nashaziamlia.org

Асьветна-адукацыйны, грамадазнаўчы сайт для беларусаў: аналіз, прагноз, сілы, інтарэсы, сьветагляды, ідэі, ідэалогіі, праграмы, мэты.

2.5.3. Сусьветная закуліса

Сяргей Высоцкі пра галоўнае ў леташніх пратэстах у Беларусі

май 19, 2021 | 14 каментарыяў

Рэдакцыя.

Месяц таму лідар АК БПС-Самаабарона С. Высоцкі даў вялікае інтэрвю вядомай усім нашым чытачам Алёне Васільевай – беларускай ютуб-блогерцы, якая сёньня жыве ва Украіне. Яно было прысьвечана леташнім падзеям у Беларусі й асьвятліла шэраг прынцыповых фактаў, якія могуць найістотна паўплываць на палітычны сьветагляд многіх беларусаў (асабліва непасрэдных удзельнікаў тых гістарычных падзей). Інтэрвю Высоцкага стала “прарыўным” для канала пані Васільевай, набраўшы рэкордную для яго колькасьць праглядаў. Таму мы вырашылі ня толькі падаць на нашым сайце адпаведны е-адрас гэтага інтэрвю (дарэчы, ён такі: https://www.youtube.com/watch?v=wXep9kPbh3Q), а і выставіць яго нязначна скарочаную атэкстоўку. Так, Лу-ка – прарасейскі агент, беларусафоб-этнацыдчык, дыктатар-узурпатар, які паставіў на мяжу існаваньня нашу Дзяржаву. Але ўвесь наш жыцьцёвы і грамадска-палітычны досьвед сьведчыць, што гэта яшчэ ня значыць, што тыя, хто ірвуцца яму на замену, лепшыя. Больш за тое, наш прынцып: “чарговы прарасейскі Лу-ка 2 (усе гэтыя бабарыкі-цэпкалы-ціханоўскія) будзе горшы за Лу-ку 1”, – мы па-ранейшаму лічым слушным.

Далей »

З ДНЁМ НЕЗАЛЕЖНАСЬЦІ, СЬВЯТАМ 25 САКАВІКА!

сакавік 23, 2021 | 17 каментарыяў

Усіх беларусаў-вялікалітвінаў віншуем з 103-мі ўгодкамі першага з часоў ВКЛ адраджэньня нашай дзяржаўнасьці. Жадаем кожнаму сумленнаму, працавітаму беларусу і ўсяму нашаму народу штодзённых посьпехаў і зьдзяйсьненьня жыцьцёвых мэт, пры гэтым жыцьця ў міры, годнасьці, дабрабыце, шчасьці, атмасьферы справядлівасьці ды высокай культуры.

На жаль, у гэтым годзе адзначэньне нашага найвялікшага найцыянальнага сьвята будзе адбывацца ва ўмовах, калі на нашай зямлі працягвае панаваць прарасейская беларусафобская дыктатура. Больш за тое, сітуацыя істотна ўскладнілася ды пагоршылася.

Далей »

Трамп ці Байдэн: чаму аўтарытэтныя людзі занялі супрацьлеглыя пазіцыі? (частка 8)

люты 16, 2021 | 5 каментарыяў

Рэдакцыя.

У пытаньні стаўленьня да прэзідэнцкіх выбараў у ЗША высьвецілася адна істотная  зьява (хаця ў пэўным сэнсе і пабочная), якая патрабуе аналізу. Так, назіраючы за ходам кампаніі, узважваючы факты, імкнучыся быць масімальна бесстароннымі, мы з усёй відавочнасьцю мусілі заняць… пратрампаўскія пазіцыі. Гэта падавалася нам настолькі аб’ектыўным ды натуральным, што мы былі вельмі зьдзіўлены, калі высьветлілася, што многія на выгляд аўтарытэтныя і нават паважаныя намі людзі ў прэзідэнцкай гонцы аказаліся заўзятарамі зусім іншай каманды – байданаўскай. Пагадзіцеся, істотная супярэчнасьць, а таму адначасна і важная тэма для аналізу. Таму далей давайце зробім так: зафіксуем пазіцыі многіх людзей, да меркаваньняў якіх мы лічым вартым прыслухоўвацца, а затым паспрабуем высьветліць прычыны іх палітычна-сьветагляднай альтэрнатыўнасьці.  Але перад гэтым мы зробім адно акцэнтаванае папярэджаньне…

Далей »

Трамп ці Байдэн: з 20.01.2021 людская цывілізацыя пачала жыць у антыўтопіі (частка 7)

студзень 25, 2021 | 7 каментарыяў

Рэдакцыя.

Некаторыя нашы чытачы прапануюць нам не выходзіць геаграфічна далёка за межы Беларусі ў аналізе нашых беларуска-літвінскіх праблем. Аднак мы ведаем (як, напэўна, і многія іншыя), што для таго, каб нашы праблемы аналізаваць ня толькі на ўзроўні пытаньняў “што?”, “дзе?”, “калі?”, “як?” (гэта і бяз нас робяць шматлікія СМДІ, наўмысна абмяжоўваючы ўзровень разуменьня рэчаіснасьці ў сваіх аўдыторыях), а і на ўзроўні пытаньняў “чаму?” (тым больш “навошта?”), нам трэба выходзіць за межы Беларусі. Прычына простая: ня столькі падзеі ў Беларусі вызначаюць падзеі ва ўсім людскім Сьвеце, колькі наадварот: падзеі ў маштабе ўсяго чалавецтва істотна ўплываюць на тое, што адбываецца ў Беларусі. Таму мы так упарта працягваем сачыць за ЗША – у значнай ступені палітычным і тэхналагічным цэнтрам сёньняшняй людскай цывілізацыі. У даным выпадку мы будзем аналалізаваць асноўнае з таго, што зьвязана з разьвітальным выступам Трампа й інаўгурацыяй Байдэна. Выснова з нашага аналізу падана вышэй у назве данай часткі матэрыялаў. Як мы да яе прыйшлі, падана ніжэй.

Далей »

Трамп ці Байдэн: ці ўсе адказныя асобы ЗША здрадзяць сваёй дзяржаве? (частка 4)

студзень 4, 2021 | 17 каментарыяў

Рэдакцыя.

Калі вы думаеце, што пад ціскам фактаў (напрыклад, тых, што прыведзены ў дзьвюх папярэдніх частках даных матэрыялаў ды шматлікіх іншых, якія засталіся “за кадрам”) амерыканскія “дэмакраты-лібералы” масава кінуліся іх пераправяраць, а затым, каб пазбавіцца ад пачуцьця глыбокага, пакутлівага сораму (за падрыў даверу жыхароў ЗША ды іншых краін да амерыканскай дэмакратыі), пачалі вымольваць прабачэньні за сваю партыю і яе “асобных актывістаў”, вы моцна памыляецеся. Аснова рэакцыі “лібералаў” супрацьлеглая – ня проста адрынаньне фактаў (нават без павярхоўнага азнаямленьня ды аналізу), а іх поўнае ігнараваньне, прыпраўленае ноткамі штучнай іроніі ды пагарды. Пры гэтым бачна, што для іх галоўнае – не закранаць зьмест праблемы, які ў тым, што большасьць грамадзян ЗША абрала сваім прэзідэнтам Дональда Трампа і што гэты вынік быў нахабна скрадзены камандай Байдэна і тымі, хто за ёй стаіць. Яны проста ставяць людзей перад чарговым “зьдзейсьненым фактам”. Адзначанае асабліва выразна праступае ў інфармаваньні грамадзян ЗША СМДІ (сродкамі масавай дэзынфармацыі) данай краіны (якія, нагадаем, на 95% знаходзяцца ў руках “дэмакратаў ЗША”). Таму давайце далейшы наш аналіз падзей у ЗША зь іх і пачнем.

Далей »

Трамп ці Байдэн: перадкалядная прамова Трампа, якую чула няшмат амерыканцаў (частка 3)

снежань 26, 2020 | 4 каментарыя

Рэдакцыя.

Многія з нашых чытачоў, якія мала ведаюць пра цяперашнюю сітацыю ў ЗША, могуць падумаць: “Што за лухта? Прэзідэнт ЗША перад сьвятамі робіць прамову, якая мае найважнейшае значэньне для далейшага лёсу гэтай дзяржавы, а яе жыхары – прычым, масава – гэтую прамову ня чулі”. А справа ў тым, што былы “ўзор дэмакратыі са свабодай ды канкурэнцыяй СМІ, свабодай слова і меркаваньняў” сёньня знаходзіцца ў стане ня проста падобным, напрыклад, на былы таталітарны СС, а і ў яшчэ больш антыўтапічным стане. Паспрабаваў бы які-небудзь рэдактар у СС не паказаць па тэлевізары прамову, напрыклад, генеральнага сакратара КПСС… У ЗША ж сёньня такое магчыма. Вядучыя электронныя СМДІ Амерыкі проста ігнаруюць прэзідэнта Трампа. Таму праслухаць яго прамову – гэта сёньня прывілея для нямногіх. У т.л. вас, нашы наведвальнікі. Яе зьмест узяты адсюль (https://www.youtube.com/watch?v=DeGsjztDNl8), перакладзена на нашу мову (з рускай ды англійскай) і атэкставана намі.

Далей »

Трамп ці Байдэн: пасьля выбараў у ЗША прайшло паўтара месяцы, але… (частка 2)

снежань 20, 2020 | 24 каментарыя

Рэдакцыя.

 

 

Увесь гэты час усе “ліберальныя” СМДІ (а імі ў ЗША і Еўразьвязе захоплена больш за 90% інфармацыйнай прасторы) называюць Байдэна “абраным прэзідэнтам”. Той  публічна выступае ў гэтай ролі з рознымі заявамі (праўда, нячаста – узрост, аднак), робіць прызначэньні ў склад сваёй адміністрацыі (https://ru.euronews.com/2020/11/24/biden-s-picks). Між тым, у сямі спрэчных Штатах ЗША працягваюцца перападлікі бюлетэняў і судовыя разьбіральніцтвы, у чым можна пераканацца, калі зазірнуць на сайт, які падае афіцыйныя зьвесткі пра вынікі прэзідэнцкіх ды іншых выбараў у ЗША (гл. фота зьлева;  https://www.theepochtimes.com). Большасьць людзей у Беларусі й ЕЗ, якія адмыслова не шукаюць інфармацыю пра тое, што на самай справе адбываецца, працягваюць верыць у перамогу Байдэна. Між тым, у ЗША сітуацыя ўсё больш напружваецца і адначасна вагаецца ў той ці іншы бок (тыя, хто атрымлівае праўдзівыя зьвесткі пра вынікі выбараў, усё больш схіляюцца на бок Трампа). Падаем ніжэй дадатковы набор найбольш уражвальных фактаў (вядома, у адпаведнасьць з нашымі ведамі), якія былі сабраны за прайшоўшы час, з мэтай папярэдзіць вас – нашы чытачы – што да актуальнай грамадска-палітычнай сітуацыі ў ЗША.

Далей »

Трамп ці Байдэн: прайшло больш за 3,5 тыдні пасьля галасаваньня, але будучы прэзідэнт ЗША па-ранейшаму невядомы (частка 1)

Лістапад 29, 2020 | 22 каментарыя

Рэдакцыя.

 

Галасаваньне, нагадаем, адбылося 3 лістапада г.г. Чакалася, што ўжо 5-га лістапада, у скрайнім выпадку 6-га, стане вядома імя прэзідэнта ЗША на 2020-24 гг. Аднак, рэчаіснасьць аказалася іншай. Як і да выбараў, па пытаньні, хто абраны прэзідэнтам ЗША, па-ранейшаму маем толькі два лагеры прыхількаў – Байдэна і Трампа – са сваімі меркаваньнямі. У гэтай сітуацыі нам толькі і застаецца, што прыглядацца да прадстаўнікоў гэтых лагераў і ўзважваць наборы іх аргументаў, каб самім паспрабаваць з’арыентавацца ў сітуацыі. Дарэчы, гэта не такая і бессэнсоўная справа – крызісная, напружана-бурлівая палітычная сітуацыя дазваляе значна лепш убачыць, хто чаго варты, зазірнуць у глыбінны зьмест грамадскага жыцьця ў ЗША. Яно для гэтага становіцца непараўнальна больш адкрытым, чым у час лагоднай плыні падзей.

Далей »

Трамп ці Байдэн: апошні дзень рабіць прагнозы

Лістапад 2, 2020 | 14 каментарыяў

Рэдакцыя.

Падзеі, якія адбываюцца цяпер у Беларусі – гэта без сумневу падзеі №1 ва ўсім цэнтральна-еўрапейскім рэгіёне. Аднак, у сусьветным маштабе тое, што будзе адбывацца ў ЗША ў бліжэйшыя дні, пачынаючы ад заўтра, несумненна важней. А заўтра там адбудзецца канчатковая і вырашальная фаза галасаваньня па пытаньні: каму быць прэзідэнтам ЗША наступныя 4 гады. У данай кароткай абвестцы мы хацелі б зафіксаваць “стаўкі”, зробленыя некаторымі асобамі, якія для многіх зьяўляюцца дастаткова вялікімі аўтарытэтамі. Мы падабралі групу з 4 чалавек, хто адпавядаў некалькім прынцыповым крытэрам – тых, хто некалі быў грамадзянамі на тэрыторыі былога СС (таму ведае расейскую), а цяпер зьяўляецца жыхаром ЗША, і адначасна ёсьць чалавекам шырока вядомым, дзякуючы рэгулярным выступам (найперш на Ютубе) з палітычнай аналітыкай ды прагнозамі.

Далей »

Што сёньня кажа “Захад” пра Беларусь і наш народ

Верасень 24, 2020 | 5 каментарыяў

Рэдакцыя.

Падзеі, якія пачаліся ў Беларусі ў першай дэкадзе жніўня і працягваюцца сёньня, сталі настолькі нечаканым і яркім грамадска-палітычным фактам (і ўжо нават гістарычным), што не маглі не справакаваць, як мы яго называем, “эфект крука ў лесе”. То бок, многія з тых міжнародных структур і адказных асоб, якія іх прадстаўляюць – людзей на вялікіх дзяржаўных пасадах, хто ў іншых абставінах мог бы моўчкі адседзецца ў сваіх офісах, замках, бунгала, сёньня мусяць (!) рабіць адваротнае – публічна выказвацца, даючы свае ацэнкі таму, што адбываецца ў нашай Бацькаўшчыне. За 26 гадоў яны, магчыма, не прысьвяцілі Беларусі й 26 хвілін сваёй увагі, затое ў апошнія дні мусяць аддаваць значна больш. І ў гэты самы момант мы можам пабачыць-пачуць ня толькі сам тэкст іх заяў, а і на грунце таго, што імі было абнародавана, ацаніць тое, чым напраўду “жывуць і дыхаюць” гэтыя людзі, які іх грамадска-палітычны сьветагляд. У гэтым заключаецца істотная дадатковая карысьць (у дадатак да факта саміх выказваньняў) ад пралёта беларускага “крука” над заходнім “лесам”.

Далей »

Выстаўляем пазіцыі на праверку часам (+дадатак)

жнівень 14, 2020 | 28 каментарыяў

Рэдакцыя.

Сёньня 14 жніўня 2020 г., пятніца. Прайшло чацьвёра сутак пасьля завяршэньня “выбараў” у Беларусі, ідуць пятыя. Ужо адбыліся дастаткова шматлюдныя пратэсты з новымі варыянтамі паводзін пратэстоўцаў, якіх раней не было (у прыватнасьці, былі напады на АМАПаўцаў). Ужо вядома пра затрыманьне тысяч людзей па ўсёй Беларусі, пра першыя сьмяротныя ахвяры (у аднаго маладзёна, па афіцыйных зьвестках, “у руках выбухнула самаробная граната”, другі сканаў у шпіталі пасьля “знаходжаньня ў міліцэйскім пастарунку”). Паступілі першыя зьвесткі пра пачатак страйкаў на прадпрыемствах… Многія, хто ўчора стаяў уздоўж дарог па ўсёй Беларусі (у т.л. у нашай Гародні), знаходзіліся ў эйфарыі. Мы палітычна нашмат больш дасьведчаныя ад абсалютнай большасьці пратэстоўцаў, таму думаем пра тое, што на самай справе адбываецца, і што будзе пасьля гэтых забурэньняў. Паколькі ўжо сёньня стала дастаткова верагодным, што Лу-ка наўрад ці надоўга захавае сваю ўладу, ключавое пытаньне гучыць так: хто скарыстаецца з гэтага змаганьня беларусаў за свабоду? Ці можа галоўным выгадаатрымальнікам аказацца расейская імперыякратыя? Альбо глабалісцкая фін.алігархія? А, можа, гэтыя соцыяпаразітныя сілы дамовіліся паміж сабой і ўжо падзялілі нашу зямлю, уладу і ўласнасьць на ёй? Сёньняшні матэрыял мы склалі з выказваньняў вядомых людзей, якія хаця б трохі закраналі адзначанае пытаньне (для наступных нашых высноў пра іх і для гісторыі).

Далей »

Запамінаем: ёсьць дзьве Амерыкі, і паміж імі – вайна (частка 8: першыя рэакцыі Трампа)

Ліпень 11, 2020 | 14 каментарыяў

Рэдакцыя.

Пасьля інфармаваньня пра актуальныя падзеі ў ЗША (якія, дарэчы, хуткімі тэмпамі разьвіваюцца ў кірунку далейшай хаатызацыі грамадскага жыцьця, запужваньня людзей, падрыву эканомікі), час апавесьці пра рэакцыю з боку прадстаўнікоў рэспубліканскай партыі. І тут высьвятляецца, што большасьць рэспубліканскіх сенатараў, губернатараў ды мэраў абралі для сябе за лепшае тактыку сачэньня за падзеямі ды… маўчаньня. Аналагічным чынам да нядаўняга часу паводзіў сябе і прэзідэнт ЗША Дональд Трамп. Аднак апошнія некалькі тыдняў ён пачаў праяўляць пэўную актыўнасьць. На жаль, пра тое, што Трамп пачаў рабіць у данай сітуацыі, мы практычна нічога ня можам даведацца ні зь еўрапейскіх, ні з вялікіх амерынканскіх СМДІ (напрыклад, Еўраньюс, CNN ці аналагічных – адтуль ідзе пераважна хлусьня, нагнятаньне страху ды нянавісьці, у лепшым выпадку замоўчваюцца важныя факты). Даводзіцца шукаць больш-менш даставерныя крыніцы інфармацыі ў Сеціве. Нас цікавіла два асьпекты: якой у цэлым была накіраванасьць дзейнасьці Трампа на пасадзе прэзідэнта ЗША (першы) і што ён робіць у апошні час у адказ на дэструктыўныя дзеяньні прадстаўнікоў “дэмакратычнай” партыі ЗША і тых, хто за імі стаіць (другі). На наш погляд, дастаткова сэнсоўную інфармацыю па гэтых пытаньнях мы атрымалі ад ужо вядомага нашым чытачам сп. Лявона Вайнштэйна. Падаем яе ніжэй.

Далей »

Запамінаем: ёсьць дзьве Амерыкі, і паміж імі – вайна (частка 7: меркаваньні яшчэ трох)

Ліпень 6, 2020 | Каментары (1)

Рэдакцыя.

Для таго, каб канчаткова пераканацца ў стаўленьні белых амерыканцаў – выхадцаў з былога СС – што да апошніх падзей у ЗША, мы вырашылі зафіксаваць на нашым сайце меркаваньні яшчэ трох рускамоўных амерыканцаў. Першыя два зь іх – вядоўцы радыё “Народная хваля Чыкага” Сяргей Зацэпін (на фота зьлева) і Анатоль Чэрвец (на фота справа). Яны сярод іншага выказваюцца пра кошты “барацьбы з пандэміяй” у ЗША, пра тое, каго на свае сьцягі ўзьнялі “дэмакратычныя актывісты”, пра “сістэмны расізм” у ЗША, пра ўставаньне на калені вайскоўцаў і паліцэйскіх, пра дэфекты амерыканскай адукацыі (узята адсюль: https://www.youtube.com/watch?v=jfyKobw_EY0).

Далей »

Запамінаем: ёсьць дзьве Амерыкі, і паміж імі – вайна (частка 6: меркаваньне Ігара Гіндлера)

Ліпень 3, 2020 | Няма каментараў

Рэдакцыя.

У сувязі з апошнімі падзеямі ў ЗША нечакана вялікую актыўнасьць у Сеціве і, у прыватнасьці, на Ютубе,  пачалі праяўляць амерыканскія габрэі – рускамоўныя выхадцы з былога Саўка і пазьнейшай Расеі. Абсалютная большасьць зь іх займае праТрампаўскія, а не ліберастычныя пазіцыі, выступае за Ізраіль, а не за захаваньне габрэяў-юдэяў у выглядзе соцыя-паразітных дыяспараў у розных краінах на ўтрыманьні глабалістаў. У папярэднім нашым матэрыяле данай серыі мы прарэкламавалі аднаго з прадстаўнікоў такой групы. Сёньня падаем асноўныя выказваньні яшчэ двух – Ігара Цэсарскага, які размаўляе зь Ігарам Гіндлерам (гл. фота; узята адсюль: https://www.youtube.com/watch?v=iiEFTTot3R8). На наш погляд, гэтыя людзі выказваюць многія істотныя ды праўдзівыя факты і слушныя меркаваньні, якія дапамагаюць лепш зразумець тое, што сёньня адбываецца ў ЗША. Але не з усім, бывае, мы згодныя. Напрыклад, некаторыя рускамоўныя амерыканскія габрэі чамусьці выступаюць супраць украінскага Майдану і зносу помнікаў дыктатару Леніну ва Украіне…

Далей »

Запамінаем: ёсьць дзьве Амерыкі, і паміж імі – вайна (частка 5: інфармацыя ад Лявона Вайнстайна)

Чэрвень 23, 2020 | 2 каментарыя

Рэдакцыя.

 

Інтэрвю сп. Іларыёнава, якое выстаўлена раней, выглядае настолькі нечаканым, што мы вырашылі падмацаваць  меркаваньні, выказаныя ў ім, словамі яшчэ якога-небудзь жыхара ЗША. Ім стаў Лявон Вайнстайн – вядомы публіцыст з Лос-Анжэлеса (гл. фота), які даў інтэрвю украінскаму каналу  SobiNews (гл. тут – https://www.youtube.com/watch?v=jFghxhWrfGQ). Падаем ніжэй галоўныя тэзісы гэтага інтэрвю.

Далей »

Запамінаем: ёсьць дзьве Амерыкі, і паміж імі – вайна (частка 4: інфармацыя А.Іларыёнава)

Чэрвень 20, 2020 | 5 каментарыяў

Рэдакцыя.

У дзень выстаўленьня нашага ранейшага матэрыялу нарэшце зьмястоўнае інтэрвю што да актуальнай сітуацыі ў ЗША  даў сп. Андрэй Іларыёнаў (назва: Другая грамадзянская вайна ў ЗША пачалася 4-5 лютага 2020 года). У ім ён у значнай ступені выказаў тое, што мы зьбіраліся адзначыць у заключным, абагульняючым матэрыяле данай серыі матэрыялаў пра дзьве Амерыкі й вайну паміж імі. З аднаго боку, гэта нас трохі засмуціла (ня мы будзем першымі!), з іншага боку – стала падставай для радасьці, бо нашы падазрэньні аб зьвязанасьці паміж сабой “каронавіраснай пандэміі” страху і цяперашніх “расавых забурэньняў” у ЗША былі пацьверджаны спадаром Іларыёнавым. Таксама ён пацьвердзіў тое галоўнае, на што мы нацэлілі даную серыю матэрыялаў: паказаць, што карані вайны – не на жыцьцё, а на сьмерць – якая адбываецца ў ЗША, абумоўлены невырашальнымі супярэчнасьцямі паміж двума палітычнымі “элітамі”, якія базуюцца ў ЗША (застаецца яшчэ тое-сёе істотнае, на што мы зьвернем увагу пазьней). Хто жадае, можа паслухаць усё інтэрвю сп. Андрэя тут – https://www.youtube.com/watch?v=r2mq54VxG4U. Ніжэй мы падаем галоўныя тэзісы зь яго прамовы.

Далей »

Запамінаем: ёсьць дзьве Амерыкі, і паміж імі – вайна (частка 3: меркаваньні скрайніх)

Чэрвень 17, 2020 | 4 каментарыя

Рэдакцыя.

Пасьля меркаваньняў розных асоб, якія яшчэ ніколі не выступалі на нашым сайце і раней мала каму былі вядомыя (гл. папярэднюю частку данай серыі), мы палічылі лагічным падаць меркаваньні што да расавых забурэньняў у ЗША, наадварот, асоб вядомых і ў дадатак са скрайняй ідэалагічнай пазіцыяй – з аднаго боку, тых, хто прапагандуе інтарэсы “глыбіннай дзяржавы” (т.б., глабалісцкай фінансавай алігархіі й усёй яе ліберастычнай агентуры ў палітычным класе, буйных СМДІ, універсітэтах), а, з другога боку, падаць меркаваньні агентаў расейскай імперыякратыі. Т.ч., скрайне левых і скрайне правых. Што з гэтай задумы атрымалася, можна ўбачыць ніжэй.

Далей »

Запамінаем: ёсьць дзьве Амерыкі, і паміж імі – вайна (частка 2: меркаваньні)

Чэрвень 13, 2020 | 4 каментарыя

Рэдакцыя.

 

 

Цяпер давайце паслухаем меркаваньні  людзей, якія зьяўляюцца непасрэднамі сьведкамі нядаўніх пагромных падзей у ЗША ці шмат жылі там і ў большай ці меншай ступені разьбіраюцца ў сітуацыі.

Далей »

Запамінаем: ёсьць дзьве Амерыкі, і паміж імі – вайна (частка 1: факты)

Чэрвень 9, 2020 | Каментары (1)

Рэдакцыя.

І гаворка не пра супрацьстаяньне паміж Паўночнай ды Паўднёвай Амерыкаміі – пра іншае…

За пошнія амаль тры дзесяцігоддзі, якія прайшлі  пасьля 1991 году, мала было перыядаў, каб падзеі, якія адбываюцца ў Беларусі, вакол яе і ў Сьвеце, былі настолькі насычанымі і напружанымі. Пры гэтым тое, што бачым і пабачым унутры нашай краіны, у значнай ступені вызначаецца тым, што адбываецца за яе межамі – у Расеі, Еўропе, ЗША. Тым часам у Штатах рэзка абвастрылася супрацьстаяньне паміж чорнай і белай “Амерыкамі”. Але і гэтае супрацьстаяньне, якое ў чарговы раз у выглядзе малой грамадзянскай вайны вырвалася на паверхню, не галоўнае. А якое галоўнае, давайце паспрабуем разабрацца.

Далей »

Калекцыя меркаваньняў пра новы каронавірус і выкліканую ім пандэмію: Пажывем – пабачым… (частка 9)

май 3, 2020 | 8 каментарыяў

Рэдакцыя.

Сёньняшнюю частку матэрыялаў, прысьвечаных новай каронавіруснай “пандэміі”, мы вырашылі прысьвяціць адной з ключавых зьяў, якая яе суправаджае. Гэта страх, які з дапамогай ключавых заходніх палітыкаў, вядучых замежных і “беларускіх апазіцыйных”  СМДІ быў накінуты на наша беларускае грамадства (як, дарэчы, і на іншыя народы Еўропы і сьвету). Больш за месяц таму, калі ўся сітуацыя, зьвязаная з данай падзеяй, толькі пачынала набіраць значны маштаб, мы ўбачылі, што яе галоўная частка абумоўлена ня столькі рэальным негатыўным значэньнем эпідэміі COVID-19, колькі штучна створанай вакол яе атмасьферай страху (прычым, у прапорцыях, блізкіх да тых, якія паказаны на малюнку: чорная плямка – рэальны памер праблемы; шэрым фонам пазначыны памер наўмысна створанага страху). На тое, што такая наша пазіцыя верная, мы паставілі наш аўтарытэт, запрапанавалі іншым зрабіць свае стаўкі. Але і сёньня, калі наша і такіх, як мы, шукальнікаў праўды правата становіцца ўсё больш відавочнай, большасьць бацькоў, напрыклад, у нашым Гродна не пускаюць сваіх дзяцей у школу, а некаторыя наведвальнікі нашага сайта лічаць, што верагоднасьць сьмерці ад новага каронавіруса ў тых, хто захварэў, блізкая да 50%… Таму ніжэй мы даем спасылкі на меркаваньні найперш адмыслоўцаў (эпідэміёлагаў, мікрабіёлагаў, практыкуючых лекараў – іх фоты паказаны ніжэй), якія дапамогуць нашым чытачам убачыць рэальны памер праблемы.

Далей »

Калекцыя меркаваньняў пра новы каронавірус і выкліканую ім пандэмію: Пажывем – пабачым… (частка 4)

красавік 6, 2020 | 7 каментарыяў

Рэдакцыя.

Улічваючы агульную сітуацыю, калі паніка вакол “каронавіруснай пандэміі” не сьціхае, а яе ініцыятары не супакойваюцца, мы вырашылі працягнуць тэму. Паколькі асноўнае, што датычыць прынцыповых пытаньняў вакол каронавіруснай інфекцыі, ужо разабрана, галоўнае, на чым вырашана сканцэнтравацца ў данай частцы, гэта на фіксацыі тых крыніц інфармацыі й тых асоб, якія альбо працягваюць раздуваць гістэрыю, альбо даюць праўдзівую, карысную для людзей інфармацыю (і яшчэ заўважым: усе выстаўленыя ніжэй факты былі выяўлены пасьля выстаўленьня папярэдняга нашага матэрыялу, што стала грунтам для выяўленьня дасёньня невядомага нам феномена – наколькі мысьленьне і паводзіны прыстойных, рацыянальна арганізаваных людзей падобныя і, адпаведна, адрозьніваюцца ад людзей прадажных, якія працуюць пад заказ ці па загадзе).

Далей »

Старонка 1 з 1012345...10...Апошняя »
  • Старонкі

  • Катэгорыі

  • Апошнія запісы

  • Архівы