nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

3.7. Метады прапаганды

“Беларускае” зьнебазьняцьце. Частка 1: прызнаньні і пакаяньні Пратасевіча

Чэрвень 9, 2021 | 15 каментарыяў

Рэдакцыя.

Падзеі вакол захопу Рамана Пратасевіча лукашэнкаўскімі ўладамі, а затым вакол яго прызнальнага інтэрвю мелі для Беларусі (і ня толькі!) характар чарговага (і тыповага) эфекту крука ў лесе. Натуральна, мы не маглі прайсьці міма гэтых падзей, не сабраўшы адпаведны ўраджай новых палітычных фактаў й ідэалагічных ведаў. Нязначна скарочанай тэкставай версіяй інтэрвю Пратасевіча журналісту Маркаву (яе мы набіралі сіламі рэдакцыі) мы пачынаем працэс збору названага ўраджая. Спадзяемся, калі дазволяць абставіны, яго працягнуць. “У жывую” праслухаць інтэрвю можна тут: https://www.youtube.com/watch?v=J-PmITXlkgU – ці тут: https://www.youtube.com/watch?v=Ov1K-f930UA. З нагоды лічым неабходным заявіць, што мы супраць практыкі падобных акцый “зьнебазьняцьця”, заклікаем спыніць фізічны ды псіхічны ціск (калі такі мае месца) на чыста палітычных зьняволеных у Беларусі і тэрмінова ўсіх іх вызваліць.

Далей »

Тое-сёе пра “Нехту”

Верасень 18, 2020 | 12 каментарыяў

Рэдакцыя.

Паколькі набліжаюцца чарговыя выхадныя і многія беларусы пойдуць на вуліцы гарадоў працягваць выказваць свае патрабаваньні ў адрас уладаў, мы прапануем бліжэй пазнаёміцца з тымі, хто ў многім кіруе пратэстнымі акцыямі. Робім гэта таму, што заўсёды выступалі за тое, каб людзі ведалі праўду рэчаіснасьці. Вось тут – https://www.youtube.com/watch?v=jrOxsjdeccw – знаходзіцца інтэрвю, якое расейскі блогер Дудзь узяў у некаторых прадстаўнікоў каманды “Нехта”.  Назва: “NEXTA – галоўнае медыя беларускага пратэсту”.

Далей »

Калекцыя меркаваньняў пра новы каронавірус і выкліканую ім пандэмію: Пажывем – пабачым… (частка 5)

красавік 10, 2020 | 6 каментарыяў

Рэдакцыя.

Рыхтуючы чарговы матэрыял пра эпідэмію COVID-19, выкліканую вірусам SARS CoV-2 (правільна казаць так), мы раптам заўважылі, што недаацэньваем адзін найістотны момант. Дакладней, гэты момант заўсёды быў у нашым уяўленьні й улічваўся намі як стратэгічна-фонавы – той, ад якога варта рабіць увесь далейшы аналіз сёньняшняй грамадска-палітычнай рэчаіснасьці. Але справа ў тым, што гэты стратэгічны момант у сітуацыі з эпідэміяй новага каронавірусу ў Беларусі й праблемамі, якія вакол яе паўстаюць, часта НЕ ўлічваецца іншымі жыхарамі Беларусі й нават некаторымі нашымі сталымі чытачамі. Гаворка пра пагрозу гібрыднага аншлюсу нашай дзяржавы расейскай імперыяй.

Крызісны стан, у які ўвайшла Расея і яе імперыякратыя, плюс пандэмія COVID-19 разам з тым, што яе суправаджае, ня толькі не паменшылі азначаную вышэй пагрозу, а наадварот, істотна яе павялічылі. У гэтай сітуацыі мы, не выходзячы за рамкі аналізуемай цяпер тэматычнай плыні, вырашылі зрабіць адмысловы акцэнт – выставіць і на нашым сайце салідны артыкул, у якім фіксуецца стан мысьленьня і паводзін расейскай імперыякратыі (а таксама яе абслугі ўключна з расейскімі СМДІ, рознымі “блогерамі” ды т.п.), звязаны з “новымі магчымасьцямі”, якія стварае для іх эпідэмія каронавірусу ў Беларусі. Назва артыкула “Прымус да самаізаляцыі – уся крамлёўская раць выйшла на барацьбу з КАВІЗ-19 у… Беларусі” (узята адсюль: https://isans.org/prinuzhdenie-k-samoizolyaczii-vsya-kremlevskaya-rat-vyshla-na-borbu-s-koviz-19-v-belarusi/;  дубль тут: https://reform.by/prinuzhdeniye-k-samoizolyatsii/; нязначна адрэдагавана, суправаджаецца малюнкамі расейскіх карыкатурыстаў).

Далей »

Калекцыя меркаваньняў пра новы каронавірус і выкліканую ім пандэмію: Пажывем – пабачым… (частка 1)

сакавік 29, 2020 | 3 каментарыя

Рэдакцыя.

У Беларусі сёньня напэўна будзе цяжка знайсьці чалавека, увагу якога не закрануў бы вэрхал вакол каронавіруснай інфекцыі. Дый ня толькі ў Беларусі. Па зьвестках буйных СМІ, у т.л. зь міжнародным ахопам, эпідэмія набыла глабальны маштаб і таму мае права называцца пандэміяй. Аднак кідаецца ў вочы адзін істотны факт: усё тыя ж буйныя міжнародныя СМІ яўна нагнятаюць гістэрыю, але інфармаваць людзей так, каб замест страху ў іх зьявіліся ВЕДЫ, не сьпяшаюцца. Ня першы раз мы, дый ня толькі мы, заўважаем феномен, калі СМІ (сродкі масавай інфармацыі), выкрываюць сябе як СМДІ (сродкі масавай дэз’інфармацыі)… На шчасьце сёньня і ў даным выпадку маем дзьве дадатковыя апоры, якія дапамагаюць наблізіцца да праўды. Першая зь іх – Сеціва, зь якога можна самастойна браць інфармацыю, а зь яе, пасьля прасейваньня, нібы залатыя крупінкі, выбіраць патрэбныя факты. Другая – апісаны раней на нашым сайце феномен “крука ў лесе”, калі нейкая яркая грамадская падзея прымушае многіх выказваць свае меркаваньні. Аналізуючы апошнія, як адразу, так і праз пэўны час, можна пабачыць, ХТО напраўду перад намі і якім чынам ды навошта ЁН спрабуе запудрыць нам мазгі.

Далей »

“Таварышч, у вас вус адклеіўся…” (+ дадатак)

жнівень 15, 2017 | Няма каментараў

Рэдакцыя.

Таварышч 1Ня першы раз нам даводзіцца зьвяртацца да савецкай камедыйнай кіна-класікі. Так ужо было аднойчы (https://nashaziamlia.org/2014/02/21/6561/), сёньня даводзіцца зноў. Бо справа, пра якую мы хочам вас паінфармаваць, адначасна і сур’ёзная, і камічная. Але, як заўсёды, усё па парадку… На адным зь незразумелых сеціўных інфа-рэсурсаў (што гэта за рэсурс, гаворка будзе пазьней) на днях зьявіўся матэрыял, прысьвечаны лідару БПС-Самаабарона Сяргею Высоцкаму (http://www.belvpo.com/ru/85577.html). Мы прааналізавалі артыкул, напісаў свой “адказ Рыбентропу” і сп. Сяргей. Таму ніжэй падаем сам матэрыял (у такім выглядзе, у якім ён ёсьць, і на мове арыгінала, каб ніхто не казаў потым пра недакладнасьць перакладу ці што-небудзь яшчэ), тэкст Сяргея Высоцкага, наш аналіз. Ну, а рашэньне за вамі…

 

Далей »

У Расеі «Хунта» перамагае «Бункер»

Чэрвень 16, 2017 | 6 каментарыяў

Піянт 1

Вядомы палітычны аналітык Андрэй Піянткоўскі (гл. фота) у гутарцы з карэспандэнтам “Рускага манітора” Фёдарам Кліменкам так пракаментаваў «прамую лінію» Пуціна з расейцамі, што мы вырашылі зьвярнуць на гэта ўвагу і нашых чытачоў. Ужо вельмі шмат важных прагнозаў зроблена, пра якія трэба ведаць і за спаўненьнем якіх варта сачыць (узята адсюль: http://rusmonitor.com/andrejj-piontkovskijj-khunta-odolevaet-bunker.html).

Рэдакцыя.

Далей »

Більд і Лукас пра вайну Расеі супраць Захаду

май 30, 2017 | 9 каментарыяў

Лукас 1Мы ня перашы раз выстаўляем на нашым сайце матэрыялы, аўтары якіх сочаць за вонкавай палітыкай Расеі, папярэджваюць заходняе грамадства пра небясьпеку гэтай імперыі ня толькі для суседзяў, а і для ўсяго больш-менш цывілізаванага заходняга сьвету. За некалькі апошніх дзён мы заўважылі пару новых такіх артыкулаў. Палічылі вартым выставіць іх на нашым сайце і дадаткова пракаментаваць. Першы зь іх належыць заходняму ліберальнаму палітолагу Эдварду Лукасу (гл. фота; тэкст узяты адсюль: http://rus.postimees.ee/4122723/edvard-lukas-na-kogo-rossiya-planiruet-sovershit-sleduyushchee-napadenie), другі – заснаваны на артыкуле ва ўплывовым часопісе Більд.

Рэдакцыя.

Далей »

Лукашэнка нарэшце знайшоў “гістарычнае абгрунтаваньне” свайго шматгадовага самаўладнага панаваньня ў Беларусі

май 25, 2017 | 5 каментарыяў

Барыс Керзач

Лука 1

Тое, што Лу-ка, зыходзячы з класічных дэмакратычных прынцыпаў, ніякі не прэзідэнт, даўно вядома ўсяму цывілізаванаму сьвету. Аднак ніхто ня можа сказаць, што нелегітымнае панаваньне на нашай зямлі гэтага прэзідэнта-непрэзідэнта зьяўляецца бляклым ці нудным. Не, ён, як галоўны прадстаўнік цяперскай зграі, якая яшчэ з “камуністычных” часоў працягвае панаваць у Беларусі, усё яшчэ забаўляе нас яскравымі рэпрызамі. Ці яго піяраўцы не дарэмна ядуць свой хлеб, ці сам ён такі?… Праўда, накіраванасьць дзейнасьці Лу-кі як была антынацыянальнай-беларусафобскай усе апошнія 23 гады, так і сёньня застаецца такой. Але гэта іншая тэма, якая рэдакцыяй рэгулярна асьвятляецца. Сёньня ж з нагоды надыходу доўгачаканага цяпла хачу ўзгадаць некаторыя яркія моманты піяраньня Лу-кі за апошнія месяцы ў вобразе “народнага прэзідэнта”.

Далей »

Яны папярэджваюць: лёс Беларусі вызначыць лёс Еўропы

май 19, 2017 | 9 каментарыяў

Папярэджвалі 2

 

 

 

Пра тое, што напісана ў загалоўку, мы кажам даўно. Але сёньня гэтая ісьціна адкрываецца ўсё большай колькасьці іншых людзей. Найбольш прыстойныя зь іх пачынаюць казаць заяўленае ўсё больш голасна і настойліва. Іх словы – крытэр ня толькі іх розуму, прыстойнасьці, празорлівасьці, а і нашай даўняшняй правасьці (гл., напрыклад, тут: https://nashaziamlia.org/2015/08/05/7801/). Выстаўляем ніжэй падборку матэрыялаў, якія падмацоўваюць адзначанае.

Рэдакцыя.

Далей »

Толькі Расея зацікаўлена ў дэстабілізацыі Беларусі

красавік 1, 2017 | 62 каментарыя

Царык дубльМы ніколі не спадзяваліся сустрэць сапраўдных герояў у асяроддзі, якое непасрэдна кантактуе зь цяперцамі. Аднак актуальная беларуская гісторыя прыносіць нам і такія сюрпрызы!…  Падаем ніжэй чарговае і яшчэ больш адкрытае інтэрвю аднаго зь кіраўнікаў Цэнтра стратэгічных і зьнешнепалітычных дасьледваньняў Юрыя Царыка, якое ён даў журналісту сеціўнага рускамоўнага выданьня “Навіны.бай” Аляксандру Ванковічу (інтэрвю ўзята адсюль: http://naviny.by/article/20170329/1490784362-yuriy-carik-rossiya-edinstvennaya-zainteresovana-v-destabilizacii – і перакладзена на нармальную мову). Інфармацыя, якую агучыў спадар Юры, несумненна нясе яму небясьпеку для жыцьця. Але ён сьвядома пайшоў на гэта, баронячы вышэйшыя інтарэсы – незалежнасьць нашай Вялікалітвы-Беларусі. Пакуль беларускі народ будзе працягваць нараджаць такіх герояў – ён будзе жыць.

Рэдакцыя.

Далей »

Прыклады інфармацыйна-прапагандысцкай й ідэалагічнай працы расейскай апазіцыі

сакавік 30, 2017 | 10 каментарыяў

Рэдакцыя.

Фора 1На фоне 20-гадовай безвыніковай кіпучай дзейнасьці “беларускіх” афіцыйных апазіцыйных СМІ, падпарадкаваных заходняй Сцыле (што гэта такое, гл.тут:  https://nashaziamlia.org/2017/03/24/8997/#more-8997), паўстае белая зайздрасьць да працы ў сеціве аналагічных расейскіх СМІ. Падаем ніжэй некалькі прыкладаў дзейнасьці апошніх, зьвязанай з аналізам як гістарычных працэсаў, так і апошніх падзей у Расеі, іх журналісцкай падачай, вынікаючымі зь іх прапановамі.

Далей »

Беларусь у аптычным прыцэле расейскага экспансіянізму

снежань 13, 2016 | 3 каментарыя

Імантас Мелянас – этнаканфліктолаг, Вільнюс (артыкул аўтара, які выстаўлены ніжэй, узяты адсюль: https://informnapalm.org/30498-belarus-and-russian-expansionism/; нязначна адрэдагаваны)

%d1%96%d0%bc%d0%b0%d0%bd%d1%82%d0%b0%d1%81-1

 

 

“Ёсьць некалькі прычын, якія паўплывалі на выбар тэмы гэтага артыкула, але галоўная зь іх – разуменьне таго, што зло ніколі не бывае статычным. Яно альбо адступае, сустрэўшы рашучы адпор, альбо працягвае свой наступальны рух. Менавіта гэта можна сказаць пра экспансіянісцкую палітыку, якую праводзіць у дачыненьні да сваіх постсавецкіх суседзяў цяперашняе расейскае кіраўніцтва.

Далей »

Зянон Пазьняк: “Наперадзе абарона Незалежнасьці”

Ліпень 11, 2016 | 10 каментарыяў

Пазьняк 1

 

 

Сталыя чытачы нашага сайту добра ведаюць пра наша крытычнае стаўленьне да Пазьняка, як да грамадска-палітычнага дзеча, з-за яго правальнай дзейнасьці з другой паловы 1990-х.  Аднак некаторыя яго артыкулы мы лічым неабходным выстаўляць і на нашым сайце (у адрозьненьне ад нашых артыкулаў, якія ніколі не выстаўляюцца на яго сайтах) – абы была карысьць для нашага народу… Ніжэй выстаўляем выступ Зянона Пазьняка на чэрвеньскім 2016 г. Сойме КХП. Ён тэматычна складаецца нібы зь дзьвюх частак (узята адсюль: https://pieramoha.org/artykuly/zianon-pazniak-napieradzie-abarona-niezaliezhnasci).

Рэдакцыя.

 

Далей »

Нядаўна сьвет адзначаў Міжнародны дзень роднай мовы (частка 2)

люты 28, 2016 | 67 каментарыяў

Віталь Хромаў, Алесь Астроўскі

Дзень мовы 75. Старое-новае ў наш час…

У 2014 годзе на піке агрэсіі супраць Украіны ўвесь сьвет пачуў новую для сябе ідэалагему расейскага імперыялізму “рускі мір” (хаця на самай справе гэтая ідэалагема захоўвалася ў заплесьнявелым склепе імперскіх ідэалагем зь ХІХ ст.). Яе раптам узяліся прапагандаваць многія. Але найбольшае значэньне мела тое, што сярод прапагандыстаў былі такія асобы як прэзідэнт РФ Пуцін, патрыярх РПЦ МП Кірыл (гл. фота), міністар замежных спраў Расеі Лаўроў (http://www.svoboda.org/content/article/26855650.html#page=1 ; https://www.youtube.com/watch?v=pZz1wN7BHOg ; http://rg.ru/2015/11/02/lavrov.html ; http://politrussia.com/society/russkiy-mir-918/).

Далей »

Нядаўна сьвет адзначаў Міжнародны дзень роднай мовы (частка 1)

люты 26, 2016 | 12 каментарыяў

Віталь Хромаў, Алесь Астроўскі

Дзень мовы 1Зь Вікіпедыі даведваемся, што гэты Дзень (англ. International Mother Language Day) быў заснаваны ў лістападзе 1999 году на 30-й Генеральнай канферэнцыі ЮНЭСКА з мэтай абароны моўнай і культурнай разнастайнасьці людскай цывілізацыі. Адзначаецца кожны год 21 лютага, пачынаючы з 2000 году. Прычынай увядзеньня гэтага Дню стала тое, што з 6.000 моваў сьвету, кожная зь якіх зьяўляецца ўнікальнай агульналюдскай каштоўнасьцю, прыкладна палова знаходзіцца пад пагрозай зьнікненьня. Генеральная Асамблея ААН падтрымала рашэньне аб абвяшчэньні Міжнароднага дню роднай мовы (Рэзалюцыя № Α/RES/56/262) і заклікала дзяржавы-члены ААН ды Сакратарыят ААН садзейнічаць абароне і захаваньню ўсіх моў народаў сьвету.

Далей »

Каляліберальныя расейскія (не)альтэрнатывы ў асобах

студзень 1, 2016 | 21 каментарый

Алесь Астроўскі

Калялібералы 0Апошнія паўтары гады даводзіцца шмат часу праводзіць за кампутарам. Праца ў цэлым механічная і дазваляе адначасна праслухоўваць на youtube розныя аўдыё-матэрыялы. У выніку гэтых праслухоўваньняў маю́ ўвагу прыцягнулі шмат расейскіх публічных асоб – сярод іх некалькі калялібералаў (то бок, былых і новых лібералаў ды іхных наймітаў, якія імкнуцца падаваць сябе ў новым іміджавым абліччы). Усе гэтыя людзі дэманструюць грамадска-палітычныя погляды, якія зьяўляюцца антыпуцінскімі й у многіх іншых асьпектах прыймальныя для прыстойных людзей. Таму да гэтых каляліберальных асоб я вырашыў прыгледзецца паўважлівей. А раптам сярод іх могуць быць нашы патэнцыйныя саюзьнікі? Бывае ж так, што ў чалавека адчыняюцца вочы на сьвет, ён пачынае бачыць яго зьмест і сэнс, а затым прымае прынцыповае рашэньне пачаць служыць дабру…

Далей »

На інфармацыйнай вайне, як на вайне…

снежань 23, 2015 | 25 каментарыяў

Рэдакцыя.

Прапаганда 1

 

 

Выраз “на вайне, як на вайне” заклікае быць падрыхтаваным да таго, што там варагуючыя бакі могуць выкарыстаць адзін супраць аднаго якія заўгодна прыёмы – нават самыя неверагодныя, падступныя, гнюсныя – толькі б дасягнуць тактычнага посьпеху. Інфармацыйная вайна не зьяўляецца выключэньнем з гэтага правіла…

Далей »

Каманды крамлёўскіх троляў

снежань 21, 2015 | 9 каментарыяў

Віталь Хромаў, Алесь Астроўскі Тролі 1

Расейскі імперскі тралізм – зьява даволі маладая, ёй каля 3-4 гадоў. Аднак, нягледзячы на гэта, сёньня расейскія тролі – адзін зь істотных рэсурсаў гібрыднай вайны (яе інфармацыйнай часткі), які ёсьць у руках расейскай імперыякратыі. Яны выкарыстоўваюцца супраць дапытлівых прадстаўнікоў народаў, на якія скіравана імперская агрэсія (у першую чаргу супраць украінскага, але ня толькі). Масава “заходзілі” гэтыя істоты і на наш сайт, але мы іх “вывелі” як шляхам усталяваньня фільтраў, так і ручнога выкіданьня тролевых “меркаваньняў”. Затое ва ўсёй іншай блогасьферы тролі застаюцца важкім чыньнікам уплыву на агульную інфармацыйную плынь, на меркаваньні людзей. Таму мы вырашылі прысьвяціць пару тыдняў вольнага часу, каб разабрацца з гэтай псіха-ваенна-сацыяльнай зьявай. Нешта праясьнілася…

Далей »

Баявая сьпецпрапаганда: «гнілы селядзец» ды іншае

снежань 11, 2015 | 9 каментарыяў

Гнілы селядзец 1Быў у маім жыцьці адносна нядоўгі перыяд, калі я вывучаў прапагандовую, PR-аўскую дзейнасьць. Гэта было абумоўлена маім вялікім уражаньнем ад факту, які адкрыўся ў 1994-96 гг.: як лёгка могуць сілы зла перакрэсьліць шматгадовую асьветніцкую, растлумачальную дзейнасьць прыстойных людзей і перацягнуць масы на свой бок з дапамогай метадаў чорнай прапаганды. З таго часу я працягваю зьбіраць веды па гэтым пытаньні. Частку зь якіх, найбольш карысную, мы выстаўляем на сайце (гл. напрыклад тут: https://nashaziamlia.org/2014/04/19/6909/#more-6909). Матэрыял, зь якім вы можаце пазнаёміцца ніжэй, у адзначаным асьпекце таксама ўяўляе вялікую каштоўнасьць. Гэта прызнаньні блогера Ўладзіміра Якаўлева (гл.фота) – выпусьніка Маскоўскага дзяржуніверсітэта, рэдактара інтэрнэт-праекта “Згушчонка”. Аўтар добра тлумачыць адну з галоўных прычын, чаму ў Расеі да 80% людзей сталі сёньня шавіністычна-імперскімі зомбі (узята адсюль: http://www.sguschenka.com/propaganda).

Алесь Астроўскі.

Далей »

Чаму “наша” апазіцыя ўжо чвэрць стагоддзя ялавая

Кастрычнік 11, 2015 | 14 каментарыяў

Барыс Керзач, Віталь Хромаў.

Елавая 2Заўтра прадстаўнікі беларусафобскага цяперскага рэжыму, якія ўжо больш за 20 гадоў паразітуюць на нашым народзе і фактычна зьнішчаюць яго (шляхам дэмаграфічна-этнацыднага выморваньня), аб’явяць пра сваю “элегантную перамогу на прэзідэнцкіх выбрах”. Аднак усім, хто знаёмы з палітычнымі тэхналогіямі, відавочна, што сапраўдных выбараў у Беларусі і ў гэты раз не было. Пасьля 1991 году ні разу не было – вось ужо чвэрць стагоддзя!… Бо ўсе “элегантныя перамогі” забясьпечваюцца тым, што наша інфармацыйная прастора ўвесь гэты час застаецца захопленай расейскай імперакратыяй і яе каланіяльнымі прыхлябаямі – цяперцамі, якія дазваляюць перад камерамі ды мікрафонамі адкрываць раты толькі тым, хто кажа на іх карысьць. А ва ўмовах мінімальнай грамадска-палітычнай стабільнасьці людская маса будзе паводзіць сябе так, як ёй кажа тэлевізар. Гэта базавы закон палітыкі!

Далей »

Атрад “Пагоня” і тактычная група “Беларусь”

Верасень 26, 2015 | 17 каментарыяў

Рэдакцыя.

Атрад П 1Усьлед за цікавым ды важным матэрыялам Сяргея Высоцкага неабходна асьвятліць яшчэ некаторыя пытаньні. Так, апазіцыйныя СМІ ў гэтым месяцы пачалі паведамляць, што ва Ўкраіне на баку ўкраінцаў ваююць ня проста беларусы, а, як мінімум, дзьве групы беларусаў – адныя кансалідуюцца вакол атрада “Пагоня”, а іншыя вакол тактычнай групы “Беларусь”. Гэтая сітуацыя прымушае паспрабаваць высьветліць:  што гэта за групы, чаму іх дзьве, якое адрозьненьне паміж імі, чые інтарэсы яны прадстаўляюць (бо апазіцыйныя СМІ гэтыя пытаньні ўжо чамусьці не асьвятляюць…). Мы, натуральна, дакладна ня ведаем усіх тонкасьцяў, зьвязаных з гэтымі пытаньнямі, але і замоўчваць іх далей немагчыма. Таму давайце дамовімся: мы пададзім ніжэй усё, што нам на сёньня вядома, паразважаем над гэтым, а калі ў нас не атрымаецца раскрыць нешта дастаткова дакладна, то прапануем тым, хто ведае лепш, скарэктаваць нас (калі дадатак не зьяўляецца ваеннай таямніцай). Заклікаем пісаць у каментарах толькі тое, што дакладна вам вядома. Усё ў адпаведнасьці са знакамітым прынцыпам беларуска-літвінскай шляхты: “Кажы, што ведаеш; рабі, што трэба; і хай будзе, што будзе!

Далей »

Старонка 1 з 41234
  • Старонкі

  • Катэгорыі

  • Апошнія запісы

  • Архівы