nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

1.3. Беларусь сёньня

Перамога патрэбна. Але над кім? (Д пр-п 56)

май 18, 2007 | Няма каментараў

Алесь Астроўскі

ЯднанÑ�Ñ�.JPG 

1. Папярэдняе тлумачэньне.

Напісаны наркомаўкай тэкст, які пададзены ніжэй – гэта адкрыты ліст генералу Фралову, які быў перададзены яму роўна тры гады таму (канец траўня 2004 году). Тады ж па законах жанру ён быў перададзены і сп-ру Сярэдзічу – галоўнаму рэдактару “Народнай волі” – для друкаваньня ў газеце. Прайшло некалькі тыдняў,  Сярэдзіч артыкул не надрукаваў, а, між тым, Фралоў і Скрабец пачалі галадоўку (лета 2004 году). Таму ліст было вырашана не друкаваць. Цяпер жа, у сувязі з тым, што каманда Фралова (разам зь ім Скрабец, Парфяновіч, Сініцын) пачала “інтэгравацца з Расеяй” яшчэ больш актыўна, чым гэта робіць апошнім часам Лукашэнка (гл. фота ўверсе – дакументальнае сьведчаньне нядаўняга, на шчасьце, правальнага мерапрыемства новых інтэграстаў), а таксама ў сувязі з нядаўняй штучнай гістэрыкай вакол тэмы “Вялікай айчыннай” і чарговай спробай прыватызаваць яе ахвяры (усё для таго, каб расейская імперыякратыя магла вярнуць сабе кантроль над Прыбалтыкай, Польшчай, іншымі краінамі), дадзены ліст з аднаго боку зноў стаў актуальным, а з іншага – вярнулася магчымасьць яго абнародаваць. Ліст важны таксама як доказ таго, што сп-ра генерала ўжо даўно папярэджвалі… 

Далей »

Алесь Астроўскі: “Я не адзіны беларус, які ў Беларусі жыве ва ўмовах дыскрымінацыі”

май 16, 2007 | Каментары (1)

����о��к�, �а�а�кев��.JPG

Днямі ў рамках перадачы “Начная Свабода” рэдактар нашага сайту ў наўпроставым эфіры даў інтэрвю карэспандэнту радыё “Свабода” Вользе Караткевіч (Прага). Вырашана прадубляваць гэтае інтэрвю і на нашым сайце.
Рэдакцыя.


В.Караткевіч: “Давайце пачнем гутарку з нашумелай гісторыі – гэта ваш удзел у навукова-практычнай канфэрэнцыі, арганізаванай з дапамогай прадстаўніцтва ТАСІС. За гэта Вы атрымалі дысцыплінарнае спагнаньне ва ўнівэрсытэце…”
Далей »

Толькі наперад

май 15, 2007 | Няма каментараў

Зянон Пазьняк (Выступ на травеньскім Сойме Кансэрватыўна-Хрысьціянскай Партыі БНФ, 13 траўня 2007 г.)

�аз�н�к.JPG

Зьвяртаю ўвагу Сойму на характарыстычную прыкмету, якая выяўляецца вельмі выразна цяпер у беларускім грамадзтве – узмацненьне антыбеларускай палітыкі. Здавалася б, пасьля нафта-газавага канфлікту з Масквой і філіпікаў супраць Пуціна рэжым мусіў бы ўнесьці нейкую карэктыроўку ва ўнутраную палітыку на карысьць нацыі. Нічога падобнага, якраз з дакладнасьцю да наадварот. Рэзка ўзмацніўся перасьлед беларускай школьнай і навучэнскай моладзі за беларускую мову і беларускія погляды. Выявілася, што ў школах існуе сістэма сексотаў сярод настаўнікаў, якія адсочваюць ідэёвых беларусаў і даносяць на вучняў у КГБ. Маладых людзей цяпер арыштоўваюць за нацыянальныя патрыятычныя погляды, рыхтуюць суды пад выглядам “за ўдзел у незарэгістраванай арганізацыі”.

Далей »

У Баранавічах над гарадзкой управай зьявіўся наш бел-чырвона-белы сьцяг

май 14, 2007 | Няма каментараў

Рэдакцыя (паводле радыё “Свабода”)

СÑ�Ñ�Ñ�г.JPG 

Сёньня раніцай жыхары Баранавічаў убачылі на будынку гарадзкой адміністрацыі, што на цэнтральнай плошчы гораду, бел-чырвона-белы сьцяг. Усталяваў яго там актывіст незарэгістраванай арганізацыі “Малады фронт” Яраслаў Грышчэня. Ён уначы замяніў на будынку сімвал улады цяперашняй посткамуністычнай бюракратыі – цяперцаў – на наш беларускі нацыянальны бел-чырвона-белы сімвал… У горадзе зьявіліся яшчэ некалькі бел-чырвона-белых сьцягоў, але міліцыянты не знайшлі асобаў, якія гэтак адзначылі “сьвята афіцыйных сьцяга і герба”. Дый Яраслаў папаўся толькі таму, што супрацоўнікі міліцыі прагледзелі відэастужку з камэры сачэньня, якая зафіксавала дзеяньні падлетка. У выніку міліцыянты прыйшлі да Яраслава, калі той яшчэ спаў. Яны патлумачылі маці, што гэта ён замяніў сьцяг на будынку гарадзкой управы.
Яраслава
Грышчэню завялі ў пастарунак і склалі на яго адміністрацыйны пратакол за дробнае хуліганства. Паколькі хлопец непаўнагадовы, то справу накіруюць у баранавіцкі выканкам на разгляд адміністрацыйнай камісіі. Акрамя гэтай справы Яраслаў мае статус падазраванага ў крымінальнай справе, якую распачаў КДБ супраць “Маладога фронту” за ўдзел у незарэгістраванай арганізацыі. 30 траўня, у дзень, калі пачнуць судзіць ягоных паплечнікаў у Менску — Насту Палажанку, Зьмітра Хведарука, Алега Корбана, Аляксея Янушэўскага і Барыса Гарэцкага — Яраславу споўніцца 18 гадоў.

Айцец Л.Акаловіч: “У людзей сьвецяцца вочы, калі яны чуюць багаслужбу і казань на роднай мове”

красавік 19, 2007 | Няма каментараў

Учора ў “Начной Свабодзе” карэспандэнт Аляксей Знаткевіч узяў інтэрвю ў вядомага сьвятара Беларускай Аўтакефальнай Праваслаўнай Царквы айца Леаніда Акаловіча. Гэта унікальны чалавек, прысутны ў апошнія гады на шмат якіх акцыях апазіцыі, што надзвычай важна для многіх (гл. фота ўнізе: айцец Л.Акаловіч у цэнтры падзей 25 сакавіка 2006 году). Сьвятароў іншых канфесій там, як правіла, не бывае… Падаем гэтае інтэрвю са скарачэньнямі.
Рэдакцыя.

�калов��.JPG

Далей »

Некаторыя тлумачэньні для наведвальнікаў сайту. Частка 2, ідэалагічная (Д пр-п 51).

красавік 17, 2007 | Няма каментараў

Барыс Керзач, Алесь Астроўскі.

 

На днях у аднаго з нас адбылася даволі працяглая размова з жыхаром Гародні, класічным інтэлігентам і, як нярэдка ў такіх выпадках бывае, “вообще демократом”. Па прафесіі журналіст, гэты чалавек ужо набыў пенсійны ўзрост, але так і ня здолеў знайсьці цьвёрдыя пазіцыі ў вызначэньні дабра і зла, крытэраў прагрэсу ці рэгрэсу. Ён, вядома ж, на баку дабра, прычым, усёй душой, але яно ў яго нейкае неканкрэтнае, няўлоўнае, абстрактнае. У выніку, як наступства, ён часта апынаецца ў ролі таго, хто фактычна аказвае паслугі… благім людзям.

Далей »

Некаторыя тлумачэньні для наведвальнікаў сайту. Частка 1, арганізацыйная.

красавік 16, 2007 | Няма каментараў

Алесь Астроўскі, Барыс Керзач, Віталь Хромаў

За некалькі месяцаў, якія прайшлі з часу апошняга звароту чытачоў у рэдакцыю, і ў сувязі з пачаткам другога году працы, мы сабралі такія-сякія крытычныя думкі нашых наведвальнікаў адносна працы сайта. Па сутнасьці, асноўных праблем, пра якія найчасьцей ідзе гаворка, тры-чатыры.

Далей »

12 гадоў дыктатуры ў Беларусі. Некаторыя меркаваньні былых дэпутатаў

красавік 14, 2007 | Няма каментараў

��п��а�� галада���.JPG

З нагоды 12-й гадавіны галадоўкі і зьбіцьця дэмакратычных дэпутатаў Вярхоўнага Савету 12 скліканьня (тады яны пратэставалі найперш супраць скасаваньня нацыянальных сімвалаў і беларускай мовы як дзяржаўных) у многіх зь іх на днях бралі інтэрвю (у прыватнасьці, радыё “Свабода”). Некаторыя думкі былых дэпутатаў падаліся нам карыснымі для больш поўнага аналізу абраных намі тэм. У прыватнасьці, гэта датычыць адказу Сяргея Антончыка на пытаньне Вольгі Караткевіч пра карупцыю ў шэрагах цяперцаў і адказу Зянона Пазьняка на пытаньне Сяргея Навумчыка пра значэньне беларускай мовы й іншых нацыянальных каштоўнасьцяў для станаўленьня дэмакратыі ў Беларусі (дарэчы, пра спробы адмаўляць апошняе, якія пачаліся нядаўна, мы паведамлялі, напрыклад, тут  https://nashaziamlia.org/2007/03/06/561).

Рэдакцыя.

Далей »

Як кубік Рубіка вучыць нас канструктыўнаму жыцьцю

красавік 7, 2007 | Няма каментараў

Алесь Астроўскі

��б�к-Р�б�к 0.JPG

З нагоды наступленьня другога году працы нашай рэдакцыі (які пачаўся з пачаткам красавіка) хочацца выставіць у сеціве нейкі яскравы, каляровы матэрыял. У сувязі з гэтым вырашана прадэманстраваць на прыкладзе кубіка Рубіка, нібы на своеасаблівай мадэлі, пэўныя заканамернасьці арганізацыі грамадскага жыцьця, якія, нягледзячы на штодзённае сутыкненьне зь імі, могуць уцякаць з-пад нашай увагі.

Далей »

Зянон Пазьняк пра Беларускі Народ, палітыку і два віды палітыкаў…

сакавік 30, 2007 | 2 каментарыя

24 сакавіка старшыня КХП БНФ Зянон Пазьняк даў інтэрвю радыё  “Свабода”. Прыводзім яго некаторыя выказваньні.

Рэдакцыя.

Далей »

ЧАМУ ПРАЙГРАЛА АПАЗІЦЫЯ

сакавік 29, 2007 | Няма каментараў
Нас цікавіць беларускі народ, а не апазіцыйныя бонзы

Сяржук Высоцкі

���о�к�.JPG

Апошнія падзеі, зьвязаныя са спробай арыштаваць лідара незарэгістраванай Беларускай партыі Свабоды (БПС) Сяржука Высоцкага, якому пакуль удалося пераехаць ва Украіну, прастымулявалі нашу рэдакцыю на тое, каб выставіць яго артыкул. (Напэўна, цяпэрцы вырашылі, што прыйшоў час папрэсаваць і Высоцкага так, як гэта было зроблена ў дачыненьні да Севярынца, Дашкевіча, Маркевіча, Казуліна, некаторых іншых; сьпецам ад цяперцаў удалося захапіць толькі яго малодшага брата; гл. http://www.svaboda.org/articlesfeatures/politics/2007/3/24270F0B-5C4D-47A8-A25B-D91161119CD8.html; па зьвестках ад Высоцкага арыштоўваюць яго хлапцоў і на допытах патрабуюць, каб яны прызналіся ў прыналежнасьці да нелегальнай арганізацыі; допыты адбываюцца пад лейтматывам: “усё роўна мы яго пасадзім!”). Пазнаёмцеся з пазіцыяй гэтага чалавека і падумайце, ці не назіраем мы зачыстку палітычнага поля – пакуль на дзялянцы апазіцыі – для прадстаўнікоў зусім не прабеларускіх сілаў. Прычым, прыладай да такой самай глыбіннай мэты зьяўляюцца ня толькі супрацоўнікі міліцыі, КГБ, а і самі цяперцы з найбольш шыкоўных кабінетаў. Для каго адбываецца гэта зачыстка? Для Мілінкевіча? Саньнікава? Вячоркі? Лябедзькі? Леванеўскага? А, можа, для ўсіх іх разам? (даволі падрабязна апошняя магчымасьць разгледжана нядаўна на расейскай мадэлі, гл. https://nashaziamlia.org/2007/03/24/591).

Рэдакцыя.

Гэтая выбарчая кампанія [маюцца на ўвазе прэзідэнцкія выбары 2005-06 гг. – Рэд.] была прайграна апазіцыйным афіцыёзам па стандарце усіх папярэдніх. Нечаканасцю стаў стыхійны вулічны пратэст моладзі 19-25.03.2006 г. Расклад падзеяў прадэманстраваў рэальную слабасць арганізаваных структур, афіцыйных партый. Не дапамагла нават падтрымка Захаду. Незарэгістраваныя арганізацыі выглядаюць на тым жа ўзроўні, што і багатыя партыі са сваімі штабамі і прафесійнымі функцыянерамі…

Далей »

Сьвята Аднаўленьня Беларускай Дзяржаўнасьці (“Дзень Волі”) у 2007 годзе. Эвалюцыя апазіцыйных лідараў

сакавік 28, 2007 | Няма каментараў

Віталь Хромаў, Барыс Керзач

Пасьля абмеркаваньня стыль аўтараў было вырашана захаваць.

Рэдактар.

� апаз���� �ал�����.JPG

Мал. 1. Арганізатары і кіраўнікі адзначэньня Дня 25 Сакавіка ў Менску ў 1993-94 гг.: Алесь Белы, Зянон Пазьняк, Радзім Гарэцкі, Васіль Быкаў, Валянцін Голубеў, Сяргей Навумчык, М. Анцыповіч, М. Купава – людзі, якія ёсьць беларусамі, і якім, у прыцыпе, верылася…

Далей »

Віншуем усіх беларусаў са Сьвятам Аднаўленьня Беларускай Дзяржаўнасьці – Днём 25-га Сакавіка!

сакавік 25, 2007 | Няма каментараў

З гэтай нагоды падаем Зварот старшыні Рады БНР Івонкі Сурвілы да беларускага народу.

Рэдакцыя.

Рад� ��Р ��мвал.JPG

Далей »

ЗВАРОТ управы Рады Саюза беларускіх пісьменнікаў

сакавік 22, 2007 | Няма каментараў

да грамадзян Рэспублікі Беларусь, настаўнікаў, літаратуразнаўцаў, бацькоў беларускіх школьнікаў

Як нам стала вядома, рыхтуецца маштабнае “ідэалагічнае” перапісванне школьных праграм па беларускай літаратуры. Стылістыка некаторых дакументаў сведчыць: на Беларусь вяртаюцца змрочныя часы, калі ап’янелыя рэвалюцыйнымі падзеямі дзяржаўныя чыноўнікі па-вар’яцку змагаліся з нацыянальнай літаратурай, у выніку чаго ў 20-30-х гадах былі рэпрэсаваныя сотні беларускіх пісьменнікаў, а іх творы на дзесяцігоддзі забараняліся.

Далей »

БЕЛАРУСАМ ПАТРЭБНЫЯ КВОТЫ (кБНІ)

сакавік 19, 2007 | Каментары (1)

Аркадзь Блінкоўскі

Табл.1. Нацыянальны склад працаўнікоў дзяржаўных устаноў Беларусі ў 1929 годзе ( %%).

Табл.1.GIF

Праблема беларускага нацыянальнага адраджэння, стварэння ўмоваў для паўнавартаснага развіцця нацыі на працягу ХХ ст. вырашалася і вырашаецца ва ўмовах жорсткага супрацьдзеяння імперскіх і вялікадзяржаўных сіл Расіі і СССР, а таксама значнай часткі расійскага і дэнацыяналізаванага насельніцтва Беларусі з ярка выражанай “постсавецкай” ментальнасцю. Аб гэтым яскрава сведчаць вынікі рэферэндумаў, ініцыяваных прэзідэнтам РБ у траўні 1995 і лістападзе 1996 гг., што адначасова раскрывае антынацыянальны характар дзяржаўнай улады сённяшняга дня ў Беларусі.

Далей »

КАСТА ЦЯПЕРЦАЎ (Д пр-п 49)

сакавік 18, 2007 | Няма каментараў

Рэдакцыя.

Ц�пе���-па�аз���.JPG

З самага пачатку працы нашай рэдакцыі мы дамовіліся, што галоўным ворагам нашага народу – ворагам №1 – заўсёды будзем лічыць расейскую імперскую бюракратыю (імперыякратыю). Ад яе злачыннай, антылюдскай дзейнасьці мы і нашы продкі, а таксама шматлікія іншыя народы Еўразіі пакутуюць ужо не адно стагоддзе. Мясцовае чынавенства ў Беларусі (а па сутнасьці посткамуністычная бюракратыя), якое ў 1991 годзе на нашай зямлі пераняла ўладу непасрэдна з рук бюракратыі савецка-камуністычнай, мы вырашылі назваць цяперцамі (г.зн. людзьмі хоць у большасьці і мясцовымі, але найчасьцей прымітыўнымі з абмежаваным сьветаглядам, якія, кантужаныя камуна-савецкай селекцыяй і выхаваньнем, працягваюць жыць у значнай ступені па-за сувязьзю зь лёсам свайго народу, нярэдка згодна з прынцыпам “схапіць цяпер, а там хоць трава не расьці”).

Далей »

ВЯРТАННЕ Ў БЕЛАРУСЬ ГІСТАРЫЧНА-КУЛЬТУРНЫХ КАШТОЎНАСЦЯЎ ЯК ФАКТАР СТАНАЎЛЕННЯ НАЦЫЯНАЛЬНАЙ ІДЭІ (па матэрыялах Гродзеншчыны) (кБНІ)

сакавік 17, 2007 | Няма каментараў

Юры Корыкаў

 

Э.Сміт у сваёй кнізе “Нацыяналізм у 20-м стагоддзі” піша, што нацыяналізм, а гэта значыць увасабленне нацыянальнай ідэі, мае чатыры складнікі: тэрыторыя, на якой жыве народ, культура гэтага народу, дзяржава і, нарэшце, нацыянальная салідарнасць усіх грамадскіх аб’яднанняў.

Далей »

ПРАГРАМА НАШАЕ БУДУЧЫНІ (кБНІ)

сакавік 11, 2007 | Няма каментараў

Аляксей Чарняеў

Далей »

CЯМ’Я як АСНОВА НАЦЫЯНАЛЬНАЙ САМАСВЯДОМАСЦІ (кБНІ; Д пр-п 48)

сакавік 11, 2007 | Каментары (1)

Людміла Курловіч

Сустракаюцца юнак і дзяўчына, кахаюць адзін аднаго. Яны ствараюць сям’ю, часта супраць волі бацькоў. Маладым здаецца, што іх ніхто не разумее, а яны згодны ісці побач цэлае жыццё. Але праходзіць тры месяцы, год, два, і сям’я распадаецца, і нават тады, калі ў ёй з’явіліся дзеці. Чаму? Адказ у большасці выпадкаў: ”Не зышліся характарамі”. Але гэты адказ уключае шмат прычын. Сярод гэтых прычын у Беларусі важнае месца займае жыллёвая праблема, уладкаванне на працу, праблема матэрыяльнага забеспячэння сям’і, канфліктныя ўзаемадачыненні паміж маладымі і бацькамі, алкагалізм. У рэдкіх выпадках сям’я можа існаваць без дапамогі бацькоў.

Далей »

Экалогія чалавека і здароўе нацыі (кБНІ)

сакавік 11, 2007 | Няма каментараў

Аляксей Мікуліч

Чарнобыльская трагедыя, экалагічныя катастрофы, хваробы цывілізацыі, урбанізацыя і індустрыялізацыя. Зашмат новых з’яў і здарэнняў у жыцці беларускага народу. Мяняецца яго генафонд, мяняюцца менталітэт і паводзіны. Найцяжэй сёння выжыць простаму чалавеку. Зараз дакладна вядома, што на забруджаных радыёнуклідамі тэрыторыях пражывае болей за 1,6 млн. чал., з іх 420 тыс. дзяцей. 4,3 млн. чал. кантактуюць з высокімі (у 2-3 разы вышэй за ПДК) канцэнтрацыямі такіх надзвычай шкодных для здароўя хімічных рэчываў, як фенолы, фармальдэгід, вокіслы серы, дыяксіды і цяжкія металы. З’яўляюцца новыя сацыяльна і экалагічна абумоўленыя хваробы цывілізацыі, назіраецца рост хранічных захворванняў.

Далей »

Чаму расейскія фашыкі не чапаюць “адзінага”?

сакавік 10, 2007 | Няма каментараў

З. Зданевіч (сябра БПС)
Апошнім часам удалося праглядзець некалькі сайтаў расейскіх шавінюг у Беларусі. Што казаць – “брыда на брыдзе сядзіць і брыдой паганяе”. Часам лепш мець справу з ідэйным ворагам, чым з дробнай шушарай. Але вось што дзіўна – на сайтах ворагаў Беларускай Дзяржавы амаль зусім не прыгадваецца Мілінкевіч. Не тое, каб там ён быў дрэнны, кепскі. Не, яго зусім няма, як няма на сайтах расейскіх фашыстаў Калякіна, Вячоркі, Лябедзькі…

Далей »

Старонка 28 з 35« Першая...1020...2627282930...Апошняя »
  • Старонкі

  • Катэгорыі

  • Апошнія запісы

  • Архівы