Беларусь – наша зямля

1.6. Сьвет сёньня

“Беларускае” зьнебазьняцьце. Частка 1: прызнаньні і пакаяньні Пратасевіча

9 чэрвеня, 2021 | 11 каментарыяў

Рэдакцыя.

Падзеі вакол захопу Рамана Пратасевіча лукашэнкаўскімі ўладамі, а затым вакол яго прызнальнага інтэрвю мелі для Беларусі (і ня толькі!) характар чарговага (і тыповага) эфекту крука ў лесе. Натуральна, мы не маглі прайсьці міма гэтых падзей, не сабраўшы адпаведны ўраджай новых палітычных фактаў й ідэалагічных ведаў. Нязначна скарочанай тэкставай версіяй інтэрвю Пратасевіча журналісту Маркаву (яе мы набіралі сіламі рэдакцыі) мы пачынаем працэс збору названага ўраджая. Спадзяемся, калі дазволяць абставіны, яго працягнуць. “У жывую” праслухаць інтэрвю можна тут: https://www.youtube.com/watch?v=J-PmITXlkgU – ці тут: https://www.youtube.com/watch?v=Ov1K-f930UA. З нагоды лічым неабходным заявіць, што мы супраць практыкі падобных акцый “зьнебазьняцьця”, заклікаем спыніць фізічны ды псіхічны ціск (калі такі мае месца) на чыста палітычных зьняволеных у Беларусі і тэрмінова ўсіх іх вызваліць.

Катэгорыі: 1.3. Беларусь сёньня, 1.3.1. Беларусь. Асобы, 1.6. Сьвет сёньня, 2.3. Такая "апазіцыя", 2.5. Прыглядаемся да Захаду, 2.5.1. Дэградацыя ЕўраЗьвязу, 3.4. Украіна, 3.4.1. Польшча, 3.4.2. Прыбалтыка, 3.7. Метады прапаганды, 4.9. Тэрарызм?, 5.2. Маніпуляваньне СМІ

Трамп ці Байдэн: чаму аўтарытэтныя людзі занялі супрацьлеглыя пазіцыі? (частка 8)

16 лютага, 2021 | 5 каментарыяў

Рэдакцыя.

У пытаньні стаўленьня да прэзідэнцкіх выбараў у ЗША высьвецілася адна істотная зьява (хаця ў пэўным сэнсе і пабочная), якая патрабуе аналізу. Так, назіраючы за ходам кампаніі, узважваючы факты, імкнучыся быць масімальна бесстароннымі, мы з усёй відавочнасьцю мусілі заняць… пратрампаўскія пазіцыі. Гэта падавалася нам настолькі аб’ектыўным ды натуральным, што мы былі вельмі зьдзіўлены, калі высьветлілася, што многія на выгляд аўтарытэтныя і нават паважаныя намі людзі ў прэзідэнцкай гонцы аказаліся заўзятарамі зусім іншай каманды – байданаўскай. Пагадзіцеся, істотная супярэчнасьць, а таму адначасна і важная тэма для аналізу. Таму далей давайце зробім так: зафіксуем пазіцыі многіх людзей, да меркаваньняў якіх мы лічым вартым прыслухоўвацца, а затым паспрабуем высьветліць прычыны іх палітычна-сьветагляднай альтэрнатыўнасьці. Але перад гэтым мы зробім адно акцэнтаванае папярэджаньне…

Катэгорыі: 1.6. Сьвет сёньня, 2.5. Прыглядаемся да Захаду, 2.5.2. ЗША, прыкметы дэградацыі, 2.5.3. Сусьветная закуліса, 2.7.1. Заходнікі крытыкуюць Зах., 4.1.4. Змаганьне за дэмакратыю, 5.2. Маніпуляваньне СМІ

Масква ладзіць для Беларусі чарговую пастку

3 лютага, 2021 | 15 каментарыяў

Рэдакцыя.

Апошнія падзеі ў ЗША істотна зрушылі баланс геапалітычных сіл, характэрны для эпохі Трампа. Гэта ня можа не адбіцца на сітуацыі ў Беларусі й вакол яе. Ёсьць яўныя прыкметы, што ў Крамлі небясьпечна заварушыліся. І пакуль цяперскія ўлады заходзяцца антызаходняй рыторыкай ды ваююць з нацыянальнай сімволікай, пакуль “новая апазіцыя” шукае спосабы, каб мацней ударыць па нашай эканоміцы, у Крамлі ідзе напрацоўка стратэгіі па дэстабілізацыі становішча ў Беларусі для чарговага ўдару на нашай дзяржаве. Таму мы часова “вяртаемся ў Беларусь”, каб папярэдзіць пра азначанае праз падачу і на нашым сайце сьвежага артыкула вядомага беларускага эксьперта Арсена Сівіцкага (гл. фота ўверсе; узята адсюль: https://t.me/forstrategy/104).

Катэгорыі: 1.3. Беларусь сёньня, 1.6. Сьвет сёньня, 2.2. Фіксуем варварства ўладаў, 2.3. Такая "апазіцыя", 3.1. Імпербюракратыя Расеі, 3.3. Мясцовыя цяперцы, 4.1.4. Змаганьне за дэмакратыю

Трамп ці Байдэн: з 20.01.2021 людская цывілізацыя пачала жыць у антыўтопіі (частка 7)

25 студзеня, 2021 | 11 каментарыяў

Рэдакцыя.

Некаторыя нашы чытачы прапануюць нам не выходзіць геаграфічна далёка за межы Беларусі ў аналізе нашых беларуска-літвінскіх праблем. Аднак мы ведаем (як, напэўна, і многія іншыя), што для таго, каб нашы праблемы аналізаваць ня толькі на ўзроўні пытаньняў “што?”, “дзе?”, “калі?”, “як?” (гэта і бяз нас робяць шматлікія СМДІ, наўмысна абмяжоўваючы ўзровень разуменьня рэчаіснасьці ў сваіх аўдыторыях), а і на ўзроўні пытаньняў “чаму?” (тым больш “навошта?”), нам трэба выходзіць за межы Беларусі. Прычына простая: ня столькі падзеі ў Беларусі вызначаюць падзеі ва ўсім людскім Сьвеце, колькі наадварот: падзеі ў маштабе ўсяго чалавецтва істотна ўплываюць на тое, што адбываецца ў Беларусі. Таму мы так упарта працягваем сачыць за ЗША – у значнай ступені палітычным і тэхналагічным цэнтрам сёньняшняй людскай цывілізацыі. У даным выпадку мы будзем аналалізаваць асноўнае з таго, што зьвязана з разьвітальным выступам Трампа й інаўгурацыяй Байдэна. Выснова з нашага аналізу падана вышэй у назве данай часткі матэрыялаў. Як мы да яе прыйшлі, падана ніжэй.

Катэгорыі: 1.5. Сьвет будучы, 1.6. Сьвет сёньня, 2.5. Прыглядаемся да Захаду, 2.5.2. ЗША, прыкметы дэградацыі, 2.5.3. Сусьветная закуліса, 2.7.1. Заходнікі крытыкуюць Зах., 2.8. Кірункі глабалізацыі, 4.1.4. Змаганьне за дэмакратыю

Цяпер чакаем падзей 23.01.2021, на гэты раз у Маскве

21 студзеня, 2021 | 21 каментарый

Рэдакцыя.

Як, напэўна, ведае большасьць беларусаў, Аляксей Навальны (на фота зьлева) быў атручаны “Навічком”, меркавана, па загадзе Пуціна. Выжыў, ачуняў у Нямеччыне і вярнуўся ў Расею. Там ён быў тут жа арыштаваны і пасаджаны ў вязьніцу. Гэта нізка інцыдэнтаў застанецца ў гісторыі. Як і яе ўдзельнікі: адны – як баязьлівыя забойцы, іншыя – як вельмі мужныя людзі. Напэўна ў сувязі з адзначаным, учора ў сеціве зьявіўся чарговы фільм Навальнага, у якім выкрываюцца карупцыйныя сьхемы, галоўным выгадаатрымальнікам якіх на гэты раз зьяўляецца ўжо сам Пуцін (гл. тут – https://www.youtube.com/watch?v=ipAnwilMncI ; назва: “Дворец для Путина. История самой большой взятки”). За два дні гэты амаль дзьвюхгадзінны фільм прагледзела больш за 40 мільёнаў чалавек – чарговая істотная падзея нашага часу. А трэцяе, што мы лічым вельмі важным, гэта заклік, агучаны ў фільме, выйсьці на вуліцы расейскіх гарадоў у бліжэйшую суботу, каб выказаць пратэст супраць карупцыі ў Расеі й запатрабаваць вызваленьня Аляксея Навальнага. Прапануем нашым чытачам зьвярнуць увагу на апошнія дзьве падзеі.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4.5. Расея

Трамп ці Байдэн: пра галоўнае злачынства “дэмакратаў” ЗША супраць дэмакратыі ў ЗША (частка 6; + дадатак)

17 студзеня, 2021 | 18 каментарыяў

Рэдакцыя.

У сувязі з тым, што ў ЗША абрынуліся ўсе слупы дэмакратыі (пра што мы пісалі ў 4-й частцы данай серыі матэрыялаў), многія людзі, здольныя ня толькі нешта казаць, а і думаць, нібы па камандзе пачалі задаваць пытаньне: а што ў амерыканскай дэмакратыі было разбурана самае галоўнае, з-за чаго яна так хутка і гучна абрынулася? Многія, хто спрабаваў адказаць на гэтае пытаньне, зноў жа, нібы па камандзе, заяўляюць, што гэта – свабода слова, а дакладней, магчымасьць праз СМІ перадаваць і атрымліваць ПРАЎДУ (ВЕДЫ) пра найбольш значныя падзеі (зьявы) у ЗША і Сьвеце. Тэзіс, якія ня раз выкарыстоўвалі мы, што абсалютная большасьць буйных СМІ вось ужо шмат гадоў як ператворана ў СМДІ, сёньня ўсё часьцей сустракаецца ў выказваньнях людзей. Так, між іншым, папярэджваем вас – нашы чытачы, выглядаюць першыя крокі сатанінскай антыўтопіі па Зямлі, якая даволі хутка можа прыйсьці і ў Беларусь… Каб падмацаваць нашы высновы, мы вырашылі выставіць знойдзеныя намі заўвагі на даную тэму самых розных аўтарытэтных асоб. І пачнем мы з прэзідэнта ЗША Дональда Трампа.

Катэгорыі: 1.6. Сьвет сёньня, 2.5. Прыглядаемся да Захаду, 2.5.2. ЗША, прыкметы дэградацыі, 2.5.4. Фіксуем варварства "Захаду", 2.7.1. Заходнікі крытыкуюць Зах., 2.8. Кірункі глабалізацыі, 4.1.4. Змаганьне за дэмакратыю, 5.2. Маніпуляваньне СМІ

Трамп ці Байдэн: вакол падзей 6.01.2021 у Вашынгтоне (частка 5)

10 студзеня, 2021 | 22 каментарыя

Рэдакцыя.

Ня будзем асабліва хваліць сябе, але і не сказаць пра гэта нельга (тым больш, што такая сітуацыя назіраецца ня першы раз): для абсалютнай большасьці жыхароў Беларусі падзеі ў ЗША, зьвязаныя з “захопам пратрампаўскімі пратэстоўцамі” будынку Кангрэсу ЗША (так падаюць падзею “ліберальныя” СМДІ) сталі поўнай нечаканасьцю. “Адкуль усё гэта ўзялося?” – ня могуць уцяміць нашы людзі. Што ж, хай і далей “хваляць” афіцыйныя і апазіцыйныя СМДІ, якія замоўчвалі ці перакручвалі ўсё, што адбывалася ў ЗША, пачынаючы з 3 лістапада. І толькі чытачы нашага сьціплага інфармацынага рэсурсу былі папярэджаны, толькі яны могуць зьмястоўна, аўтарытэтна адказваць на аналагічныя пытаньні з боку сваякоў, суседзяў, калегаў… Але паколькі СМДІ і далей будуць замоўчваць ды перакручваць праўду ці наўпрост хлусіць (мы ў гэтым упэўнены, як у заўтрашнім узыходзе Сонца), мы вырашылі ў меру нашых сіл сабраць ды сістэматызаваць інфармацыю вакол падзей 6.01.2021 ў Вашынгтоне. Тое, што атрымалася, падаем ніжэй.

Катэгорыі: 1.6. Сьвет сёньня, 2.5. Прыглядаемся да Захаду, 2.5.1. Дэградацыя ЕўраЗьвязу, 2.5.2. ЗША, прыкметы дэградацыі, 2.7.1. Заходнікі крытыкуюць Зах., 2.8. Кірункі глабалізацыі, 4.1.4. Змаганьне за дэмакратыю, 5.2. Маніпуляваньне СМІ

Трамп ці Байдэн: ці ўсе адказныя асобы ЗША здрадзяць сваёй дзяржаве? (частка 4)

4 студзеня, 2021 | 19 каментарыяў

Рэдакцыя.

Калі вы думаеце, што пад ціскам фактаў (напрыклад, тых, што прыведзены ў дзьвюх папярэдніх частках даных матэрыялаў ды шматлікіх іншых, якія засталіся “за кадрам”) амерыканскія “дэмакраты-лібералы” масава кінуліся іх пераправяраць, а затым, каб пазбавіцца ад пачуцьця глыбокага, пакутлівага сораму (за падрыў даверу жыхароў ЗША ды іншых краін да амерыканскай дэмакратыі), пачалі вымольваць прабачэньні за сваю партыю і яе “асобных актывістаў”, вы моцна памыляецеся. Аснова рэакцыі “лібералаў” супрацьлеглая – ня проста адрынаньне фактаў (нават без павярхоўнага азнаямленьня ды аналізу), а іх поўнае ігнараваньне, прыпраўленае ноткамі штучнай іроніі ды пагарды. Пры гэтым бачна, што для іх галоўнае – не закранаць зьмест праблемы, які ў тым, што большасьць грамадзян ЗША абрала сваім прэзідэнтам Дональда Трампа і што гэты вынік быў нахабна скрадзены камандай Байдэна і тымі, хто за ёй стаіць. Яны проста ставяць людзей перад чарговым “зьдзейсьненым фактам”. Адзначанае асабліва выразна праступае ў інфармаваньні грамадзян ЗША СМДІ (сродкамі масавай дэзынфармацыі) данай краіны (якія, нагадаем, на 95% знаходзяцца ў руках “дэмакратаў ЗША”). Таму давайце далейшы наш аналіз падзей у ЗША зь іх і пачнем.

Катэгорыі: 1.6. Сьвет сёньня, 2.5. Прыглядаемся да Захаду, 2.5.2. ЗША, прыкметы дэградацыі, 2.5.3. Сусьветная закуліса, 2.8. Кірункі глабалізацыі, 4.1.4. Змаганьне за дэмакратыю, 5.2. Маніпуляваньне СМІ

Трамп ці Байдэн: перадкалядная прамова Трампа, якую чула няшмат амерыканцаў (частка 3)

26 снежня, 2020 | 4 каментарыя

Рэдакцыя.

Многія з нашых чытачоў, якія мала ведаюць пра цяперашнюю сітацыю ў ЗША, могуць падумаць: “Што за лухта? Прэзідэнт ЗША перад сьвятамі робіць прамову, якая мае найважнейшае значэньне для далейшага лёсу гэтай дзяржавы, а яе жыхары – прычым, масава – гэтую прамову ня чулі”. А справа ў тым, што былы “ўзор дэмакратыі са свабодай ды канкурэнцыяй СМІ, свабодай слова і меркаваньняў” сёньня знаходзіцца ў стане ня проста падобным, напрыклад, на былы таталітарны СС, а і ў яшчэ больш антыўтапічным стане. Паспрабаваў бы які-небудзь рэдактар у СС не паказаць па тэлевізары прамову, напрыклад, генеральнага сакратара КПСС… У ЗША ж сёньня такое магчыма. Вядучыя электронныя СМДІ Амерыкі проста ігнаруюць прэзідэнта Трампа. Таму праслухаць яго прамову – гэта сёньня прывілея для нямногіх. У т.л. вас, нашы наведвальнікі. Яе зьмест узяты адсюль (https://www.youtube.com/watch?v=DeGsjztDNl8), перакладзена на нашу мову (з рускай ды англійскай) і атэкставана намі.

Катэгорыі: 1.6. Сьвет сёньня, 2.5. Прыглядаемся да Захаду, 2.5.2. ЗША, прыкметы дэградацыі, 2.5.3. Сусьветная закуліса, 2.7.1. Заходнікі крытыкуюць Зах., 2.8. Кірункі глабалізацыі, 4.1.4. Змаганьне за дэмакратыю, 5.2. Маніпуляваньне СМІ

Трамп ці Байдэн: пасьля выбараў у ЗША прайшло паўтара месяцы, але… (частка 2)

20 снежня, 2020 | 24 каментарыя

Рэдакцыя.

Увесь гэты час усе “ліберальныя” СМДІ (а імі ў ЗША і Еўразьвязе захоплена больш за 90% інфармацыйнай прасторы) называюць Байдэна “абраным прэзідэнтам”. Той публічна выступае ў гэтай ролі з рознымі заявамі (праўда, нячаста – узрост, аднак), робіць прызначэньні ў склад сваёй адміністрацыі (https://ru.euronews.com/2020/11/24/biden-s-picks). Між тым, у сямі спрэчных Штатах ЗША працягваюцца перападлікі бюлетэняў і судовыя разьбіральніцтвы, у чым можна пераканацца, калі зазірнуць на сайт, які падае афіцыйныя зьвесткі пра вынікі прэзідэнцкіх ды іншых выбараў у ЗША (гл. фота зьлева; https://www.theepochtimes.com). Большасьць людзей у Беларусі й ЕЗ, якія адмыслова не шукаюць інфармацыю пра тое, што на самай справе адбываецца, працягваюць верыць у перамогу Байдэна. Між тым, у ЗША сітуацыя ўсё больш напружваецца і адначасна вагаецца ў той ці іншы бок (тыя, хто атрымлівае праўдзівыя зьвесткі пра вынікі выбараў, усё больш схіляюцца на бок Трампа). Падаем ніжэй дадатковы набор найбольш уражвальных фактаў (вядома, у адпаведнасьць з нашымі ведамі), якія былі сабраны за прайшоўшы час, з мэтай папярэдзіць вас – нашы чытачы – што да актуальнай грамадска-палітычнай сітуацыі ў ЗША.

Катэгорыі: 1.6. Сьвет сёньня, 2.5. Прыглядаемся да Захаду, 2.5.2. ЗША, прыкметы дэградацыі, 2.5.3. Сусьветная закуліса, 2.7.1. Заходнікі крытыкуюць Зах., 4.1.4. Змаганьне за дэмакратыю, 4.3. Інтэрнацыяналізм сапраўдн.

Трамп ці Байдэн: прайшло больш за 3,5 тыдні пасьля галасаваньня, але будучы прэзідэнт ЗША па-ранейшаму невядомы (частка 1)

29 лістапада, 2020 | 22 каментарыя

Рэдакцыя.

Галасаваньне, нагадаем, адбылося 3 лістапада г.г. Чакалася, што ўжо 5-га лістапада, у скрайнім выпадку 6-га, стане вядома імя прэзідэнта ЗША на 2020-24 гг. Аднак, рэчаіснасьць аказалася іншай. Як і да выбараў, па пытаньні, хто абраны прэзідэнтам ЗША, па-ранейшаму маем толькі два лагеры прыхількаў – Байдэна і Трампа – са сваімі меркаваньнямі. У гэтай сітуацыі нам толькі і застаецца, што прыглядацца да прадстаўнікоў гэтых лагераў і ўзважваць наборы іх аргументаў, каб самім паспрабаваць з’арыентавацца ў сітуацыі. Дарэчы, гэта не такая і бессэнсоўная справа – крызісная, напружана-бурлівая палітычная сітуацыя дазваляе значна лепш убачыць, хто чаго варты, зазірнуць у глыбінны зьмест грамадскага жыцьця ў ЗША. Яно для гэтага становіцца непараўнальна больш адкрытым, чым у час лагоднай плыні падзей.

Катэгорыі: 1.6. Сьвет сёньня, 2.5. Прыглядаемся да Захаду, 2.5.1. Дэградацыя ЕўраЗьвязу, 2.5.2. ЗША, прыкметы дэградацыі, 2.5.3. Сусьветная закуліса, 2.5.4. Фіксуем варварства "Захаду", 2.7.1. Заходнікі крытыкуюць Зах., 2.8. Кірункі глабалізацыі, 2.9. Цыклічная падзея, 3.2.1. Міжнар.фінанс. алігархія, 4.1. Дэмакратыя, 4.1.4. Змаганьне за дэмакратыю, 4.3. Інтэрнацыяналізм сапраўдн., 4.8. Важныя сайты, 5.2. Маніпуляваньне СМІ

Трамп ці Байдэн: апошні дзень рабіць прагнозы

2 лістапада, 2020 | 14 каментарыяў

Рэдакцыя.

Падзеі, якія адбываюцца цяпер у Беларусі – гэта без сумневу падзеі №1 ва ўсім цэнтральна-еўрапейскім рэгіёне. Аднак, у сусьветным маштабе тое, што будзе адбывацца ў ЗША ў бліжэйшыя дні, пачынаючы ад заўтра, несумненна важней. А заўтра там адбудзецца канчатковая і вырашальная фаза галасаваньня па пытаньні: каму быць прэзідэнтам ЗША наступныя 4 гады. У данай кароткай абвестцы мы хацелі б зафіксаваць “стаўкі”, зробленыя некаторымі асобамі, якія для многіх зьяўляюцца дастаткова вялікімі аўтарытэтамі. Мы падабралі групу з 4 чалавек, хто адпавядаў некалькім прынцыповым крытэрам – тых, хто некалі быў грамадзянамі на тэрыторыі былога СС (таму ведае расейскую), а цяпер зьяўляецца жыхаром ЗША, і адначасна ёсьць чалавекам шырока вядомым, дзякуючы рэгулярным выступам (найперш на Ютубе) з палітычнай аналітыкай ды прагнозамі.

Катэгорыі: 1.6. Сьвет сёньня, 2.5. Прыглядаемся да Захаду, 2.5.3. Сусьветная закуліса, 5.2. Маніпуляваньне СМІ

Ці здольна большасьць вучыцца на чужым досьведзе (частка 1)

1 лістапада, 2020 | 13 каментарыяў

Рэдакцыя.

Мы ад пачатку перад- і пасьлявыбарчых падзей у Беларусі заклікаем нашых людзей не разглядаць неабходнасьць замены Лу-кі на вышэйшай дзяржаўнай пасадзе на іншую асобу ў адрыве ад захаваньня і ўмацаваньня нашай незалежнасьці. А такое магчыма толькі, калі ў пазітыўным ключы можа быць вырашана пытаньне: на каго мяняць? Калі не на сапраўднага беларускага патрыёта (а такія людзі ёсьць!; адзінае, што іх не пускае пад сафіты грамадска-палітычнага жыцьця інтэрнацыянальная мафія – саюз імперастаў зь ліберастамі), а на чарговага агента Крамля – Луку 2.0, гэта будзе кепская замена. Яна прывядзе да далейшага пагаршэньня сітуацыі ў нашай краіне – магчыма, да вайны і канчатковай страты незалежнасьці. Думка настолькі простая, што нават відавочная. Частка беларусаў яе засвоіла і выходзіць на пратэсты супраць правіцеля-узурпатара ў т.л. і з адэкватнымі слоганамі пра Пуціна і яго “рукі” (гл. фоты вышэй справа). Аднак гэтая думка большасьцю пратэстоўцаў усё яшчэ не засвоена. Працягваюць супраціўляцца нават былыя БНФ-аўцы – анатолі, міколы, сяргеі, паўлы – у т.л. і ў форме блявузганьня на нас: “памагатыя Лу-кі…”. Таму працягваем падаваць на сайце ня толькі нашы аргументы, а і меркаваньні іншых аўтарытэтных асоб. На гэты раз хай гэта будуць больш дасьведчаныя ў абсалютна аналагічным пытаньні – адзінае, што ў сваёй краіне – украінцы. Пачнем з жыхара Украіны, публіцыста Віталя Портнікава (гл. фота вышэй зьлева), які нядаўна даў інтэрвю “Свабодзе”, дзе заявіў, што Беларусь – калонія Расеі, і што пакуль будзе так, ніякая барацьба грамадзян за свабодныя выбары ня дасьць плёну (на “беларускай” “Свабодзе” – нездарма мы ўвесь час пішам гэтыя словы ў дзьвюкосьсях – матэрыял быў выдалены; гл. тут – https://svabod1.azureedge.net/a/30882473.html).

Катэгорыі: 1.2. Беларусь пераход, 1.3. Беларусь сёньня, 1.6. Сьвет сёньня, 2.3. Такая "апазіцыя", 3.1. Імпербюракратыя Расеі, 3.4. Украіна, 4.1.4. Змаганьне за дэмакратыю, 4.3. Інтэрнацыяналізм сапраўдн., 5.5. Паралелі сацыяльныя

НАША ЧАРГОВАЕ ПАПЯРЭДЖАНЬНЕ ДЛЯ ТЫХ, ХТО “ПРОСТА ЗА ПЕРАМЕНЫ…”

29 кастрычніка, 2020 | 18 каментарыяў

Рэдакцыя.

Адзін зь недахопаў дарослай людскай большасьці ў тым, што яна, нібы малыя дзеці, “хоча верыць”, што любыя перамены вядуць да лепшага. Удумлівая меншасьць ведае, што, каб так здарылася, трэба прыкладаць адмысловыя разумовыя ды фізічныя высілкі! Часта – вялікія, бо само па сабе “Лепшае” зь неба ня зваліцца, а лёс (у т.л. лёс краіны), будучы пушчаны на самацёк, хутчэй прывядзе да горшага. Занадта шмат вакол нас драпежнікаў ды шакалаў… Мы, як толькі зразумелі, што гістарычны час набліжае Беларусь да істотных перамен, увесь час імкнемся зьвярнуць увагу нашых чытачоў на гэтую простую думку. Вынікі ёсьць, але малыя. Таму сёньня выстаўляем матэрыял, які нядаўна пачаў гуляць па Сеціве (яго аўтар нейкі расеец “А.Паўлаў”), і ў якім гаворыцца пра страшную небясьпеку, якая пагражае нашаму народу, калі мы ня будзем дастаткова пільнымі. Матэрыял ілюструецца карыкатурамі “Ёлкіна”, які паказвае, каму на справе пазарэз патрэбна т.зв. “интеграция”.

Катэгорыі: 1.3. Беларусь сёньня, 1.6. Сьвет сёньня, 2.3. Такая "апазіцыя", 3.1. Імпербюракратыя Расеі, 3.3. Мясцовыя цяперцы, 4.1.4. Змаганьне за дэмакратыю

Крызіс абвастраецца, значыць, разьвязка набліжаецца (частка 1)

18 кастрычніка, 2020 | 19 каментарыяў

Рэдакцыя.

Беларускі народ моцна зьдзівіў многіх сваімі рашучымі і ўпартымі пратэстнымі дзеяньнямі, якія ён, дзякуючы сучасным СМІ, дэманструе на ўвесь сьвет вось ужо больш за два месяцы (https://www.youtube.com/watch?v=4emeGGBZe_Q). Ужо гэта настолькі ўзьняла нашу нацыянальную годнасьць і міжнародную рэпутацыю, што агульным месцам для шэрагу палітолагаў стала меркаваньне пра “нараджэньне новай беларускай нацыі”. Яны, вядома, забылі пра аналагічныя “нараджэньні” ў 1918-20 гг., у 1990-91 гг. (гл. фоты вышэй), але, бог зь імі… У ходзе даных падзей асаблівае значэньне набывае тое, што адбылося ў апошні тыдзень. Гэтыя зусім нядаўнія падзеі па сваім значэньні істотна перавысілі асярэднены паказчык грамадска-палітычнай значнасьці таго, што адбывалася два папярэднія месяцы. Масаваць вулічных акцый з часам паступова зьмяншалася (мелі ўплыў іх працяглы час, рэпрэсіі з боку лукашыстаў, але ня толькі), і тут раптам адбыўся выбух якасна новых і значных падзей… Іх варта абмеркаваць, каб вызначыцца што да будучыні.

Катэгорыі: 1.1. Беларусь будучая, 1.2. Беларусь пераход, 1.3. Беларусь сёньня, 1.4. Гісторыя Беларусі й вакол, 1.6. Сьвет сёньня, 2.3. Такая "апазіцыя", 2.5. Прыглядаемся да Захаду, 3.4.1. Польшча, 3.4.2. Прыбалтыка, 3.6. Праверым прагноз, 4.1.4. Змаганьне за дэмакратыю, 4.3. Інтэрнацыяналізм сапраўдн.

У Маскве на Кунцаўскіх могілках адбылося пахаваньне Максіма Марцінкевіча (Цесака)

4 кастрычніка, 2020 | 3 каментарыя

Паводле https://360tv.ru/news/obschestvo/pohorony-tesaka-prohodjat-na-kuntsevskom-kladbische-s-povyshennymi-merami-bezopasnosti/ ; https://www.mk.ru/social/2020/10/03/pokhorony-tesaka-v-moskve-tolpy-za-cvetami-ramki-na-vkhode.html

Пахаваньне рускага нацыяналіста Марцінкевіча прайшло на Кунцаўскіх могілках на захадзе Масквы. Яно ўразіла масавасьцю і празьмернымі мерамі бясьпекі.

Катэгорыі: 1.6. Сьвет сёньня, 2.4. Расейская апазіцыя, 3.1. Імпербюракратыя Расеі, 3.4.5. Расея, 4.2. Нацыяналізмы

На саміце ЕЗ дамовіліся пра санкцыі ў дачыненьні да чыноўнікаў РБ

3 кастрычніка, 2020 | 10 каментарыяў

Першы ж дзень пазачарговага саміту ЕЗ завяршыўся прарывам – у Бруселі лідары ЕЗ змаглі пераканаць Кіпр зьняць блакаваньне санкцый супраць уладаў Беларусі (https://www.dw.com/ru/kak-na-sammite-es-dogovorilis-o-sankcijah-protiv-minska/a-55128400).

Катэгорыі: 1.3. Беларусь сёньня, 1.6. Сьвет сёньня, 2.5.1. Дэградацыя ЕўраЗьвязу, 3.3. Мясцовыя цяперцы, 4.3. Інтэрнацыяналізм сапраўдн.

У ХАСІДАЎ ЁСЬЦЬ… “БЕЛАРУСКАЕ” МЗС, А Ў БЕЛАРУСАЎ – НЯМА НІЧОГА

30 верасня, 2020 | 4 каментарыя

Вольга Лойка (узята адсюль – https://news.tut.by/economics/700836.html ; надрукавана 17 верасьня 2020 г.)

«Гэта абсалютна не па-людску», абураецца МЗС Беларусі. «Паважаць фундаментальныя правы чалавека», «агульнапрызнаныя дэмакратычныя нормы» патрабуе яно [у перыяд рэпрэсій супраць мірных грамадзян Беларусі. – рэд.]. Урэшце, «прытрымлівацца прынцыпаў гуманізму» (https://news.tut.by/society/700746.html). І наогул «спусьціцца на зямлю i проста пачаць дыялог з гэтымі людзьмі, яны не патрабуюць нічога звышнатуральнага, толькі павагі да сваіх базавых правоў». Калі вы пасьпелі падумаць, што кіберпартызаны, удзельніцы жаночых маршаў або яшчэ якія варожыя сілы захапілі беларускае МЗС, выдыхайце. Усё проста: зьявіўся зручны прадмет для “праведнага абурэньня”.

Катэгорыі: 1.3. Беларусь сёньня, 1.6. Сьвет сёньня, 2.2. Фіксуем варварства ўладаў, 3.2. Сіянізм і антысіянізм, 3.3. Мясцовыя цяперцы, 3.4. Украіна, 4.3. Інтэрнацыяналізм сапраўдн., 5.5. Паралелі сацыяльныя

Што сёньня кажа “Захад” пра Беларусь і наш народ

24 верасня, 2020 | 5 каментарыяў

Рэдакцыя.

Падзеі, якія пачаліся ў Беларусі ў першай дэкадзе жніўня і працягваюцца сёньня, сталі настолькі нечаканым і яркім грамадска-палітычным фактам (і ўжо нават гістарычным), што не маглі не справакаваць, як мы яго называем, “эфект крука ў лесе”. То бок, многія з тых міжнародных структур і адказных асоб, якія іх прадстаўляюць – людзей на вялікіх дзяржаўных пасадах, хто ў іншых абставінах мог бы моўчкі адседзецца ў сваіх офісах, замках, бунгала, сёньня мусяць (!) рабіць адваротнае – публічна выказвацца, даючы свае ацэнкі таму, што адбываецца ў нашай Бацькаўшчыне. За 26 гадоў яны, магчыма, не прысьвяцілі Беларусі й 26 хвілін сваёй увагі, затое ў апошнія дні мусяць аддаваць значна больш. І ў гэты самы момант мы можам пабачыць-пачуць ня толькі сам тэкст іх заяў, а і на грунце таго, што імі было абнародавана, ацаніць тое, чым напраўду “жывуць і дыхаюць” гэтыя людзі, які іх грамадска-палітычны сьветагляд. У гэтым заключаецца істотная дадатковая карысьць (у дадатак да факта саміх выказваньняў) ад пралёта беларускага “крука” над заходнім “лесам”.

Катэгорыі: 1.3. Беларусь сёньня, 1.6. Сьвет сёньня, 2.2.1. Этнацыд беларусаў, 2.3. Такая "апазіцыя", 2.5. Прыглядаемся да Захаду, 2.5.1. Дэградацыя ЕўраЗьвязу, 2.5.3. Сусьветная закуліса, 2.6. Дзякуем і запамінаем, 3.4.1. Польшча, 4.1.4. Змаганьне за дэмакратыю, 4.3. Інтэрнацыяналізм сапраўдн., 4.4. Падаем дакумент, 5.1.3. Польскае пытаньне, 5.5. Паралелі сацыяльныя, 5.6.6. Ідэал.універс.нац.

Рэзалюцыя Еўрапарламенту (2020/2779(RSP)) што да сітуацыі ў Беларусі

20 верасня, 2020 | 16 каментарыяў

(узята адсюль: https://www.europarl.europa.eu/doceo/document/RC-9-2020-0271_EN.html; перакладзена і выдзелена рэдакцыяй)

Катэгорыі: 1.3. Беларусь сёньня, 1.6. Сьвет сёньня, 2.5.1. Дэградацыя ЕўраЗьвязу, 4.1.4. Змаганьне за дэмакратыю, 4.3. Інтэрнацыяналізм сапраўдн., 4.4. Падаем дакумент

Алесь Астроўскі: Беларускі народ мусіць яднацца вакол адзінай мэты

29 жніўня, 2020 | 13 каментарыяў

Інтэрвю для радыё “Рацыя” (слухаць тут – https://www.racyja.com/hramadstva/ales-astrouski-belaruski-narod-musi/)

РР: Беларусы цягам апошняга тыдня паказалі сваю салідарнасьць. Выйшлі. У абсалютна неспадзяваны спосаб паказалі прыхільнасьць да нацыянальных каштоўнасьцяў. Супраць дыктатуры. Але найважнейшым матывам выхаду стаў гвалт, несувымерны з нармальным разуменьнем грамадзяніна – мірнага чалавека, які жыве ў цэнтры Еўропы.

Катэгорыі: 1.2. Беларусь пераход, 1.3. Беларусь сёньня, 1.6. Сьвет сёньня, 2.3. Такая "апазіцыя", 2.5. Прыглядаемся да Захаду, 2.5.1. Дэградацыя ЕўраЗьвязу, 4.1.4. Змаганьне за дэмакратыю