nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

1.3. Беларусь сёньня

Беларусы выходзяць і за нацыянальную ідэю, і за справядлівасьць

сакавік 23, 2008 | Няма каментараў

Падаем частку інтэрвю, якое Ганна Соўсь узяла ў Зянона Пазьняка (поўны тэкст тут: www.svaboda.org/content/Article/1048448.html)

Рэдакцыя.

Ð�азÑ�нÑ�к 2.JPG 

Соўсь: “Якія з каштоўнасьцяў БНР застаюцца і сёньня актуальнымі для беларускіх патрыётаў?” 

Пазьняк: “Актуальна тое, што дзеячы БНР у вельмі цяжкіх умовах акупацыі, у цяжкіх умовах так званага Берасьцейскага міру, які заключылі чужыя людзі, і якім разрывалі Беларусь на часткі, у гэтых цяжкіх умовах дзеячы беларускага Адраджэньня паднялі сьцяг Незалежнасьці. Яны запалілі зорку, якая гарыць па сёньняшні дзень. Фактычна яны адрадзілі Вялікае Княства Літоўскае ў тых межах, акрамя Жмудзі, у якіх яно існавала ў залаты век сваёй гісторыі. І гэтае адраджэньне ўжо адбылося пад новай назвай, назвай Беларусь. Гэты ўсе ідэі і гэтыя пэрспэктывы былі закладзеныя і прапісаныя дзеячамі БНР. Я маю на ўвазе і грамадзкі лад – рэспубліканскі, і дэмакратыя, і нацыянальная дзяржава, і нацыянальныя межы, і этнічны склад, і культура, і будучыня. Гэтыя ідэі ўсе былі закладзеныя, і пра іх мы гаворым як пра ідэалы БНР. І гэтым ідэаламі жыло ўсё беларускае адраджэньне. І ўдалося іх ізноў паставіць на парадак дня і вярнуць незалежнасьць у часе беларускай нацыянальнай рэвалюцыі ў 1991 годзе. 25 жніўня, як і 25 сакавіка – гэта вялікая дата нашай гісторыі”.

Далей »

Сёньня ў Гародні першую агульнанацыянальную дыктоўку па беларускай мове напісалі 250 чалавек

сакавік 22, 2008 | Няма каментараў

��к�о�ка. �а�одн�.JPG

Усё адбывалася ў памяшканьні Таварыства беларускай школы. Дыктоўку пісалі з 12 гадзін да 16.30 ў пяць этапаў (бо ў памяшканьні ТБШ можна было размясьціць да 60 чалавек). Тэксты для ўдзельнікаў, якія былі рознымі, чыталі паэтка Данута Бічэль, бард Віктар Шалкевіч, былая настаўніца Тамара Талерчык (на фота справа), кіраўніца хору “Бацькаўшчына” Вера Кунцэвіч і студэнтка унівэрсытэту імя Янкі Купалы Хрысьціна Марчук. Кожны раз перад пачаткам дыктоўкі той, хто яе чытаў, выступаў з кароткай прамовай. Былая настаўніца сп-ня Талерчык, у прыватнасьці, сказала: “Шаноўныя сябры, вы ведаеце, зь якой мэтай сёньня праводзіцца дыктоўка. Гэты 2008 год ААН вызначыла Годам моваў. А хутка будзе сьвята абвяшчэньня Беларускай Народнай Рэспублікі. І вось у гонар гэтага вялікага нашага сьвята ўсе беларусы сьвету будуць пісаць агульнанацыянальную дыктоўку. Так што будзем пісаць”.

Дыктоўку пісалі самыя розныя людзі – студэнты, пенсіянэры (нават, ветэраны ВАВ), настаўнікі, выкладчыкі з навуковымі ступенямі, бацькі зь дзецьмі… Абсалютная бальшыня ўдзельнікаў не пабаяліся здаць яе на праверку, хаця можна было адразу забраць дыктоўку для сямейнага архіву.

Рукі прэч ад Беларусі!

сакавік 22, 2008 | Каментары (1)

Яўген Мурашка, Германія

Ð�Ñ�Ñ�аÑ�ка.JPG 

Крамлёўскія паны!

Усяму сьвету ўжо даўно надакучыла ваша вечнае імкненьне да сусьветнага панаваньня. Перш чым кіраваць чужымі краінамі, навучыцеся гаспадарыць на сваёй зямлі. Паглядзіце, да чаго вы давялі сваю краіну? Навокал бандытызм, п’янства, сіроцтва. А што ў вас робіцца ў войску? Дый у вас няма сказу бяз мата, без злачынства – няма дню, без падману – хвіліны. У вас рукі па локаць у крыві: дзе ступіць ваш сапог, куды дацягнецца рука – там рэкі крыві. Вы ўжо даўно зьнішчаеце наш працавіты беларускі народ. Што вам трэба ад яго?

Далей »

Клан “аб’яднанай апазіцыі”

сакавік 22, 2008 | Каментары (1)

Сяргей Высоцкі

Ð�Ñ�Ñ�оÑ�кÑ� 1.JPG 

Сённяшняя беларуская палітычная сітуацыя – надзвычай складаная. Нельга ацэньваць нашае становішча без глыбокага аналізу гісторыі, нацыянальнага этнагенэзу беларусаў, спецыфікі беларускай ментальнасці і характару. Беларусы яшчэ не мінавалі стадыю нацыянальна-дзяржаўнага станаўленьня. Таму, якія б новыя красамоўныя палітычныя “тэнары” не спявалі на блізкі заходняму вуху лад пра правы асобы, слабасць палітычных партый, адсутнасць свабоды СМІ – усё гэта толькі другасная частка аб’ектыўнага па змесце этапа нацыянальна-вызвольнай барацьбы. Не могуць пакуль беларусы цудоўна ўладкоўваць правы меншасцяў, калі самі на мяжы жыцця і смерці… [у такіх абставінах беларусы ня маюць права нічога іншага рабіць, як займацца найперш сваімі інтарэсамі; іншае – проста здрада свайму народу. – Рэд.]  

  Далей »

Рыгор Сітніца: На сапраўдных маральных прынцыпах трымаецца жыцьцё

сакавік 20, 2008 | Няма каментараў

С��н��а.JPG

Мы вырашылі падаць інтэрвю, якое ўзяў у Рыгора Сітніцы з нагоды 50-гадовага юбілею Аляксандр Уліцёнак (арыгінал тут: svaboda.org/content/Transcript/1048274.html), паколькі ў ім узьняты важныя пралемы – у прыватнасьці, гаворыцца пра сувязь паміж свабодай і маральлю (хаця зь некаторымі поглядамі сп-ра Рыгора мы пагадзіцца ня мажам). Сп-р Сітніца – удзельнік шматлікіх рэспубліканскіх ды міжнародных мастацкіх імпрэзаў. Творы мастака знаходзяцца ў музэях Беларусі, Польшчы, Грэцыі, Нямеччыны, у прыватных зборах многіх краінаў. Ён першы намесьнік старшыні Беларускага саюзу мастакоў. У апошнія дзесяць гадоў спрабуе сябе ў паэзіі, публіцыстыцы: лаўрэат двух літаратурных прэмій – «Полымя-2003» і «Залаты апостраф-2007».

Рэдакцыя.

Далей »

В. Сіўчык: “Юбілей БНР адсьвяткую на вуліцы”

сакавік 19, 2008 | Няма каментараў

С����к.JPG

На пытаньне Галіны Абакунчык: “Чым ёсьць 90-я ўгодкі абвяшчэньня Беларускай Народнай Рэспублікі для Беларусі сёньняшняй? Як лепей адзначаць юбілей БНР?” – адказвае адзін з арганізатараў і заяўнікаў сьвяткаваньня ў розныя гады Вячаслаў Сіўчык. За гэта ў 1997 годзе супраць яго была распачатая крымінальная справа. На знак пратэсту палітык трымаў 30-дзённую галадоўку ў зьняволеньні. 25 сакавіка 2004 году Вячаслаў Сіўчык разам з аднадумцамі зь лёзунгамі “Няхай жыве БНР” прыкаваўся ланцугамі на Кастрычніцкай плошчы Менску (падаем паводле www.svaboda.org/content/Article/1048346.html).

“Сьвяткаваць 25 сакавіка я буду традыцыйна. Натуральна, што я прыйду на плошчу Якуба Коласа. І калі ў мяне будзе такая магчымасьць, то пасьля мы будзем сьвяткаваць у мяне ў хаце разам з усёй сям’ёй. Я вельмі спадзяюся, што дажыву да таго часу, калі гэта будзе сьвятам усяго майго народу, бо больш сур’ёзнай даты ў ХХ стагодзьдзі ў нашай нацыі няма… Для мяне гэта дата ня толькі абвяшчэньня нашай дзяржаўнасьці ў ХХ стагодзьдзі, але гэта таксама дата, асьвечаная нашымі шматлікімі змагарамі. Я ніколі не забуду ўспамінаў нашых эмігрантаў, у якіх распавядалася, што 25 сакавіка 1940 году аднаго беларуса так зьбілі ў вілейскай турме, што ён ня мог гаварыць. Адзінае, што ён мог зрабіць — гэта напісаць на пыле камэрнага вакна лічбу 25. Я ведаю найноўшую гісторыю нашай краіны, я ведаю, якія намаганьні даводзілася прыкладаць беларускім патрыётам, каб гэтая дата заставалася на менскіх вуліцах. Для мяне гэта таксама вельмі важна”.

Уладзімер Лыско: “Для мяне было гонарам “сядзець” за Радзіму ”

сакавік 17, 2008 | Няма каментараў

Паводле Ігара Карнея (www.svaboda.org/content/Article/1047930.html)

Ð�Ñ�Ñ�ко.JPG 

На пытаньні: Чым ёсьць угодкі абвяшчэньня БНР для Беларусі? Як лепей адзначаць гэтую дату? – сёньня адказвае адзін зь першых беларускіх палітычных вязьняў Уладзімер Лыско (за ўдзел у несанкцыянаванай акцыі 25 сакавіка 1997 году быў асуджаны да двух гадоў “хіміі”).

“Дзень Волі, Дзень Беларускай Народнай Рэспублікі – гэта дзень нашай незалежнасьці. І я перакананы, што гэта самае вялікае сьвята ў нашай Беларусі. Гэтую дату буду адзначаць  як і ўсе – 25 сакавіка будзе шэсьце, таксама пайду на плошчу Якуба Коласа. Гэта ўжо без аніякіх пытаньняў.   …   Я не шкадую, што быў пакараны за палітыную дзейнасьць. Да таго ж, ад прызначанага тэрміну я адбыў толькі палову, роўна год. І, як некалі сказаў Юры Хадыка, для мяне гэта гонар – “сядзець” за Радзіму”

Вось, гэта да! Амбасадары пісалі дыктоўку па-беларуску. Дзякуем і запамінаем!

сакавік 16, 2008 | Няма каментараў

Паводле Любові Лунёвай і www.svaboda.org/content/Article/1047770.html

Ð�Ñ�кÑ�оÑ�ка.JPG 

Амбасадары і прадстаўнікі краінаў Эўразьвязу і ЗША, а таксама рэдактары недзяржаўных выданьняў і пісьменьнікі пісалі сёньня (15.03.2008 г.) першую агульнанацыянальную дыктоўку па-беларуску. Тэкст дыктоўкі – прадмова да зборніка Францішка Багушэвіча “Дудка беларуская”.

Далей »

Як гэта робіць расейская імперыякратыя

сакавік 16, 2008 | 2 каментарыя

А. Астроўскі, В. Хромаў

Ð�Ñ�баÑ�Ñ� Ð�Ñ�дведа Ñ� РФ.JPG 

У мінулым артыкуле мы адзначылі стратэгічныя неадэкватнасьці ў сьветаглядзе некаторых расейскіх гора-аналітыкаў што да стану ўласнага грамадства і яго асобных груп. Па гэтай прычыне яны са сваімі прагнозамі вынікаў прэзідэнцкіх выбараў у Расеі праваліліся. Але нас, акрамя стратэгічных пытаньняў, цікавяць тэхнічныя дэталі фальсіфікацыі народнага волевыяўленьня, якія пераўтвараюць зьмястоўную дэмакратыю ў фармальную, а затым і ў яе прафанацыю. Мы ведаем, як гэта адбываецца ў нас, у Беларусі, а як гэта робіцца ў Расеі? Давайце разьбярэмся. Напярэдадні пачатку выбарчай кампаніі ў “палатку” гэта можа быць карысным.

Далей »

Чаму пралічыліся г.зв. “рускія арыйцы”

сакавік 14, 2008 | Няма каментараў

Рэдакцыя

�едвед � ���.JPG

У свой час (сьнежань 2007 году) мы рабілі свой прагноз вынікаў бліжэйшых прэзідэнцкіх “выбараў” у Расеі. Тады мы заявілі, што наступным прэзідэнтам у РФ будзе Мядзьведзеў (на гэта мы аддалі 60% верагоднасьці), альбо Касьянаў – на 40%. Усе іншыя варыянты, калі б яны здарыліся, мы заранёў аб’яўлялі цудам (https://nashaziamlia.org/2007/12/31/1120). Цяпер ужо усе ведаюць, што Мядзьведзеў стаў прэзідэнтам-пераемнікам, а Касьянава – нахабна не дапусьцілі да выбараў, паколькі ён сапраўды быў адзіным рэальным канкурэнтам пратэжэ расейскай імперыякратыі ў яе цяперашнім выглядзе. Такім чынам, наш прагноз спраўдзіўся на ўсе 100%. А вось “самы лепшы рускі аналітычны рэсурс”, як самі сябе называюць прадстаўнікі рэдакцыі www.ariru.info, у сваіх прагнозных заявах двойчы ганебна праваліўся. Чаму так адбылося? – вырашылі высьветліць мы, зыходзячы зь істотнага аналітычнага і павучальнага значэньня такіх сітуацый.

Далей »

М.Купава: “Гэта штогадовы клопат і шчасьлівая хвіліна”

сакавік 13, 2008 | Няма каментараў

Рэдакцыя (паводле http://svaboda.org/content/Article/1047430.html)

��пава.JPG

Мікола Купава – мастак, сябра творчай суполкі «Пагоня», так адказаў на пытаньні: чым ёсьць 90-я ўгодкі абвяшчэньня БНР для Беларусі й як лепей адзначаць гэтую дату?

“На маёй памяці, апошнія 20 гадоў мы заўсёды сьвяткуем. Як правіла робім маштабныя шэсьці, паседжаньні, канцэрты, выставы. Прымяркоўваем да гэтага дня нейкія публікацыі і выданьні. І гэта ўжо наш звычайны штогадовы клопат і шчасьлівая хвіліна ў жыцьці[Абвяшчэньне БНР] Гэта сапраўды вялікая падзея. Бо пасьля гэтулькіх гадоў таптаньня нашай гісторыі на месцы, пасьля заняпаду грамадзтва і дзяржаўнасьці была абвешчаная вольная, незалежная дзяржава Беларусь. Іншая рэч, што мы не ўтрымалі гэтую незалежнасьць, ня здолелі яе адстаяць. Але гэта было вельмі цяжка, бо на нас абрынулася такая навала, такая варожая сіла, што мы не маглі выстаяць адны. Нас ніхто не падтрымаў. Проста высновы з гэтага неабходна рабіць. Бо далейшая барацьба працягваецца. І менавіта інтэлектуальнымі сіламі мы мусім дасягнуць таго, што было зроблена ў 1918 годзе”.

П.Севярынец: “ Як адзначаць 25 Сакавіка? Вельмі проста. З самай раніцы – у царкву, удзень – на плошчу, вечарам – з сябрамі”

сакавік 10, 2008 | Няма каментараў

Рэдакцыя (паводле http://svaboda.org/content/Article/1046926.html)

СевÑ�Ñ�Ñ�неÑ�.JPG 

На пытаньне: Што для беларусаў значыць Дзень абвяшчэньня Беларускай Народнай Рэспублікі? Як варта адзначаць 90-я угодкі БНР? палітык, былы палітвязень Павал Севярынец адказаў так.

“Як адзначаць? Вельмі проста. З самай раніцы – у царкву. Удзень – на плошчу. Вечарам – з сябрамі. Кульмінацыяй сьвяткаваньня ёсьць Дзень Волі на плошчы. Ад гэтага нікуды ня сыдзеш. Самі плошчы – менскія, беларускія ўвогуле – гэта своеасаблівы сымбаль Волі. Волі – як свабоды, як прасторы… І Волі – як рашучасьці, як моцы…   Для мяне Дзень Волі – гэта дзень, калі звычайна я сустракаюся з тысячамі знаёмых, з сябрамі, з братамі, з сёстрамі – з усімі тымі, хто верыць у Бога, хто любіць Беларусь. І гэта – дзень вялікай сустрэчы для мяне. Сустрэчы тых людзей, якія сапраўды ўнутрана вольныя. Бо ў Беларусі воля азначае і свабоду, і рашучасьць. І калі ў адным месцы, на плошчы, у Дзень Волі зьбіраецца мноства людзей, якія адначасова і свабодныя, і рашучыя – безумоўна, трэба быць разам зь імі”.

 

Дажыліся. Аказваецца, у Беларусі небеларуская армія!

сакавік 8, 2008 | 2 каментарыя

Рэдакцыя (паводле www.svaboda.org/content/None/1046629.html)

Ð�алезÑ�нÑ�Ñ�Ñ�нка.JPG 

Для гісторыі й будучых судовых разьбіральніцтваў у нас ёсьць рубрыка “Фіксуем акты ўладнага варварства”. Мы зьбіраем пад ёй адпаведныя матэрыялы (якія ўдаецца), сістэматызуем іх і перыядычна выстаўляем. Але бываюць выпадкі, якія патрабуюць больш хуткага рэагаваньня. 

Далей »

Для змаганьня з такімі выказваньнямі заводзім рубрыку “Апазіцыйныя невукі”

сакавік 7, 2008 | Няма каментараў

Рэдакцыя.

�����ов��.JPG

Сёння ў сеціве па адрасе: www.pahonia.org/str/2008-03/187.htm зьявілася кароткая зацемка Алеся Заблоцкага пад назовам “Мікалай Аўтуховіч: “Я на ўласнай скуры адчуў, што такое законнасць па-беларуску”

Далей »

Васіль Сёмуха: «Дзень Волі – сьвята душы»!

сакавік 7, 2008 | Няма каментараў

С�м��а.JPG

На пытаньне: Як лепей адзначыць беларусам Дзень Волі? –  Васіль Сёмуха – знакаміты беларускі перакладчык, адказаў так: “Трэба быць у гэты дзень шчасьлівым, вясёлым, радасным!!! Радавацца, што сьвята – ёсьць! Радавацца, што чалавек – жыве! І…ўсё прыходзіць, усё прыходзіць само! Трэба проста сьвяткаваць і запрашаць сваіх знаёмых далучацца да гэтага сьвята таксама. Бо гэта – вялікае сьвята. Сьвяткаваць: выпіць гарэлкі, ды схадзіць да дзевак, калі гэта мужчына, ці схадзіць да хлопцаў, калі гэта дзяўчына… Карацей, як сьвяткуюцца ўсе сьвяты. Як Новы год сьвяткуецца… Дзень Волі ёсьць Дзень Волі. Усялякія атрыбуты выпрацоўваюцца не так вось, па схеме, як там нешта вось рэкамэндуецца, а трэба сьвяткаваць з году ў год і традыцыя ўстановіцца… Калі сьвята ў душы, чалавек заўсёды знойдзе як яго адсьвяткаваць, як адзначыць. Гэта ўсё – суцэльная імправізацыя ў кожнага чалавека. Калі ён рады, ён шчасьлівы, ён знойдзе нейкую акрасу і для душы”.

 

Мы выйдзем шчыльнымі радамі

сакавік 6, 2008 | Няма каментараў

Уладзімір Халіп 

ХалÑ�п.JPG 

Нарэшце – сакавік. Час нашай Волі. І новых спадзяванняў. Месяц бел-чырвона-белы. Што там ні кажы, а набліжаецца, нібы экзамен у студэнта, адметная дата. Можа, нават рубеж – 90-я ўгодкі БНР. І хочам мы таго ці не, а пэўныя вынікі падводзіць давядзецца. Чаго ж мы дамагліся ў адбудове Бацькаўшчыны за гэтыя дзесяцігоддзі?

Далей »

Анатоль Белы: “Лепшае адзначэньне – гэта добрая праца”

сакавік 5, 2008 | Няма каментараў

Рэдакцыя (паводле svaboda.org/content/Article/1046279.html)

Ð�елÑ� Ð�наÑ�олÑ�.JPG 

Выбітны заўзятар беларускай справы, краязнаўца, старшыня клубу “Спадчына” Анатоль Белы  нядаўна так адказаў на пытаньне: Як лепей сьвяткаваць дзень 25 Сакавіка?

“Лепшае адзначэньне сьвята – гэта праца. Трэба зрабіць нешта ў гонар 90-х угодкаў БНР! Напрыклад, клуб “Спадчына” адзначае набліжэньне Дня Волі гэткімі высілкамі: па-першае, робім сайт. Ён будзе называцца “Адраджэнцы”. 250 асобаў – дзеячоў нацыянальнага адраджэньня – пададзеныя іх біяграфіі й мастацкія творы, прысьвечаныя той ці іншай асобе. Па-другое, мы усталёўваем помнік заснавальнікам Беларускай Народнай Рэспублікі. Агромністыя лісты браніраванага жалеза, каб ворагі не пашкодзілі, прымацоўваюцца да сьцяны, а на іх – 18 барэльефаў тых бацькоў-заснавальнікаў, якія 25 сакавіка абвясьцілі аб стварэньні Беларускай Народнай Рэспублікі. І, па-трэцяе, – робім кнігу “Пакліканыя Беларусьсю”.  Усё гэта – у гонар 90-годзьдзя”.

 

2 сакавіка г.г. у Менску перад расейскай амбасадай адбыўся антыядзерны пікет БПС, БАПЦ, БНДЦ (+ дапаўненьне)

сакавік 4, 2008 | Каментары (1)

Рэдакцыя.

��ке� ��С.JPG

Далей »

Чаму б й іншым ня ўзяць прыклад зь беларусаў Віцебску!

сакавік 3, 2008 | Няма каментараў

Рэдакцыя (паводле www.svaboda.org/content/Article/1045781.html)

СÑ�Ñ�Ñ�г наÑ�.JPG 

Увечары 1 сакавіка на даху жылога дому №21 па вуліцы Герцэна ў Віцебску зьявіўся бел-чырвона-белы сьцяг. У цыдулцы, што была прымацаваная да сьцяга, было напісана: “Гонар і пашана палітычнаму дзеячу Беларускай Народнай Рэспублікі і выдатнаму навукоўцу Вацлаву Ластоўскаму. Слава героям БНР! Жыве Беларусь! Жыве вечна! Мірон“. Гэта ўжо ня першы сьцяг, які легендарны і няўлоўны Мірон уздымае ў Віцебску ў гонар дзеячоў і стваральнікаў БНР. У Віцебску цяпер праходзіць “Бел-чырвона-белы маратон”, прысьвечаны 90-м угодкам БНР: да 25 сакавіка ў горадзе маюць зьявіцца яшчэ некалькі сьцягоў, узьнятых у гонар аднаўляльнікаў беларускай дзяржавы.

Беларусы Віцебску, мы ганарымся вамі! Заклікаем усіх жыхароў Беларусі падтрымаць ініцыятыву нашых слаўных віцьбічаў!

 

Усе – на агульнанацыянальную дыктоўку!

сакавік 1, 2008 | Няма каментараў

�адгол, Т���а�.JPG

На 23 сакавіка г.г. (праз тры тыдні) у Беларусі запланаваная агульнанацыянальная дыктоўка па нашай мове. Дыктоўка прысьвячаецца 90-годдзю абвяшчэньня незалежнасьці БНР. Падаем ніжэй тлумачэньні некаторых асоб, да якіх, мы лічым, варта прыслухацца.

Рэдакцыя.

Далей »

Фінляндыя, Беларусь, Расея: Дзе гісторыя, а дзе сучаснасьць

сакавік 1, 2008 | Каментары (1)

Яўген Мурашка

Ð�Ñ�ка, Ð�Ñ�Ñ�Ñ�.JPG 

Артыкул паважанага сп-ра Яўгена прысьвечаны цікавай гістарычнай паралелі да сёньняшняга “Саюза” Беларусі й Расеі. Узгадваюцца падзеі, якія маюць значэньне павучальнага гістарычнага ўроку. Ілюструецца артыкул фотадакументам, які можна азаглавіць так: “Лёгка падпісваць дамовы з уласным агентам”.

Рэдакцыя.

Далей »

Старонка 25 з 39« Першая...1020...2324252627...30...Апошняя »
  • Старонкі

  • Катэгорыі

  • Апошнія запісы

  • Архівы