы Герцэна ў Віцебску зьявіўся бел-чырвона-белы сьцяг. У цыдулцы, што была прымацаваная да сьцяга, было напісана: “Гонар і пашана палітычнаму дзеячу Беларускай Народнай Рэспублікі і выдатнаму навукоўцу Вацлаву Ластоўскаму. Слава героям БНР! Жыве Беларусь! Жыве вечна! Мірон“. Гэта ўжо ня першы сьцяг, які легендарны і няўлоўны Мірон уздымае ў Віцебску ў гонар дзеячоў і стваральнікаў БНР. У Віцебску цяпер праходзіць “Бел-чырвона-белы маратон”, прысьвечаны 90-м угодкам БНР: да 25 сакавіка ў горадзе маюць зьявіцца яшчэ некалькі сьцягоў, узьнятых у гонар аднаўляльнікаў беларускай дзяржавы.

Беларусы Віцебску, мы ганарымся вамі! Заклікаем усіх жыхароў Беларусі падтрымаць ініцыятыву нашых слаўных віцьбічаў!

 

Сучасная расейская армія – пераемніца сваіх папярэдніц (Д пр-п 97)

26 лютага, 2008 | 4 каментарыя

У сувязі з шумным адзначэньнем у г.г. як у Расеі, так і ў Беларусі мілітарысцкага “сьвята 23 лютага” падаем артыкул “Белыя плямы гісторыі” кандыдата гістарычных навук Алеся Петрашкевіча, які колькі год таму быў надрукаваны ў “Народнай волі”. Сувязь паміж захопніцкімі войнамі імперскай Расеі супраць Вялікай Літвы-Беларусі ўсіх ранейшых часоў і цяперашняй расейскай арміяй хай праілюструе цытата, узятая з цалкам мірнага расейскага Інтэрнэт-выданьня “Вокруг света” (гл. vokrugsveta.ru/telegraph/history/562): “23 лютага ў Расеі адзначаюць Дзень абаронцаў Айчыны. Да 1992 года сьвята звалася Днём Савецкай Арміі й Ваенна-Марскога Флоту і зьвязвалася са зьяўленьнем у 1918 годзе рабоча-сялянскай Чырвонай Арміі. Новая назва сьвята мае на ўвазе непарыўную сувязь сучаснай расейскай арміі й усіх яе папярэдніц”. Ілюструе матэрыял карціна Кіўшэнкі “Ваенныя гульні пацешных войскаў Пятра І каля сяла Прэабражэнскае”.

Рэдакцыя.

Ра�.а�м��.JPG

Далей »

Як зьнішчалі Уладзіміра Высоцкага. Псіхааналітычныя развагі (П пр-пы 11, 12)

2 лютага, 2008 | 2 каментарыя

Алесь Астроўскі, Віталь Хромаў

Ð�Ñ�Ñ�оÑ�кÑ�.JPG 

Два тыдні мы займаліся “кітайскай праблемай”. За гэты час насьпела некалькі тэмаў, па якіх варта выказацца. Адна зь іх – адзначэньне 70-годдзя з дня нараджэньня  знакамітага расейскага барда савецкіх часоў Уладзіміра Высоцкага.

Далей »

Маскоўцы – ня рускія. Спрэчка Русі з Масковіяй закончыцца перамогай Украіны

14 студзеня, 2008 | 6 каментарыяў

����о��� Ук�а�н�.JPG

Падаем артыкул украінскага гісторыка Аляксандра Палія (скарочана, паводле www.pravda.com.ua/ru/news_print/2007/2/6/53818.htm; вытрымкі зь летапісаў пададзены ў аўтарскім варыянце). Калі вы яго прачытаеце, пераканаецеся, што ён датычыць ня толькі гістарыі, а і актуальнай палітыкі.

Далей »

Ліст Лявона Баршчэўскага да міністра адукацыі (+дадатак)

22 снежня, 2007 | 2 каментарыя

�а������к�.JPG

Старшыня Партыі БНФ Лявон Баршчэўскі звярнуўся са зваротам да міністра адукацыі Рэспублікі Беларусь Аляксандра Радзькова (паводле pahonia.org/str/2007-12/400.htm). Мы да этнацыдчыкаў таксама зьвярталіся праз наш сайт і папярэдзілі, што за этнацыд будзем судзіць…

Рэдакцыя.

Далей »

Беларуская Атлянтыда: Русыфікацыя

22 снежня, 2007 | Няма каментараў

�азе�-Рак��к�1.JPG

Як ведаюць чытачы нашага сайта, мы зьбіраем зьвесткі пра злачынныя ЭТНАЦЫДНЫЯ акцыі камуністычна-бюракратычных уладаў у Беларусі ў савецкія часы, як і сочым за іх посткамуністычнымі нашчадкамі цяпер (для будучага суду прыдасца…). Гутарка Вячаслава Ракіцкага і Валянціна Мазеца, як кажуць, у гэтую тэму… (паводле svaboda.org/content/Transcript/822774.html; эфір ад 13 сьнежня 2007 году; “Наша ніва”, ад 16 кастрычнiка 2007 году.). Адзінае, што мы лічым – што гаворку варта весьці пра ЭТНАЦЫД, у якім русіфікацыя зьяўляецца толькі аднім зь яго элементаў…

Рэдакцыя.

Далей »

Да чарговага зьезду БНФ : Публічнай прэзентацыі Пераможнай праграмы – 4 гады!

18 лістапада, 2007 | 4 каментарыя

Алесь Астроўскі

��Ф-б��ак�а�� 21.JPG

Пасьля расколу БНФ “Адраджэньне” ў 1999 годзе і выхаду групы З.Пазьняка з шэрагаў Фронту з утварэньнем Кансерватыўна-Хрысьціянскай партыі здавалася, што асноўныя ўнутраныя праблемы арганізацыі вырашаныя. На справе, адыход ад адной памылковай лініі ў дзейнасьці яшчэ не азначае, што кожны іншы кірунак будзе правільным. Спачатку мы – сябры БНФ і ўсё яшчэ аматары на грамадска-палітычнай ніве – гэтага ня ведалі. Але хутка (ужо праз 1-2 гады) у шэрагах Фронтау ўзьнікла даволі вялікая група, якая ўстала ў апазіцыю да БНФ-бюракратаў на чале зь В.Вячоркам. Я б, можа, не ўспамінаў тую даўнюю гісторыю, калі б ня пэўныя абставіны…

Далей »

АСЬВЕТА і СІЛА (Д пр-п 80)

17 лістапада, 2007 | Няма каментараў

Зянон Пазьняк

�аз�н�к.JPG

(Выступ на лістападаўскім Сойме Кансэрватыўна-Хрысьціянскай Партыі – БНФ; паводле http://zianonpazniak.de/publications/articles/enlightementandpower.htm)

Далей »

УКРАІНСКІ ДЗЁННІК

12 лістапада, 2007 | Каментары (1)

�анд��� помн�к.JPG

Падаем чарговы артыкул Сяргея Высоцкага. Ілюструем яго фотаздымкам помніка лідэру Арганізацыі ўкраінскіх нацыяналістаў (АУН) Сьцяпану Бандэру, які нядаўна адкрыты ў Львове.

Рэдакцыя.

Далей »

Д’ЯБЛЫ

7 лістапада, 2007 | Няма каментараў

�ен�н-��га.jpg

Сёньня з нагоды “дзяржаўнага сьвята 7 лістапада” – даты бальшавіцка-сіянісцкага перавароту ў Расейскай імперыі ў 1917 годзе, якая сёньня на ўсёй прасторы былога СССРа на дзяржаўным узроўні адзначаецца толькі ў нашай шматпакутнай Беларусі – выстаўляем артыкул Зянона Пазьняка “Д’яблы”. Гэты артыкул быў надрукаваны ў газеце “Зьвязда” 12 траўня 1993 г. і ішоў у працяг артыкула “Пакараньне”, надрукаванага ў газеце раней. Можна спрачацца, наколькі палітычна сэнсоўным было друкаваньне пададзенага ніжэй артыкула ў час перад прэзідэнцкімі выбарамі ў Беларусі, але тое, што ў ідэалагічным сэнсе ў ім з пазіцый Праўды ўсё пададзена верна, гэта факт. Сёньня, у час “змаганьня зь міжнародным тэрарызмам”, помнікі ў кожным нашым горадзе аднаму з самых вялікіх тэрарыстаў за ўсю гісторыю чалавецтва, сапраўды, выглядаюць, як мінімум, недарэчна, а па-сапраўднаму – блюзьнерствам. Друкуецца паводле http://zianonpazniak.de/publications/articles/devils.htm.

Рэдакцыя.

Далей »

www.martyraloh.org – сайт Мартыралогу Беларусі

1 лістапада, 2007 | Каментары (1)

�а����алог.JPG

З нагоды Дзядоў паведамляем, што ў беларускай інтэрнэт-прасторы існуе сайт арганізацыі “Мартыралог Беларусі”. Асноўная заслуга тых, хто робіць гэты сайт – складаньне сьпісаў і, па магчымасьці, кароткіх біяграфіяў тых жыхароў Беларусі, хто быў сярод ахвяраў камуна-фашыстоўскага тэрору, і тых, хто быў катам. Многія сябры Эксьпертнай рады, якая падае адпаведныя матэрыялы, вядомыя нам, як вельмі прыстойныя людзі (але, на жаль, ня ўсе…). Усім, хто цікавіцца тэмай рэпрэсіяў супраць беларускага народу, раім ведаць пра існаваньне гэтага сайта і наведаць яго.

Рэдакцыя.   

ВЯЛІКІЯ ДЗЯДЫ

1 лістапада, 2007 | Няма каментараў

У�анаван�не а�в�� ��ал�н�зм�.JPG

Сёньня з нагоды Дзядоў мы падаем тэкст выступу Зянона Пазьняка  на мэмарыяльным мітынгу ў Курапатах, 30 кастрычніка 2005 г.

Рэдакцыя.

Далей »

  • Старонкі

  • Катэгорыі

  • Апошнія запісы

  • Архівы